Strân (Wûnseradiel)

De pleats Vishorne yn Strân

Strân is in buorskip yn de gemeente Wûnseradiel. Strân leit noardeastlik fan Surch, yn de polder Penjum, net fier fan de dyk om de Iselmar.

Skiednis

De pleats Vinea Domini

Op it plak fan Strân stie it yn 1186 stifte kleaster fan de Norbertinen Vinea Domini ('Wyngerd fan de Heare'). Yn 1287 ferdwûn it kleaster yn de weagen fan de see by in swiere stoarm. Letter besochten de Norbertinen it nochris mei in kleaster op itselde plak, mar ek dat gie ferlern yn de see.

Op it plak waard letter in pleats set dy't nei it kleaster Vinea Domini neamd waard, of ek wol de Vineastate. Yn 1810 kaam de buorkerij yn hannen fan de famylje Blanksma, dy't dêr in mingd bedriuw útoefenen. Ek de pleats dêrnjonken, Vishorne, waard yn de rin fan de 19e ieu eigendom fan de Blanksma's. Blanksma syn bedriuw hat in protte betsjut foar de ûntjouwing fan it Frysk stamboekfee yn de 19e- en 20e ieu. De yn Strân fokte kij hearden lange tiid by de top fan it Nederlânske melkfeebeslach.

Boarnen, noaten en referinsjes

Boarnen, noaten en/as referinsjes:

Universiteit fan Wageningen: Johannes Blanksma, de koppige klokkenluider - Bijzondere boer van Vinea Domini verloor het vertrouwen in het succesrijke Friese stamboek troch Reimer Strikwerda