Blomkamp
| Blomkamp | ||
| ||
| Wynmotor Hartwert | ||
| Polityk | ||
| Lân |  Nederlân
| |
| provinsje |  Fryslân
| |
| gemeente |  Súdwest-Fryslân
| |
| plak |  Hartwert
| |
| Oar | ||
| Koördinaten | 53° 4' NB, 5° 35' EL | |
| Kaart | ||
  | ||
Blomkamp is in delsetting fan fjouwer pleatsen oan de eastkant fan Hartwert, dêr't it ûnder falt, yn de gemeente Súdwest-Fryslân, foar 2011 Wûnseradiel.
It is in oerbliuwsel fan it kleaster Blomkamp dat yn 1191 stifte waard út it kleaster Klaarkamp wei. De namme is in oersetting fan de Latynske namme Floridi Campi út 1200. Yn 1453 waard de namme feroare ta Floercamp.
Yn 1233 waard út dit kleaster wei de frouljuskleaster Nijekleaster by Skearnegoutum stifte. Sadwaande waard Blomkamp ek wol Aldekleaster neamd.
It kleaster waard yn jannewaris 1535 beset troch werdopers ûnder lieding fan Jan fan Geelen. Steedhâlder Georg Schenk fan Toutenburch belegere op twadde peaskedei yn april 1535 it kleaster en dat foarfal kaam bekend te stean as it Belis fan Aldekleaster. Nei it belis waarden der 100 werdopers oppakt en yn Ljouwert ûnthalze. ophongen en ferdronken. It kleaster waard fannijs opboud, mar waard yn oktober 1572 troch de geuzen belegere en platbaarnd.
Letter ûntstie op de âlde kleasterterp in pear pleatsen. De buorskip hjit Blomkamp, dochs op âlde kaarten ferskynde de namme Aldekleaster ek wol. Troch de buorskip rint de Kleasterfeart. De Hartwerter Mieden of ek wol De Mieden falle ek ûnder de buorskip. Yn De Mieden stiet in Amerikaanske wynmotor, wynmotor Hartwert.
Sjoch ek[bewurkje seksje | boarne bewurkje]
| Boarnen, noaten en/as referinsjes: |
|
