Boazum

Ut Wikipedy
Jump to navigation Jump to search
Boazum
Flagge fan Boazum Wapen fan Boazum
Flagge Wapen
Lokaasje fan Boazum
Gemeente Súdwest-Fryslân
Ynwennertal (2009) 397
Webstee Webstee fan Boazum
Sint-Martinustsjerke yn Boazum

Boazum is in doarp yn it súdeasten de gemeente Súdwest-Fryslân, net fier fan de Swette, mei likernôch 320 ynwenners. Der is ek in basisskoalle, de gearwurkingsskoalle 'Dûbelspan', en in pjutteboartersplak Krobbehonk. Der rydt alle oeren in bus (fan Ljouwert nei Snits dy't stopt by de halte Yndyk, ûngefear ien kilometer fan it doarp.

Oant de gemeentlike weryndieling yn 1984, makke Boazum diel út fan de gemeente Baarderadiel. Sûnt 1984 lei Boazum yn Littenseradiel, nei in gemeentlike weryndieling kaam it yn 2018 by de gemeente Súdwest-Fryslân.

Gebouwen[bewurkje seksje | boarne bewurkje]

Rike famyljes lykas de Wiarda's, Walta's en Gerbrandy's wennen yn Boazum, yn steatlike rintenierswenningen. Harren huzen siere noch altiten it doarp.

tsjerke

De Sint Martinustsjerke fan Boazum is ien fan de wichtichste en âldste romaanske tsjerkegebouwen yn Fryslân út de 12e iuw. By de restauraasje yn 1941 waard yn it gewelf in skildering ûntdekt. De saneamde Majestas Domini. De skildering stelt in burdleaze Kristus foar.

kafee

It kafee "De Boazumer Mjitte" is ien fan de grutste herbergen út de gemeente (anno 1875) mei in grutte boppeseal.

De Wylgen

De Wylgen is in monumintaal gebou, dat brûkt waard as fakânsjewente foar húshâldingen mei in handikapt lid fan de húshâlding. Dizze wente wie troch frou Gezina H. Volkers silger skonken oan it Prinses Beatrix Fûns mar wurdt no brûkt as partikulier hûs.

Eelko Alta[bewurkje seksje | boarne bewurkje]

In ferneamde Boazumer wie Eelko Alta (1723-1798). Hy wie dûmny en pionier op it mêd fan fee-yninting. Syn wurk Philosophische Bedenkingen over de Conjunctie van de Planeten Jupiter, Mars, Venus, Mercurius en de Maan. Op den Agtsten May 1774. staande te gebeuren, en wel over de Mogelyke en Waarschynelyke Sterre en Natuurkundige Gevolgen deezer Conjunctie (1774) waard lang sjoen as de reden foar Eise Eisinga om yn itselde jier syn planetarium te bouwen, mar resint ûndersyk hat dêr in oar ljocht op smiten.[1]

Mienskip[bewurkje seksje | boarne bewurkje]

Boazum hat in Stifting Doarpsmienskip dy't eigener is fan it doarpshûs. Yn foar- en neijier wurdt in jûn organisearre (in buorrel- of kofjejûn en yn septimber in diskedei. It behear fan de boarterstún is ien fan de beheartaken fan Doarpsbelang. Yn doarpshûs 'De Boazumer Mjitte' is in soad te rêden. Yn 1993 is in steatlike gebou mei help fan it hiele doarp renovearre. Yn septimber is der in diskedei. Tsien kear yn't jier ferskynt it doarpskrantsje de "Doarpsskille" mei in earder in soad histoaryske artikels. In bekende ynwenner fan it doarp is Henk Kroes, âld-foarsitter fan de feriening "De Friesche Elf Steden".

Ferienings[bewurkje seksje | boarne bewurkje]

  • Keatsferiening
  • De Harmonie - toaniel
  • Fûgelwacht
  • Lyts Begjin, Kromme Keu en De Trekkertjes - biljerten
  • Stifting 'de Nacht fan Boazum'
  • Folksdûns en Fluitclub
  • Oan 'e râne - darts
  • KF Boazum - keatsen

Befolking[bewurkje seksje | boarne bewurkje]

Ferskaat[bewurkje seksje | boarne bewurkje]

Strjitten[bewurkje seksje | boarne bewurkje]

Altaplein, Blaukeesje, Bongier, De Havens, De Kamp, De Pôle, De Trochsnijing, Dokter Miedemastrjitte, Flearen, Hegedyk, It Heech, It Oerd, Makkum, Singel, Slachtedyk, Suderdyk, Sylsterdyk, Tanialeane, Tryntsjebuorren, Tsjerkebuorren, Waltawei, Yndyk.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

  1. Huib J. Zuidervaart, Speculatie, wetenschap en vernuft. Fysica en astronomie volgens Wytze Foppes Dongjuma (1707-1778), instrumentmaker te Leeuwarden (Ljouwert: Fryske Akademy, 1995).