Westhim

de himrik fan Westhim

Bartolomeüstsjerke

Westhim is in doarp yn de gemeente Súdwest-Fryslân, súdeast fan Blauhûs oan de Himdyk. De nqamme komt ek foar as Woschem en Westhem. Oant 2011 lei Westhim yn de eardere gemeente Wymbritseradiel. It doarp hat likernôch 97 ynwenners (2007). De Himdyk is al ieuwen âld. It wie eartiids de ienige ferbining mei Blauhûs en Drylts. Folle letter is fan it fuotpaad op de Himdyk in wei makke. Westhim is yn de folksmûle ‘De Kot’ en yn Westhim wenje ‘Kotsters’. Ek it kafee hjit De Kot.

De tsjerke is wijd oan de hillige Bartolomeüs. Yn de klokkestoel hingje twa klokken. Ien fan 1639 en de âldste is fan 1353. Hjir stean de nammen op fan Bartolomeüs en fan de "persona" fan Westhim, Luidulfrus.

Mienskip

De measte bern gean yn Blauhûs nei de basisskoalle. Ek foar ferienings giet men faak nei Blauhûs. De buertferiening yn it doarp hjit Underlinge Wille.

Befolking

• 1954 - 188
• 1959 - 190
• 1964 - 191
• 1969 - 165
• 1973 - 157
• 2007 - 97

Strjitten

• De Kat -
• Feytebuorren - it buorskip Feytebuorren.

Sjoch ek

• Fryske doarpen.

Boarnen, noaten en referinsjes

Boarnen, noaten en/as referinsjes:

Karel F. Gildemacher, "Friese Plaatsnamen", Ljouwert, Friese Pers Boekerij 2007, Westhim De Tsjerke fan Westhim Wikiwurdboek-side - Westhim.