Agen Kolar

Ut Wikipedy
Agen Kolar
personaazje út Star Wars
Agen Kolar.jpg
persoanlike bysûnderheden
sekse manlik
soarte personaazje Zabrak
nasjonaliteit Flag of the Galactic Republic.svg Galaktysk
berop/amt Jedi-master
oare ynformaasje
besibbe
  personaazjes
Mace Windu
Yoda
Saesee Tiin
Kit Fisto
Plo Koon
geastlike heit George Lucas
ûntstean 2002

Agen Kolar (útspr.: [ˈaːɡɛn koʊˈlɑɹ], likernôch: "aa-gen koo-lar") is in fiktyf personaazje fan minder belang út 'e Star Wars-franchise fan 'e Amerikaanske filmmakker George Lucas. Hy is in Jedi-master fan it bûtenierdske ras fan 'e Zabraks, en teffens in lid fan 'e Hege Jedi Ried, it bestjoer fan 'e Jedi Oarder. Agen Kolar waard yntrodusearre yn Star Wars: Episode II – Attack of the Clones (2002). It personaazje waard yn dy film en yn it ferfolch Star Wars: Episode III – Revenge of the Sith (2005) spile troch akteur Tux Akindoyeni.

Fiktive biografy[bewurkje seksje | boarne bewurkje]

Eftergrûn[bewurkje seksje | boarne bewurkje]

Agen Kolar wurdt berne as in Iridoanske Zabrak op 'e planeet Coruscant, dêr't it regear fan 'e Galaktyske Republyk fêstige is. Omreden fan syn oanberne Krêftgefoeligens wurdt er al jong nei de Jedi Timpel ta brocht, it haadkertier fan 'e Jedi Oarder op syn thúswrâld, dêr't er oplaat wurdt ta Jedi-ridder. Agen Kolar ûntjout him meitiid ta in foaroansteande Jedi.

Kloane-oarloggen[bewurkje seksje | boarne bewurkje]

Yn 22 f.Sl.Y. brekt de Separatistyske Krisis út, wêryn't de Konfederaasje fan Unôfhinklike Stelsels him besiket ôf te skieden fan 'e Galaktyske Republyk. Dêrby wurde de Jedi Obi-Wan Kenobi en Anakin Skywalker en senator Padmé Amidala op 'e planeet Geonosis troch de Sith greve Dooku ta de deastraf feroardiele. Kolar nimt diel oan it gefjocht yn 'e Petranaki Arena wêrby't it trio befrijd wurdt. Hy oerlibbet de Earste Slach om Geonosis, mar syn padawan Tan Yuster wurdt deade troch in oarlochsandroïde. Neitiid fjochtet Kolar yn 'e Kloane-oarloggen as in generaal yn Grutte Leger fan 'e Republyk, dat bestiet út 'e kloansoldaten dy't Jedi-master Sifo-Dyas mear as tsien jier earder op Kamino besteld hat.

Tsjin 'e ein fan it konflikt, yn 19 f.Sl.Y., wurdt Kolar beneamd as lid fan 'e Hege Jedi Ried, it bestjoersorgaan fan 'e Jedi Oarder. Hy ferfangt dêr in oare Iridoanske Zabrak, Eeth Koth, dy't de rol fan 'e Jedi yn 'e Kloane-oarloggen langer net mear goedkrije kin mei de ideälen fan 'e Oarder. As lid fan 'e Hege Jedi Ried nimt Kolar diel oan riedplachtings dy't net inkeld oer de stân fan saken yn 'e oarloch geane, mar ek oer de fraach hoe't de Jedi oan moatte mei kânselier Palpatine. Dyselde hat himsels ûnder it mom fan 'e troch de oarloch feroarsake needsitewaasje nammentlik withoefolle bykommend foech ta-eigene en liket net ree om dêr frijwillich wer ôfstân fan te dwaan.

Dea[bewurkje seksje | boarne bewurkje]

Anakin Skywalker bringt op in stuit it nijs dat de kânselier himsels oan him bekendmakke hat as Darth Sidious, de boasaardige Sith-master dy't it brein is efter alle tsjinrampen dy't yn 'e lêste desennia oer de Galaktyske Republyk kommen binne. Mace Windu, de lieder fan 'e Hege Jedi Ried, set mei Kolar en twa oare Jedi-masters, Kit Fisto en Saesee Tiin, nei it kantoar fan 'e kânselier ta om him te arrestearjen. Palpatine jout himsels lykwols net sûnder slach of stjit oer en der brânt in gefjocht mei de ljochtsabels los. Yn 'e earste pear sekonden fan dat gefjocht wit Palpatine fuortendaliks al Kolar en Tiin oer it mad te kommen en te deadzjen.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
 
personaazjes út Star Wars
 yntrodusearre yn A New Hope Raymus Antilles • Wedge Antilles • C-3PO • Chewbacca • Biggs Darklighter • Jan Dodonna • Obi-Wan Kenobi • Beru Lars • Owen Lars • prinsesse Leia Organa • R2-D2 • Luke Skywalker • Han Solo • Wilhuff Tarkin • Darth Vader
 yntrodusearre yn The Empire Strikes Back  Lando Calrissian • Boba Fett • keizer Palpatine • Firmus Piett • Yoda
 yntrodusearre yn Return of the Jedi Gial Ackbar • Bib Fortuna • Jabba de Hutt • Mon Mothma • Anakin Skywalker • Wicket
 yntrodusearre yn The Phantom Menace Saché Adova • Mas Amedda • Eirtaé Ballory • Sio Bibble • Depa Billaba • Jar Jar Binks • Adi Gallia • Nute Gunray • Qui-Gon Jinn • Ki-Adi-Mundi • Eeth Koth • Plo Koon • Darth Maul • Rugor Nass • Padmé Amidala • Quarsh Panaka • Even Piell • Yarael Poof • Oppo Rancisis • Sabé • Sebulba • Shmi Skywalker • Darth Sidious • Aurra Sing • Roos Tarpals • Saesee Tiin • Rabé Tonsort • Finis Valorum • Watto • Mace Windu • Yaddle
 yntrodusearre yn Attack of the Clones greve Dooku • Jango Fett • Kit Fisto • Agen Kolar • Cliegg Lars • Bail Organa • Poggle de Mindere • Aayla Secura • Shaak Ti • Darth Tyranus • Luminara Unduli
 yntrodusearre yn Revenge of the Sith Stass Allie • generaal Grievous
 yntrodusearre yn The Force Awakens BB-8 • Kaydel Ko Connix • Poe Dameron • Finn • Armitage Hux • Maz Kanata • kaptein Phasma • Kylo Ren • Rey • Snoke
 yntrodusearre yn The Last Jedi  Larma D'Acy • DJ • Amilyn Holdo • Rose Tico
 yntrodusearre yn The Rise of Skywalker Zorii Bliss • D-O • Jannah • Enric Pryde • Ben Solo
 yntrodusearre yn The Clone Wars (film) Ahsoka Tano • Asajj Ventress • Ziro de Hutt
 yntrodusearre yn Rogue One Cassian Andor • Galen Erso • Jyn Erso • Saw Gerrera • Chirrut Îmwe • K-2SO • Orson Krennic • Baze Malbus • Raddus • Bodhi Rook
 yntrodusearre yn Solo Tobias Beckett • L3-37 • Enfys Nest • Qi'ra • Dryden Vos
 yntrodusearre yn oare media  Ezra Bridger • Din Djarin • Cara Dune • Grogu • Kanan Jarrus • Bo-Katan Kryze • Satine Kryze • de Mandaloriaan • Savage Opress • Fennec Shand • Sifo-Dyas • Hera Syndulla • Paz Vizsla • Sabine Wren • Kazuda Xiono