Skraard

Ut Wikipedy
Jump to navigation Jump to search
Skraard
Flagge fan Skraard Wapen fan Skraard
Flagge Wapen
Lokaasje fan Skraard
Gemeente Súdwest-Fryslân
Ynwennertal (2011) 194
Webstee http://www.wunseradiel.nl
Skraard yn 1975

Skraard is in terpdoarp yn de gemeente Súdwest-Fryslân, besuden Wytmarsum. Oant 2011 lei Skraard yn de eardere gemeente Wûnseradiel. It doarp hat likernôch 180 ynwenners (2004) en hat sûnt 1988 de status fan beskerme doarpsgesicht. It is ûntstien op de súdlike ouwer fan de Marneslinke en wurdt yn de earste geskriften Scadawerth neamd.

Hjir stie eartiids de Aylvastate.

De protestantske tsjerke wurdt yn 1270 foar it earst neamd en is yn 1954 restaurearre. Hjir spilet in ferhaal fan in hosty-wûnder, dat twa kear troch de paus erkend waard. Dit kaam trochdat de pastoar en de fikaris yn 1414 in bliedende hosty op it alter fûnen. Der kamen letter dan ek pylgers op beafeart op ôf. Minsken dy't in ôflaat krigen koenen boete dwaan troch dêr hinne te gean en in offer te bringen. De tsjerke datearret foar in grut part út de let romaanske perioade en is fan giele friezen boud, lykas de toer. Yn de tsjerke stiet meubilêr út de 17e iuw. De renêssânse kânsel, doopstek, lessener, jildtaffeltsje en nachtmielbanken foarmje in harmonieus gehiel. Moai houtsnijwurk binne de sydwangen fan tsien tsjerkebanken fan ± 1565 mei ingelen, duvels en mûnsters.

Skraard wie yn de achttjinde en njoggentjinde iuw in sintrum foar handel yn hea. Súdeast fan de tsjerke stie tusken 1860 en ûngefear 1950 in spinnekopmûne.

Mienskip[bewurkje seksje | boarne bewurkje]

Tsjerke[bewurkje seksje | boarne bewurkje]

De eardere grifformearde tsjerke wurdt as wenhûs brûkt.

Ferienings[bewurkje seksje | boarne bewurkje]

  • Excelsior - muzyk

Befolking[bewurkje seksje | boarne bewurkje]

Berne yn Skraard[bewurkje seksje | boarne bewurkje]

Strjitten[bewurkje seksje | boarne bewurkje]

Doarpsstrjitte, Easterleane, Skoalstrjitte, Smidstrjitte, Wûnserwei, Suderleane.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: