Wâldsein

Wâldsein


Flagge	Wapen

Gemeente

Súdwest Fryslân

Ynwennertal (2006)

1308

Webstee

http://www.woudsendonline.nl

Fan de brêge ôf sjoen

Wâldsein (Nederlânsk: Woudsend) is in doarp yn de gemeente Súdwest Fryslân, súd fan Snits. Oant 2011 lei Wâldsein yn de eardere gemeente Wymbritseradiel. It doarp hat likernôch 1.308 ynwenners (2006).

Ynhâld

1 Skiednis
2 Sport en Rekreaasje
3 Mienskip
- 3.1 Ferienings
- 3.2 Befolking
4 Ferkear en ferfier
5 It besjen wurdich
6 Strjitten
7 Sjoch ek
8 Boarnen, noaten en referinsjes

[bewurkje seksje] Skiednis

Wâldsein wurdt foar it earst neamd yn 1337 as it kleaster fan de paters fan de Karmeliten stifte wurdt. Omdat de Ie yn de tiid fan de Middelsee ferbining hie mei Drylts, Snits en Ljouwert ûntstie hannel en skipfeart yn in goa mei in soad boeren. Om de skipfeart te beskermjen waard yn 1523 in blokhûs boud by it kleaster. Letter kamen der wenten oan de Midstrjitte en by de mole. Doe't yn 1710 de Sontfeart begûn waard Wâldsein hieltyd mear in haven. Yn 1762 waard der ek oan de oare kant fan de Ie boud.

[bewurkje seksje] Sport en Rekreaasje

Troch de geunstige lizzing fan Wâldsein tusken de Sleattemer Mar en de Hegemer Mar, net fier fan de Gaasterlânske bosken, lûkt it doarp in soad wettersporters.

Wâldsein leit oan de rûte fan de Alvestêdetocht.

[bewurkje seksje] Mienskip

It doarp hat fjouwer buertferienings: Markant, It Fuottenein, Oer de Brêge en Oer de weisleat. De Bonifatiusskoalle en M. van der Brugskoalle binne de basisskoallen, De Beltsjeblom is it pjutteboartersplak.

[bewurkje seksje] Ferienings

Fertier - toaniel
Om'e Nocht / Reinbôge - sjongen
De Pôlesjongers - shantykoar
De Poedelaar, BBC, Libre 1, Libre 2, Hy rint troch, DDOS, KET, KOT - biljerten
WSV - gymnastyk
Eensgezindheid - damjen
WISKY - follybal
Fuotbalferiening Wâldsein

[bewurkje seksje] Befolking

1840 - 1200
1890 - 1400
1954 - 1100
1959 - 1049
1964 - 1034
1969 - 1116
1973 - 1074
2006 – 1308

In bekende ynwenner wie arsjitekt Hindrik Hindriks Kramer (1850-1934)

[bewurkje seksje] Ferkear en ferfier

Simmerdeis foarmet de brêge oer de Ie yn de buorren fan Wâldsein in knelpunt foar it wei- as wetterferkear. Troch de bou fan in rûnwei mei it Ie-Akwadukt besuden it doarp kaam yn 2007 in ein oan de oerlest fan it weiferkear.