De Prins (restaurant)

Ut Wikipedy
Jump to navigation Jump to search
Hotel-kafee-restaurant De Prins yn Makkum anno 2011

De Prins is in hotel-kafee-restaurant oan de Tsjerkestrjitte 1 yn Makkum.

Skiednis[bewurkje seksje | boarne bewurkje]

Detail fan de tegelwand yn hotel-kafee-restaurant De Prins'

It blokfoarmige pand waard om 1870[1] boud en yn 1924 útwreide oan de efterside. It pand waard nei 1898 ek brûkt as tramhalte op de tramline nei Harkesyl. It foarste gedielte fan it gebou is twa lagen heech, dêr't de ûnderste laach fan wyt plastere is. De oanbou út 1924 telt trije boulagen mei in souderferdjipping. Yn de ytseal fan it gebou sit in tegelwand mei de ôfbylden fan tolwe skippen. Elk ôfbyld is gearstald út 24 tegels. De wand is makke troch Adam Sijbel in tegelskilder út Amsterdam, dy't yn 1784 yn tsjinst trede by it tegelfabryk fan Kingma yn Makkum.

De Prins is erkend as ryksmonumint fanwege de seldsume tegelwand mei skipstableaus, de relaasje fan de ôfbyldingen fan de skippen mei de tichtby lizzende haven en de markante lizzing fan it gebou binnen it beskerme doarpsgesicht fan Makkum.

Boarnen, noaten en referinsjes[boarne bewurkje]

Boarnen, noaten en/as referinsjes:

  1. Stenvert en Karstkarel neame de perioade om 1870 hinne foar de bou fan it pand. Neffens de Rykstsjinst foar it Kultureel Erfguod oanbelanget it lykwols in "overwegend laat-18de/vroeg-19de-eeuws gebouw"