Itens

Ut Wikipedy
Gean nei: navigaasje, sykje
Itens
Flagge fan Itens Wapen fan Itens
Flagge Wapen
Lokaasje fan Itens
Gemeente Littenseradiel
Ynwennertal (2004) 240
Webstee De Fjouwer doarpen
wynmotor Itens

Itens is in doarp yn de gemeente Littenseradiel, east fan Wommels. It doarp hat likernôch 240 ynwenners (2004).

Oant de gemeentlike weryndieling yn 1984, makke Itens diel út fan de gemeente Hinnaarderadiel.

Itens oan de noardeastlike flank fan de eilânpolder fan Easterein liket op in streekdoarp, mar it is in âld terpdoarp mei in letter foarme streek. De beide kanten fan de âlde dyk, de hoep, binne ridlik ticht beboud. Oan de binnendykse kant leit it restant tsjerketerp mei wat bebouwing dêr om hinne. Oan de dyk stiet in grut tal flinke pleatsen. Yn ûngefear de midden oan de noardkant fan de dyk stiet it kafee ‘De lytse fjouwere’.

De bebouwing is oardere yn streekjes fan iepen en in mear tichte bebouwing, bgl. oan de Rienster kant dêr’t by in groepke bedriuwsgebouwen, ûnder mear in eardere smidderij, wat mear bûtenromte oanhâlden is. De oarspronklike kearn is de sterk ôfgroeven terp súdwestlik fan de dyk. Dêr stiet de tsjerke betreklik heech efter it keatsfjild dat troch de graverij fan de terp as griene kearn ûntstean koe.

Skiednis[bewurkje seksje | edit source]

Itens wurdt al yn 1381 neamd; it hiet destiids Ytzinze. Omdat by it ôfgraven fan de terp saneamd Harpstedter ierdewerk fûn is, hat it plak om it begjin fan de jiertelling hinne al bewenne west.

Efkes ten noarden fan it doarp stiet de Wynmotor Itens, in Amerikaanse wynmotor út it begjin fan de jierren tritich fan de 20e ieu dy't oanwiisd is as ryksmonumint.

Mienskip[bewurkje seksje | edit source]

De doarpen Hinnaard, Itens, Lytsewierrum en Rien dogge in soad meiïnoar, se hawwe ek ien feriening foar doarpsbelang. Yn it sintrum fan Itens stiet doarpshûs/kafee "De Lytse Fjouwere". Hjir stiet gearwurkingsskoalle "De Romte". "Yn 'e Golle" is de boarterstún. Yn de njoggentiger jierren ferdwûn de lêste winkel fan it doarp.

Ferienings[bewurkje seksje | edit source]

  • twa biljertferienings
  • toaniel
  • keatsen

Befolking[bewurkje seksje | edit source]

Strjitten[bewurkje seksje | edit source]

Aenkommewei, De Nijstêd, De Tuolle, De Tsjems, Hearedyk, Iewei, It Sân, It String, Itingewei, Singel, Tsjerkebuorren.

Sjoch ek[bewurkje seksje | edit source]

Keppeling om utens[bewurkje seksje | edit source]