Makkum

Ut Wikipedy
Jump to navigation Jump to search
Makkum
Flagge fan Makkum Wapen fan Makkum
Flagge Wapen
Lokaasje fan Makkum
Gemeente Súdwest Fryslân
Ynwennertal (2004) 3260
Webstee http://www.makkum.nl

Makkum is in flekke yn de gemeente Súdwest-Fryslân, west fan Boalsert oan de Iselmar. Oant 2011 lei Makkum yn de eardere gemeente Wûnseradiel. It wie it grutste plak yn de gemeente, mei likernôch 3.260 ynwenners (2004). Benoarden en besuden Makkum lizze de natuergebieten Súdwaard en Noardwaard. Under Makkum falt ek it buorskip Ingwier

Makkum is fan âlds in fiskersplak, mar it hat yn de 20e iuw ek in protte toerisme krigen.

Skiednis[bewurkje seksje | boarne bewurkje]

Makkumer Ierdewurk
De Waach fan Makkum
Makkumer bûlevard

De Sint Maartenterp is al mear as tûzen jier âld. Hjirop stie doe in tsjerkje mei it boeredoarp Mackum. Yn de 16e iuw ûntstie oan de súdlike kant de steedlike kearn: Statum. By Statum wie in slûs dêr't troch frachtskippen tol betelle wurde moast. De measte skippen farden troch nei Boalsert. Nei de Midsiuwen binne beide delsettings oan inoar fêst groeid. De hjoeddeiske tsjerke is yn 1660 boud.

Yn de Midsiuwen hie Makkum de namme Poarte nei de Sudersee. Dit kaam troch de twa slûzen, de noardlike fan it Kleaster Blomkamp, de súdlike fan it Kleaster Lúntsjerk. Makkum koe him sa ûntjaan ta in wichtich handelssintrum mei in strategyske posysje.

De Gouden Iuw fan Makkum begûn yn de 17e iuw en duorre oant de 18e iuw. Makkum wie in belangryk wurk- en handelssintrum, ynklusyf stienbakkerijen, tegelbakkerijen, hout, oalje, papier- en pelmûnen, skipswerven en skulpekalkûnen. De skulpkalkbaarnderijen wienen de grutste pylders foar de wolfeart fan Makkum. In soad minsken wurken hjir. Dizze mitselkalk fan hege kwaliteit waard ûnder oare brûkt by de bou fan huzen yn Amsterdam. It ferfier fan grûnstoffen en einprodukten gie per skip en dêrtroch bloeiden ek de skipfeart en skipsbou. De skulpefiskerij wie fan belang neist de gewoane fiskerij.

It wapen fan Makkum toant in Seemearmin fan goud mei yn de rjochterhân in nei rjochts silend skip en in de lofterhân in kalkûne. De 19e iuw brocht in tebekfal troch it fersânjen fan de Sudersee dêr't de haven dan Makkum min te beriken troch waard. De drokte rûn werom en allinnich de skipsbou en wat diggelguodfabriken bleaunen oer.

De lêste jierren lûkt Makkum in protte wetter(sport)leafhawwers. It rekreaasjegebiet “De Holle Poarte” mei strân, kampearterrein, fakânsjewenten en bûlevaar lûkt alle jierren in soad minsken oan.

Bûten de lânbou nimt de natuer (reidsnijerij yn de Makkumerwaard) in grut plak yn. De natuergebieden oan de Iselmarkust binne ferneamd troch de kloften fûgels en it grutte ferskaat oan planten. De Stifting Preamke lit simmerdeis in pream farre foar toeristen. De Stifting WON set him yn om de seefiskerij op de eardere Sudersee yn byld te bringen.

Yn 2008 haww Keninginne Beatrix en har famylje it plak oandwaan op Keninginnedei.

It besjen wurdich[bewurkje seksje | boarne bewurkje]

Toeristesintrum
Sicht op Turfmerk en Prúkmakkershoeke fanôf it Fallaat
Fiskershaven
Fiskershaven

De rike histoarje fan de flekke noch goed te sjen. De flekke hat in stêdeftige struktuer út de 17e iuw. Benammen by de slûs steane fraaie keapmanshuzen mei prachtige gevels en ymposante ornaminten. Ek de eardere waach is in besite wurdich, lykas ek it tichelwurkfabryk Keninklike Tichelaar Makkum, it âldste (tiggelwurk)bedriuw fan Nederlân, makker fan it fan it wrâldferneamde Makkumer tiggelwurk.

Mienskip[bewurkje seksje | boarne bewurkje]

De feriening foar Pleatslik Belang is oprjochte yn 1909. De krante fan de flekke is de Makkumer Belboei. Simmerdeis is der al sûnt 1990 Leagenbollepop. Us Stek set him yn foar saken op it mêd fan sport en aktiviteiten. Sint Martinus, It Iepen Stee en De Arke binne de trije basisskoallen fan de flekke.

Ferienings[bewurkje seksje | boarne bewurkje]

  • Stifting Ald-Makkum
  • Roeiferiening
  • Keatsferiening
  • Follybalferiening
  • Fuotbalferiening
  • Ons Genoegen - fiskjen
  • Feriening Ús Stek Makkum

Befolking[bewurkje seksje | boarne bewurkje]

Sjoch ek[bewurkje seksje | boarne bewurkje]

Gleiershuzen
Alde postkantoar

Strjitten[bewurkje seksje | boarne bewurkje]

Alle strjitten yn Makkum.

Boarnen, noaten en referinsjes[boarne bewurkje]

Boarnen, noaten en/as referinsjes: