Twellingea

Ut Wikipedy
Jump to navigation Jump to search
de himrik fan Twellingea

Twellingea (Uitwellingerga) is in doarp yn de gemeente Súdwest-Fryslân, krekt súdeast fan Snits, mei likernôch 432 ynwenners. Oant 2011 lei Twellingea yn de eardere gemeente Wymbritseradiel. De ynwenners fan Twellingea sizze ek wol fan Twellegea as se it oer har doarp hawwe.

It doarp, dat oan it Ges en de Easterbrêgesleat leit, foarmet tegearre mei Toppenhuzen it twillingdoarp Top en Twel. Oan de súdkant fan it doarp leit it Prinses Margrietkanaal, it Ges jout it doarp ferbining mei de Houkesleat. Fia Toppenhuzen hat it doarp oer de wei ferbining mei Snits. De lizzing oan it wetter, ticht by de Snitser Mar, makket it doarp geskikt foar de wettersport.

Benoardeasten Twellingea stiet de yn de 19e iuw boude Geau's Mole, dy't it natoergebiet de Geaupolder bemealt. Hy docht dit tegearre mei twa Amerikaanse wynmotors, de wynmotors Twellingea 1 en 2.

Yn de omkriten fan Top-en-Twel wennen yn de lette midsiuwen de haadlingenfamyljes Bonninga, Reinarda en Sjaerda en hienen sadwaande ek hege funksjes. De famylje Reinarda wenne op Reinardastate. Ien fan de Bonninga’s wie troud mei in Reinarda en lettter binne de Sjaerda’s ek wer oan de Bonninga’s lieard. It wie yn de tiid fan de Skieringers en de Fetkeapers, sa tusken 1450 en 1500. Snits (en ek de Sjaerda’s) wienen Skier en Ljouwert wie Fet. Op 22 maart 1491 hawwe de Fetkeapers de stins fan de Sjaerdas yn Toppenhuizen platbaarnd.

Mienskip[bewurkje seksje | boarne bewurkje]

Yn it multyfunksjonele sintrum It Harspit, boud yn 1980 sitte it doarpshûs en basisskoalle It Harspit. Feriening Pleatslik Belang hat in beliedsplan "De Twilling ûnderweis nei 2015" opsteld. De Twilling is it doarpskrantsje fan Top-en-Twel.

Ferienings[bewurkje seksje | boarne bewurkje]

  • Animato - folksdûnsjen
  • Ardito en Euphonia - korpsen
  • Bleach - band
  • Top en Twel Sjongers - shantykoar
  • Kommer en Kwel út Top en Twel - smartlappekoar
  • Ferdivedaasje - toaniel
  • Top en Twel aktyf - feestkommisje
  • Top&Twel - badminton
  • Op't Griene Lekken, BZN, Dwers troch it lekken, It mei gjin namme ha, Keu-tel, Oer de bân út, Fan kyt ôf oan, Oer de reade - biljerten
  • V&K (Vlugheid en Kracht), Keep Fit - gymnastyk
  • De Grachten - tennis
  • Fuotbalferiening TOP '63
  • T&T - follybal
  • ZOU - silen
  • De Gravinnepoel - swimmen

Befolking[bewurkje seksje | boarne bewurkje]

In bekende ynwenner is reedrider Sjoerd de Vries dy't begjin 2007 Wrâldkampioen by de junioaren waard.

Strjitten[bewurkje seksje | boarne bewurkje]

Binnebaan, Brêgefinne, Brêgesleatswei, Buorren, Bûtebaan, Bybaan, Eastwei, Grutte Súdein, Koartebaan, Langebaan, Leijepoel, Leyesleatswei, Lytse Súdein, Sjuwedyk, Súdwei.

Ryksmonuminten yn Twellingea[bewurkje seksje | boarne bewurkje]

Oer Top en Twel[bewurkje seksje | boarne bewurkje]

  • It Bestek fan de yn 1695 nij to bouwen tsjerke yn Toppenhuzen(1969) - R. Steensma
  • Ta de Skiednis fan Toppenhuzen en Twellegea (1939) - O. Santema
  • Pastoars, dûmnys en tsjerkefolk yn Top & Twel - J. van der Bij
  • De Streek fan Toppenhuzen en Twellegea bylâns (1984) - Sjirk Wybenga en Jan de Jong
  • Mei groetnis fan de Twilling (1994) - útjûn troch Doarpsbelangen by. it 75-jierrich bestean

Boarnen, noaten en referinsjes[boarne bewurkje]

Boarnen, noaten en/as referinsjes: