Bakker & Timmenga

Ut Wikipedy

Bakker & Timmenga is in oargelmakkerij út Ljouwert.

Oargel út 1894 yn de Sint-Magnustsjerke (Hollum) op It Amelân
Oargel út 1900 yn de Doperske tsjerke (It Hearrenfean)
Oargel út 1938 yn De Karmel yn Wâldsein, mei in oargelkast út 1839 fan J.C. Scheuer

Skiednis[bewurkje seksje | boarne bewurkje]

De oargelmakkerij waard yn 1880 mei úteinset troch twa oargelbouwers: Fokke Bakker (1842-1904) en Arjen Timmenga (1854-1920). Beide krigen har' oplieding by Willem Hardorff. It wie neist Adema, Van Dam en Hardorff de fjirde oargelmakkerij yn Ljouwert. It kompanjonskip waard yn 1902 ûntbûn; Timmenga sette it bedriuw allinnich fuort. Yn 1919 giet er in kompanjonskip oan mei syn soan Bernard Timmenga (1889-1972), dy't it bedriuw oant 1960 liede soe. Dan wurdt de oargelmakkerij oernomd troch Wopke Yedema en Harm Pieter Dam. Sûnt 1991 is Bert Yedema eigener.

Yn 2005 (by it 125-jierrich jubileum) waard it bedriuw bekroand mei it Predikaat Hofleveransier.

Yn 2023 waard it bedriuw troch Bert Yedema ferkocht oan Oargelmakkerij Reil yn it Gelderske Heerde. Op termyn is Oargelmakker Reil fan doel om de wurkpleats oan de Kleine Kerkstraat yn Ljouwert te sluten. [1]

Oargels (karút)
Plak Tsjerke Jier
Abbegea Geertrudistsjerke 1923
Aldemardum Herfoarme tsjerke 1900
Aldtsjerk Paulustsjerke 1883
Assendelft Herfoarme tsjerke 1895
Baard Herfoarme tsjerke 1888
Balk Doopsgesinde Tsjerke 1908
Bitgummole Grifformearde tsjerke 1899
Boarnburgum Herfoarme tsjerke 1925
Damwâld Sint-Bonifatiustsjerke 1895
De Knipe Wite tsjerke 1916
De Knipe Doperske Tsjerke 1960
Dolsterhuzen Herfoarme tsjerke 1909
Donkerbroek Grifformearde tsjerke 1920
Feanwâlden Jehannestsjerke 1890
Ferwâlde Herfoarme tsjerke 1911
Gouderak Grifformearde tsjerke 1899
Hantumhuzen Sint-Annetsjerke 1907
It Hearrenfeam Doopsgesinde Tsjerke 1900
Hidaard Herfoarme tsjerke 1935
Hijum Nikolaastsjerke 1913
Kollumerpomp Grifformearde tsjerke 1913
Ljouwert Kuriostsjerke
Rinsumageast Aleksandertsjerke 1892
Roderwolde Jabisktsjerke 1911
Skuzum Herfoarme tsjerke 1908
Spannum Tsjerke fan Spannum 1911
Stynsgea Pypketsjerke 1929
Tytsjerk Fitustsjerke 1887
Vlagtwedde Tsjerke fan Vlagtwedde 1901
Waddinxveen Moarnsstjertsjerke 1898
Warstiens Herfoarme tsjerke 1883
Wikel Fêste Boarchtsjerke 1900
Zwartewaal Martinustsjerke 1902

Sjoch ek[bewurkje seksje | boarne bewurkje]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Binnita Poelman, Eigenaar lag lang wakker van verkoop Bakker & Timmenga. Frysk Deiblêd, 25 oktober 2023, s. 8