Warns

Ut Wikipedy
Jump to navigation Jump to search
Warns
Flagge fan Warns Wapen fan Warns
Flagge Wapen
Lokaasje fan Warns
Gemeente Súdwest-Fryslân
Ynwennertal (2011) 796
Webstee site Webstee fan Warns
Doarps- en kultuerhûs 'De Spylder' yn de âlde grifformearde tsjerke

Warns is in doarp yn de gemeente Súdwest-Fryslân. Oant 2011 lei Warns yn de eardere gemeente Nijefurd. It is in lintdoarp dat fan it Johan Frisokanaal yn it noarden oant Laaksum by de Iselmar yn it suden rint. Troch dy lizzing is de wettersport foar Warns fan grut belang, benammen de jachtbou.

Omfang[bewurkje seksje | boarne bewurkje]

Ta it gebiet fan Warns hearre ek de buorskippen Laaksum en Skarl.

Yn de Midsiuwen wie hjir ek noch it doarp en kapel Kappenburch, dat letter opgien is yn de Warnser Noarderbuorren.

Skiednis[bewurkje seksje | boarne bewurkje]

De namme komt ek foar as Wardesle, Waene, Werlize, Warrdelze en Waerlenze. Men tinkt by Warns al gau oan de Slach by Warns (1345). Eartiids stie hjir de stins fan Jelmer Ottes Sytzama (boaske mei Ats Bonninga), en doe't Douwe Geales Galema yn 1490 hjir ek in stins bouwe liet wie der spul: De earste wie Skier, de oar wie Fet. Dat hat duorre oant Galema de stins fan Sytzama wûn en ôfbrekke liet.

Skipfeart[bewurkje seksje | boarne bewurkje]

Yn de 17e en 18e iuw wie Warns in doarp fan seelju. Sa hat Warns oan it begjin fan de 18e iuw, noch 8 grutskipperswenten, wenten fan kapteins. Dy kapteins fearen nei Noarwegen en nei de Eastsee. Yn de 19e iuw gong skipfeart mear nei Hollân en doarpen as Warns rûnen tebek.

Mienskip[bewurkje seksje | boarne bewurkje]

It doarpskultuerhûs yn de eardere gereformearde tsjerke út 1892 hjit De Spylder. It doarp hat ien feriening Doarpsbelang mei Skarl & Laaksum. Der rydt in buertbus en der is in postagintskip. Warns hat twa skoallen, De Skoalfinne en De Totem en it pjutteboartersplak hjit Us Stee. Der binne fiif buertferienings: B.V. 95 ('t Noard), Ald en Nij (Boppelâns), Meiïnoar ien (Janke Trompstrjitte en Kapelstrjitte), De Middenkrite en Fan See tot Zee.

Ferienings[bewurkje seksje | boarne bewurkje]

  • Sult - teätergroep
  • toanielploech Warns
  • De Alde Klysters - koar
  • De Lytse Súdwesthoeke - muzyk
  • Fuotbalferiening QVC
  • sjitferiening
  • badmintonferiening
  • WSV - gymnastyk, judo en follybal
  • damklub
  • Stifting Natoer en Lânskip
  • Fûgelwacht
  • Oranjeferiening Nederlân en Oranje
  • Biljertklup It Griene Lekken

Befolking[bewurkje seksje | boarne bewurkje]

Strjitten[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: