De Pomp
| |||||
| |||||
| Gemeente | Noardeast-Fryslân | ||||
| Ynwennertal (2022) | 453 | ||||
| Webstee | Webstee De Pomp | ||||
De Pomp (Frysk en Pompstersk; Nederlânsk, Frysk en offisjeel: Kollumerpomp) is in doarp dat yn de gemeente Noardeast-Fryslân leit. De Pomp leit noardlik fan Augsbuert-Lytsewâld, noardeastlik fan Kollum, westlik fan Warfstermûne, súdeastlik fan Ingwierrum en besuden it Lauwersmar. Yn 2022 telde De Pomp sa’n 453 ynwenners. De doarpskearn leit oan de Foijingawei.
Sûnt 2019 leit De Pomp yn de gemeente Noardeast-Fryslân, dêrfoar lei it doarp yn sawol de gritenij as de gemeente Kollumerlân en Nijkrúslân.
Skiednis[bewurkje seksje | boarne bewurkje]
Kollumerpomp is in streekdoarp oan de om 1315 hinne oanleine âlde dyk dy't yn 1529 in slieperdyk waard doe't om it Nijkrúslân in nije dyk oanlein waard. Dêrnei is der bebouwing kaam yn de buert fan de yn de 15e iuw oanleine dûker yn 'e dyk (de pomp). De Pomp hat hiel lang in buorskip west fan Kollum, mar hat tsjintwurdich de status fan doarp. De bebouwing ûntstie yn it begjin benammen oan de súdkant fan de dyk, mar nei de oarloch wreide it doarp him benammen oan de noardkant fan de dyk út.
Taal[bewurkje seksje | boarne bewurkje]
Yn De Pomp wurdt in Nedersaksysk Grinslanner dialekt sprutsen dat in soad Fryske ynfloeden hat. It Pompstersk wurdt noch sprutsen troch in 200 minsken en wurdt sterk mei útstjerren bedrige.
Plaknamme[bewurkje seksje | boarne bewurkje]
Yn 2021 waard de ynwenners fan it doarp foarlein om in kar te meitsjen tusken de twa Frysktalige plaknammen, de eardere De Pomp of de skriuwwize Kollumerpomp dy't sûnt de tweintichste iuw gebrûklik is. It doarp hat keazen foar de lêste. It slút dêrmei oan by de nammen Kollum en Kollumersweach.
Mienskip[bewurkje seksje | boarne bewurkje]
It doarpshûs fan De Pomp hjit It Trefpunt, 'De Wegwijzer' is de kristlike skoalle fan it doarp. Boppe De Pomp leit it rekreaasjepark Kollumeroard.
Gebouwen[bewurkje seksje | boarne bewurkje]
- Yn 1906 waard yn it doarp in Grifformearde tsjerke sûnder toer setten.
- Yn 1984 stifte Frans Lucassen de 'Russysk-Ortodokske Tsjerke fan de hillige Panteleimon'. De kapel is yn omboude skuorre (de tsjinsten binne yn it Nederlânsk en somtiden yn it Frysk).
- Op de Nije- of Bûtendyk stiet it saneamde kontribúsjehûske dat it wetterskip Seediken Kontribúsje Kollumerlân en Nijkrúslân dêr yn 1828 bouwe liet. It waard brûkt as stoarmwachtershûske en foar it hâlden fan gearkomsten.
- It doarp hat ek in út 1845 stammende wettermûne, de Westermûne.
Grifformearde tsjerke
Doarpshûs 'Trefpunt'
Kontribúsjehûske
| Boarnen, noaten en/as referinsjes: | ||
|
