Aayla Secura

Ut Wikipedy
Aayla Secura
personaazje út Star Wars
Aayla Secura.jpg
persoanlike bysûnderheden
sekse froulik
soarte personaazje Twi'lek
nasjonaliteit Flag of the Galactic Republic.svg Galaktysk
berop/amt Jedi-master
oare ynformaasje
besibbe
  personaazjes
Mace Windu
Yoda
Shaak Ti
Luminara Unduli
Plo Koon
geastlike heit George Lucas
ûntstean 2002

Aayla Secura (útspr.: [ˈeːlɑ səˈkuːɹɑ], likernôch: "ee-la suh-kûû-ra") is in fiktyf personaazje fan minder belang út 'e Star Wars-franchise fan 'e Amerikaanske filmmakker George Lucas. Sy is in Jedi-master fan it bûtenierdske ras fan 'e Twi'leks. Aayla Secura waard yntrodusearre yn Star Wars: Episode II – Attack of the Clones (2002). It personaazje waard yn dy film en yn it ferfolch en Star Wars: Episode III – Revenge of the Sith (2005) spile troch aktrise Amy Allen. Yn 'e tekenfilmsearje Star Wars: The Clone Wars (2008-2014 en 2020) waard de dialooch fan Secura ynsprutsen troch stimaktrise Jennifer Hale, dy't ek in stimcameo yn 'e film Star Wars: Episode IX – The Rise of Skywalker (2019) foar har rekken naam.

Fiktive biografy[bewurkje seksje | boarne bewurkje]

Eftergrûn[bewurkje seksje | boarne bewurkje]

Aayla Secura wurdt berne as in blauhûdige Twi'lek op 'e planeet Ryloth, dy't de thúswrâld fan 'e Twi'leks is. Omreden fan har oanberne Krêftgefoeligens wurdt se al jong nei de Jedi Timpel ta brocht, it haadkertier fan 'e Jedi Oarder op Coruscant, dêr't se oplaat wurdt ta Jedi-ridder. De Jedi dy't har fynt en nei Coruscant bringt, is Quinlan Vos, en dyselde nimt har letter ek oan as syn padawan. Hja foarmet dêrby in nauwe bân mei Vos en ûntjout har meitiid ta in Jedi-master.

Kloane-oarloggen[bewurkje seksje | boarne bewurkje]

Wannear't yn 22 f.Sl.Y. de Separatistyske Krisis útbrekt, wêryn't de Konfederaasje fan Unôfhinklike Stelsels him besiket ôf te skieden fan 'e Galaktyske Republyk, wurde de Jedi Obi-Wan Kenobi en Anakin Skywalker en senator Padmé Amidala op 'e planeet Geonosis finzen nommen troch greve Dooku, de lieder fan 'e separatisten. Dyselde feroardielet harren ta de deastraf yn 'e Petranaki Arena yn it gefjocht mei ferskuorrende wylde bisten. Aayla Secura is ien fan 212 Jedi dy't troch Mace Windu, de foarsitter fan 'e Hege Jedi Ried, meinommen wurde nei Geonosis om Kenobi en de oaren te befrijen. As ien mar in minmachtich groepke oerlibbet Secura it gefjocht yn 'e arena en teffens de dêropfolgjende Earste Slach om Geonosis.

Dat treffen liedt ta it útbrekken fan 'e Kloane-oarloggen, en Secura wurdt in generaal yn Grutte Leger fan 'e Republyk, dat bestiet út 'e kloansoldaten dy't Jedi-master Sifo-Dyas mear as tsien jier earder op Kamino besteld hat. Hja kriget it befel oer it 327e Stjerrekorps en wurdt neitiid ynset op 'e dridzige planeet Escander, dêr't de separatisten in basis fêstige hawwe. Secura wurdt dêr finzen nommen troch de tsjustere Jedi Asajj Ventress, dy't har martelet foar ynformaasje, mar inkele oeren letter wurdt se befrijd troch de kloansoldaten fan har ienheid.

Op in letter stuit yn 'e oarloch wurdt it flottylje romteskippen fan Secura oanfallen yn 'e Slach by Quell. Har flaggeskip rekket swier skansearre en wurdt intere troch de oarlochsandroïden fan 'e Konfederaasje fan Unôfhinklike Stelsels, mar Secura en har kloansoldaten witte fol te hâlden oant se ûntset wurde troch Anakin Skywalker en syn padawan Ahsoka Tano. It romteskip stoart letter del op 'e planeet Maridun, dêr't Secura en Ahsoka de striid oanbine mei de separatistyske troepen fan generaal Lok Durd, om 'e pleatslike boargerbefolking te beskermjen.

Ek is Aayla Secura oanwêzich yn 'e Jedi Timpel op Coruscant as de preemjejager Cad Bane it Jedi-haadkertier ynfiltrearret om 'e Jedi Holochron te stellen (in list mei nammen fan Krêftgefoelige bern út it hiele Stjerrestelsel). Hja helpt master Yoda by it befjochtsjen fan it zillo-bist dat Bane by wize fan ôfliedingsmaneuver yn 'e Timpel loslitten hat.

Dea[bewurkje seksje | boarne bewurkje]

Oan 'e ein fan 'e Kloane-oarloggen, yn 19 f.Sl.Y., hat Aayla Secura de lieding oer de kloansoldaten fan 'e Galaktyske Republyk by de gefjochten op 'e planeet Felucia. Kânselier Palpatine, dy't eins de boasaardige Sith-master Darth Sidious is, furdiget Oarder 66 út, ta de útfiering wêrfan't de kloansoldaten fan it Grutte Leger fan 'e Republyk troch tadwaan fan syn hantlanger greve Dooku foarprogrammearre binne. Dat befel hâldt de moard troch de kloanen op harren eigen Jedi-ofsieren yn, in foarfal dat letter bekend wurdt as de Grutte Suvering fan 'e Jedi. As Secura en har kloansoldaten risselwearje om in kolonne separatistyske spinnetanks oan te fallen, iepenje de kloanen sûnder warskôging it fjoer op har. Mei't se op dat stuit ôflaat wurdt troch in hommels opfleanende fûgel, hat se net iens de tiid om har ljochtsabel te lûken foar't se trochsingele wurdt mei skotten út ploffergewearen en dearekket.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
 
personaazjes út Star Wars
 yntrodusearre yn A New Hope Raymus Antilles • Wedge Antilles • C-3PO • Chewbacca • Biggs Darklighter • Jan Dodonna • Obi-Wan Kenobi • Beru Lars • Owen Lars • prinsesse Leia Organa • R2-D2 • Luke Skywalker • Han Solo • Wilhuff Tarkin • Darth Vader
 yntrodusearre yn The Empire Strikes Back  Lando Calrissian • Boba Fett • keizer Palpatine • Firmus Piett • Yoda
 yntrodusearre yn Return of the Jedi Gial Ackbar • Bib Fortuna • Jabba de Hutt • Mon Mothma • Anakin Skywalker • Wicket
 yntrodusearre yn The Phantom Menace Saché Adova • Mas Amedda • Eirtaé Ballory • Sio Bibble • Depa Billaba • Jar Jar Binks • Adi Gallia • Nute Gunray • Qui-Gon Jinn • Ki-Adi-Mundi • Eeth Koth • Plo Koon • Darth Maul • Rugor Nass • Padmé Amidala • Quarsh Panaka • Even Piell • Yarael Poof • Oppo Rancisis • Sabé • Sebulba • Shmi Skywalker • Darth Sidious • Aurra Sing • Roos Tarpals • Saesee Tiin • Rabé Tonsort • Finis Valorum • Watto • Mace Windu • Yaddle
 yntrodusearre yn Attack of the Clones greve Dooku • Jango Fett • Kit Fisto • Agen Kolar • Cliegg Lars • Bail Organa • Poggle de Mindere • Aayla Secura • Shaak Ti • Darth Tyranus • Luminara Unduli
 yntrodusearre yn Revenge of the Sith Stass Allie • generaal Grievous
 yntrodusearre yn The Force Awakens BB-8 • Kaydel Ko Connix • Poe Dameron • Finn • Armitage Hux • Maz Kanata • kaptein Phasma • Kylo Ren • Rey • Snoke
 yntrodusearre yn The Last Jedi  Larma D'Acy • DJ • Amilyn Holdo • Rose Tico
 yntrodusearre yn The Rise of Skywalker Zorii Bliss • D-O • Jannah • Enric Pryde • Ben Solo
 yntrodusearre yn The Clone Wars (film) Ahsoka Tano • Asajj Ventress • Ziro de Hutt
 yntrodusearre yn Rogue One Cassian Andor • Galen Erso • Jyn Erso • Saw Gerrera • Chirrut Îmwe • K-2SO • Orson Krennic • Baze Malbus • Raddus • Bodhi Rook
 yntrodusearre yn Solo Tobias Beckett • L3-37 • Enfys Nest • Qi'ra • Dryden Vos
 yntrodusearre yn oare media  Din Djarin • Cara Dune • Grogu • Bo-Katan Kryze • Satine Kryze • de Mandaloriaan • Savage Opress • Fennec Shand • Sifo-Dyas • Hera Syndulla • Paz Vizsla • Sabine Wren