Lollum

Lollum is in doarp yn de gemeente Súdwest-Fryslân, noardeast fan Wytmarsum. It doarp hat likernôch 400 ynwenners (2006). Oant 2011 lei Lollum yn de eardere gemeente Wûnseradiel.

Yn de âldste stikken wurdt it doarp ek Lolinghum, Lolingum, Lolleghum, Lollegum, Lollinghum, Lollingum, Lovelinghum en Ruygelollum neamd. Lollum is in ‘bûtendyks’ terpdoarp, it leit nammentlik westlik fan de Slachtedyk. It doarp waard eartiids Ruigelollum neamd, ta ûnderskieding fan Lytselollum, in buorskip ûnder Frjentsjer. Lollum hat in buorren om de âlde, diels ôfgroeven terp hinne. Om de súdkant fan dizze terp hinne rint in smelle feart mei ferbinings nei it westen en benammen nei it easten ta. Yn it suden en yn it noarden binne belangrike buerten oan de útfalsdiken ûntwikkele wurden. Oan de súdkant is dat foar it grutste part wenningbou út de perioaden nei de oarloch.

Ungefear in kilometer noardwest fan it doarp stiet de poldermole Marswâl.

Mienskip

It doarp docht in soad yn de mande mei Waaksens. It doarpshûs hjit Nije Haven. Basisskoalle De Gielguorde stiet oan de Waaksenserwei.

Befolking

• 1954 - 547
• 1959 - 524
• 1964 - 508
• 1969 - 468
• 1974 - 430
• 2006 - 400

• 
  Herfoarme tsjerke
• 
  Mûne Marswâl

Berne yn Lollum

• Geertje Lycklama à Nijeholt (1938), politikus
• Theunis Heukels (1880-1953), skoaldirekteur en politikus

Tsjerken

• Hubertustsjerke; de âlde herfoarme tsjerke, tsjintwurdich PKN-tsjerke.
• Grifformearde tsjerke; ôfstjitten yn 2014.

Strjitten

Ald Haven, Barsumerpaad, Bayumerleane, Berghuzerwei, Buorren, Elshoutbuert, Hizzaarderleane, It Fabryk, Noarderein, Skoallebuert, Tsjerkestrjitte, Sytze van Abbemastrjitte, Waaksenserwei.

Sjoch ek

• Fryske doarpen.

Boarnen, noaten en referinsjes

Boarnen, noaten en/as referinsjes:

Webstee Lollum-Waaksens