Skarl (buorskip)

Ut Wikipedy
Gean nei: navigaasje, sykje
Lizzing fan Skarl
Klokkestoel

Skarl (Scharl) is in buorskip by Warns yn de gemeente Súdwest-Fryslân mei likernôch 40 ynwenners en sa'n 14 hûzen en pleatsen. Skarl leit fuortby de Iselmar. De buorskip hat in lyts tsjerkhôf, mei in klokhús.

Ferkearde Wei[bewurkje seksje | boarne bewurkje]

De ferbining tusken Warns en Skarl is de Skarler Dyk, dy't yn de 19e iuw noch de Ferkearde wei hiet, om't it de wei west hawwe moat dy't de mannen fan Greve Willem fan Henegouwen namen doe't se nei de Slach by Warns besochten nei Starum fuort te kommen. Yn stee dêrfan draaide de wei nei it suden, nei Skarl en it Reaklif.

Hichte[bewurkje seksje | boarne bewurkje]

Fan Starum fiert de Suderwei de Iselmardyk bylâns nei Skarl. Fan dy wei ôf, mar mear noch fan de Sudermar út, is goed te sjen dat Skarl op in hichte leit. Om't de Súdermar mear as oardel meter djip is, is de 3,7 meter hichte fan Skarl dan in grut ferskil. Foarby Skarl leit lykwols it Reaklif, dat mei 10 m noch wer heger leit. Ut oare rjochtings is Skarl dêrom in lege hichte by it Reaklif. De oare ein fan de Skarlerdyk gong earder rjocht op it Reaklif oan, mar draait no op de dyk ta. Fan de trijehoek mei de Suderwei rint dan de Laaksumer Dyk nei it Reaklif, en fierder nei Laaksum.

Skiednis[bewurkje seksje | boarne bewurkje]

Skarl is al yn, of foar, de 14e iuw ûntstien. Oant de gemeentlike weryndieling fan 1984 lei de buorskip yn de gemeente Himmelumer Aldefurd. Fan doe oant 2011 lei Skarl yn de doetiidske gemeente Nijefurd.