Freulepartij

Freulepartij
Ympresje fan 'e Freulepartij 2004.
plak en tiid
lân	Nederlân
provinsje	Fryslân
gemeente	Súdwest-Fryslân
plak	Wommels
holden yn	sportfjild efter it âlde    gemeentehûs
datum	1 wike nei de PC
tiid fan it jier	begjin augustus
bysûnderheden
soarte evenemint	sportevenemint (keatsen)
bestean	1903 – no
org. troch	KF Wommels (o/m 2016) St. De Freulepartij (fanôf 2017)
offisjele webside
kfwommels.nl/freulepartij

De Freulepartij is in keatswedstryd dy't alle jierren yn it Fryske doarp Wommels holden wurdt. Der komt elts jier in publyk fan sa'n 4.500 oant 5.000 minsken op ôf. De Freulepartij is de wichtichste keatspartij foar jonges fan 14 oant en mei 16 jier, en is dêrmei de manlike wjergader fan 'e Ald-Meiers Partij yn Hitsum, foar famkes fan dy âldens. It evenemint bestiet sûnt 1903, en wurdt elts jier op in woansdei yn begjin augustus holden, persiis in wike nei de PC yn Frjentsjer. (De PC wurdt holden op 'e fyfde woansdei fan july, of, as july mar fjouwer woansdeis hat, op 'e earste woansdei fan augustus.) De woansdeis nei de Freulepartij wurdt yn Jellum-Bears de Revâns-Freule ferkeatst.

Skiednis

De Freulepartij waard foar it earst spile op 5 augustus 1903. De wedstryd is ferneamd nei frelle (freule) Clara Jacoba de Vos van Steenwijk, dy't keatsen in sûn tiidferdriuw foar opslûpen jonges fûn. Dêrom stelde hja yn 1902 in flink bedrach oan jild beskikber foar de oprjochting fan in jierliks weromkearende wedstryd yn har wenplak Wommels. Dêrfoar waard se letter eare mei in boarstbyld dat op De Terp stiet, yn it sintrum fan it doarp.

Yn 1943 en 1944 gie de Freulepartij net troch fanwegen de Twadde Wrâldoarloch.

De organisaasje fan 'e Freulepartij wie mear as 110 jier yn 'e hannen fan 'e Keatsferiening Wommels, mar úteinlik groeide it evenemint sa grut dat men suver mear mei de Freulepartij dwaande wie as mei de saken dêr't in keatsferiening foar bedoeld is. Dêrom waard de organisaasje yn 2017 oernommen troch de nij oprjochte Stichting De Freulepartij Wommels. Dy sette doe útein mei in wiidweidich fernijings- en ferjongingsprogramma dat foar de edysje fan 2018 foar it earst fruchten begûn ôf te werpen.

In loftfoto fan Wommels, mei rjochts njonken de tsjerke it âlde gemeentehûs fan Littenseradiel en dêrefter it sportfjild dêr't de Freulepartij ferkeatst wurdt.

Sa waard it publyk by de yngong fan it sportfjild oan De Keatsebaen tenei wolkom hjitten troch in grut digitaal boadskippeboerd en waarden alle frijwilligers yn in nij tenu stutsen. Ek waard der op 'e jûn fan 'e tiisdei foarôfgeande oan 'e Freulepartij foar it earst in 'Freulekafee' holden yn it Wommelser Kafee It Reade Hynder, dat troch Omrop Fryslân fan 19.00 oant 20.00 oere útstjoerd waard. Ek nij wie dat der yn it skoft foar de finale en nei ôfrin fan 'e keatspartij in optreden wie fan in dweilorkest, yn 2018 fersoarge troch De Menaemer Feintsjes.

Yn 2020 waard de Freulepartij fanwegen de wrâldwide koroanafiruspandemy sûnder taskôgers ferkeatst op sneon 19 septimber.

Regels en tradysjes

De ferkeap fan tangongskaartsjes begjint neffens de tradysje by Warehûs Van der Velde yn Wommels, dêr't de earste gadingmakkers dan moarns om kertier oer fiven al foar de doar sitte.

Dielname oan 'e Freulepartij stiet iepen foar jongespartoeren fan alle keatsferienings dy't as ôfdielings oansletten binne by it KNKB. Eltse ôfdieling mei maksimaal ien partoer nei de Freule ôffurdigje. De winners ûntfange goudene klokjes en in wikselpriis (de "Freule") dy't nei frelle De Vos van Steenwijk neamd is en bestiet út in miniatuer fan har filla. Jonges dy't de Freulepartij al in kear wûn hawwe, binne dêrnei útsletten fan fierdere dielname, ek al falle se yn 'e jierren dêrop noch binnen de leeftydskategory fan 14 oant en mei 16 jier.

It winnen fan 'e Freulepartij wurdt rekkene as it earste bledsje fan it saneamde Klaverke Fjouwer. De oare trije bledsjes kinne wûn wurde by: de Jong Nederlânpartij, de Bûnspartij foar Senioaren en de PC. It komt mar tige selden foar dat keatsers alle bledsjes fan it Klaverke Fjouwer winne.

Winners

Hjirûnder in list mei winners fan 'e Freulepartij.

Datum	plak	keatsers
3 augustus 1903	Easterlittens	H. v.d. Feer Th. v. Buren S. v. Buren
10 augustus 1904	Easterein	A. Terpstra A.H. Dijkstra M. Bonnema
9 augustus 1905	Arum	B.K. Tolsma H. Kuipers J. Postma
8 augustus 1906	Frjentsjer	J.U. Vlietstra J. Alkema M. Hiemstra
7 augustus 1907	Achlum	H. Rollingswier F.de Jong J. Alkema
5 augustus 1908	Achlum	H. Rollingswier U. Donia J. Alkema
11 augustus 1909	Frjentsjer	D. Ferwerda Anne Smidts Y. Aukema
17 augustus 1910	Penjum	Jan Reitsma. O. Postma J. Dijkstra
9 augustus 1911	Easterein	Jan Ymtes Heeg L. Bonnema B. de Haan
7 augustus 1912	Dokkum	G. de Vries Tj. Hoogeveen R. Brouwer
13 augustus 1913	Raerd	W. Oosterhof H. de Jong J. de Jong
1914	net trochgien fanwegen it útbrekken fan 'e Earste Wrâldkriich
11 augustus 1915	Harns	J. v.d. Plaats A. van Veen J. Broersma
9 augustus 1916	Dokkum	K. Toornstra P. Brouwer Ids Jousma
8 augustus 1917	Wytmarsum	Taede Zijlstra J.A. Reitsma D. Hettema
7 augustus 1918	Sint-Anne	Y. Schuitmaker J. Schat R. Kuiken
6 augustus 1919	Dokkum	H. Visser Klaas Wiebrens Kooistra P. Ronner
11 augustus 1920	Wommels	E. de Groot J. Krips R. Boersma
10 augustus 1921	Frjentsjer	Chr. v.d. Woude J. Paulides S. Haitsma
9 augustus 1922	Boalsert	C. de Way S. Kramer L. Kramer
8 augustus 1923	Holwert	H. Schaafsma O. Hiddema J. Tilstra
6 augustus 1924	Mantgum	J. de Groot A. Mulder H. Jepma
12 augustus 1925	Wommels	T. de Haas R. Pagels A. Tjallema
11 augustus 1926	Frjentsjer	E. v.d. Schoot G. v. Smeden R. Kats
10 augustus 1927	Penjum	S.R. de Vries D.L. Hylarides Tj. Hiemstra
8 augustus 1928	Sint-Anne	J. Bijlsma T. Brouwer H. de Jong
7 augustus 1929	Bitgum	D. Halbertsma G. Stienstra M. Halma
6 augustus 1930	Arum	L. v.d. Weerd G. Kuipers Cornelis Kamminga
5 augustus 1931	Harns	B. v. Seijst F. de Jager S. v.d. Meer
10 augustus 1932	Snits	Y. Blom Sj. Ypma Sj. Sikkes
9 augustus 1933	Huzum	Y. Swierstra A. Paassen B. de Vries
8 augustus 1934	Ljouwert	B. v.d. Woude P. Dorenbos R. Keizer
7 augustus 1935	Bitgum	Sj.J. Rijpstra Sj.A. Rijpstra P. Burenga
5 augustus 1936	Harns	G. Braaksma F. Bouma F. Helfrich
11 augustus 1937	Sint-Jabik	J. Terpstra K. Tjepkema D. Ganzinga
10 augustus 1938	Wier	K. Wassenaar W.Wieling A. Bergsma
9 augustus 1939	Weidum	F. de Boer Jan de Groot B. Venema
7 augustus 1940	Raerd	P. de Jong G. de Jong W. de Boer
6 augustus 1941	Berltsum	R. Schaafstra S. Beetstra H. Rekker
5 augustus 1942	Menaam	M. Kingma J. Stienstra P. Kamminga
1943	net trochgien fanwegen de Twadde Wrâldkriich
1944
8 augustus 1945	Ljouwert	S. Sevenster G. Hoving A. Veldkamp
7 augustus 1946	Arum	J. Hiemstra P. de Groot J. Tolsma
12 augustus 1947	Wytmarsum	A. v.d. Meer A.J. v.d. Meer E.T. Zijlstra
11 augustus 1948	Reduzum	G. Jonker F. de Jong U. Tolsma
10 augustus 1949	Ljouwert	J. Bijsterveld A. Wouda A. Radelaar
9 augustus 1950	Peins	H. Gjaltema E. Faber P. Boonstra
8 augustus 1951	Harns	P. Schuil P. Dijkstra H. Bultje
6 augustus 1952	Frjentsjer	G. Herrema E. de Boer W. de Jong
5 augustus 1953	Ljouwert	W. Hulscher J. Dijkhuis D. v.d. Zee
11 augustus 1954	Harns	J. Dijkstra J. v. Straten S. Helfrich
10 augustus 1955	Stiens	J. v. Dijk J. Bilstra G. Römer
8 augustus 1956	Frjentsjer	J. Seerden P. Sikkema Sikke Sikkema
7 augustus 1957	Easterlittens	P. Santema M. v.d. Molen Martinus Santema
6 augustus 1958	Ljouwert	R. de Groot G. Hoekstra M. Delgrosso
5 augustus 1959	Penjum	J. v.d. Meer Tj. Huizenga O.D. Wijnalda
10 augustus 1960	Ljouwert	H. Schaaf S. v.d. Veer Johannes Westra
9 augustus 1961	Tsjummearum	T. Meijer Joh. Reitsma S. Heeringa
8 augustus 1962	Ljouwert	R. de Ruiter S. v.d. Meulen D. Scheepstra
7 augustus 1963	Ljouwert	H. Volbeda R. Sepp C. Schaalje
5 augustus 1964	Easterlittens	P. Zijlstra R. Toering A. Toering
11 augustus 1965	Frjentsjer	S. Hoekstra E. Veltman H. Kramer
10 augustus 1966	Marsum	Y. Zuiderveld H. Klazinga L. Breuker
9 augustus 1967	Bitgum	D. Beimers H. Laanstra M. Zijlstra
7 augustus 1968	Frjentsjer	H. Seerden A. de Boer André Roosenburg
6 augustus 1969	Wommels	P. de Jong H. Zijlstra J. Joustra
5 augustus 1970	Frjentsjer	R. de Jong H. Procee C. Roosenburg
11 augustus 1971	Stiens	G. Faber Piet Jetze Faber A. Rinkema
9 augustus 1972	Bitgum	J. v.d. Vlugt K. Larooi O. Larooi
8 augustus 1973	Harns	J. v.d. Molen G. Taekema Sj. Nota
7 augustus 1974	Dronryp	D. Smeding G. Jorritsma J. Vaas
6 augustus 1975	Frjentsjer	N. Douma D. Hoekstra D. Kuperus
11 augustus 1976	Dronryp	K. Laanstra Y. Arendz D.J. v.d. Wal
10 augustus 1977	Kimswert	A. Brunia A. v. Straten H. Wiersma
9 augustus 1978	Sint-Jabik	Joop Bierma L. Leeuwen J. Nicolai
8 augustus 1979	Makkum	P. Rinia F. Huisman T. Bootsma
6 augustus 1980	Arum	J. Hibma R. Wiersma H. Rusticus
5 augustus 1981	Penjum	S. Nieuwenhuis D. de Haan A. Kooistra
11 augustus 1982	Reduzum	G.Zijlstra P.Tolsma A. Tolsma
10 augustus 1983	Dronryp	G. Smid T. Ringia W. Tuinman
8 augustus 1984	Arum	A. v.d. Meer J. van IJs G. Okkinga
7 augustus 1985	Frjentsjer	M. Wever T. Vellinga J. Sjoers
6 augustus 1986	Makkum	Y.K. Dijkstra Y. Smink C. v.d. Logt
5 augustus 1987	Frjentsjer	Erik Seerden J. Nagel R. Tempel
10 augustus 1988	Sweins	M. Sijtsma J. de Jong L. Idsardi
9 augustus 1989	Frjentsjer	A. Terpstra R. Hooghiemstra R. van Wier
8 augustus 1990	Tsjummearum	W. Heeringa P. Zuidema S. Broekstra
7 augustus 1991	Easterein	G.J. Hiemstra R. Hoekstra R. Sijbesma
5 augustus 1992	Wommels	M. Brouwer H. Tanja R. Klijnsma
11 augustus 1993	Minnertsgea	W.H. de Haan Joh. Wassenaar W. Faber
10 augustus 1994	Berltsum	R. Grovenstein J. Boomsma Auke van der Graaf
9 augustus 1995	Marsum	G. Hiemstra H. Jorritsma J. Jorritsma
7 augustus 1996	Minnertsgea	P. Sinnema J. Wassenaar R. Faber
6 augustus 1997	Minnertsgea	H.G. Drijfhout W.J. de Roos Cornelis Terpstra
5 augustus 1998	Menaam	J.H. Postma K. Kingma W. Bijlsma
11 augustus 1999	Sint-Jabik	Taeke Triemstra W. Veenstra D. Hogenhuis
9 augustus 2000	Stiens	Franke Ferwerda Site Ferwerda Jaap Oostra
8 augustus 2001	Wommels	H. Engbringhof J.K. Haitsma Kees Adema
7/8 augustus 2002	Reahûs/Turns	T.Altenburg B.Poelsma S. Terwisscha v. Scheltinga
6 augustus 2003	Wytmarsum	J. Zaagemans C. Anema G.J. Meekma
11 augustus 2004 ferslach	Makkum	Lennart Adema Hyltje Bosma Jorn Adema
10 augustus 2005 ferslach	Holwert	Gert Anne van der Bos Matthijs van der Velde Rudolf Soepboer
9 augustus 2006 ferslach	Dronryp	Sjoerd van der Meer Rutger Diertens Johan Diertens
8 augustus 2007 ferslach	Tsjummearum	Arnold Zijlstra Hans Wassenaar Steven de Bruin
6 augustus 2008 ferslach	Wjelsryp	Jelmer Hofstee Paulus Yde Walda Jouke Bosje
5 augustus 2009 ferslach	Wjelsryp	Pieter Sijbren Scharringa Jelle Scharringa Elmar Pieterse
11 augustus 2010 ferslach	Boalsert	Hendrik Bouwhuis Willem Siebe Hilwerda Peter van Zuiden
10 augustus 2011 ferslach	Seisbierrum	Johannes van der Veen Kees van der Schoot Pieter van der Schoot
9 augustus 2012 ferslach	Frjentsjer	Kars Zeinstra Allard Hoekstra Christian de Haan
7 augustus 2013 ferslach	Dronryp	Wierd Baarda Sander Kingma Sybren Blanksma
6 augustus 2014 ferslach	Hijum/Feinsum	Hielke Beijering Jetze Lutzen Plantenga Laas Pieter van Straten
5 augustus 2015 ferslach	Makkum	Jurre Rinia Jouke Vlasbloem Klaas Pier Folkertsma
10 augustus 2016 ferslach	Menaam	Harmen Schuitmaker Tom Gerard Cats Tycho de Groot
9 augustus 2017 ferslach	Boalsert	Hidzer Bogaard Jelle Cnossen Menno Galama
8 augustus 2018 ferslach	Eanjum	Gerwin Dijkstra Gerrit Dijkstra Sytse Koree
7 augustus 2019 ferslach	Winsum	Hessel Postma Gosse de Haan Jelke Greidanus
19 septimber 2020 ferslach	Dronryp	Rutger Kumbangsila Jorn Lars van Beem Rick Minnesma
12 augustus 2021 ferslach	Tsjom	Steven Koster Robin Benders Jorrit Palma
10 augustus 2022 ferslach	Moarre-Ljussens	Folkert Jelmer Visser Douwe Dijkstra Johan Sipma
9 augustus 2023 ferslach	Dronryp	Brent Jesse van Beem Bjorn Idsardi Brent Timmerman
7 augustus 2024 ferslach	Boalsert	Jurre Reitsma Silvan Elzinga Tymen Bijlsma
6 augustus 2025 ferslach	Stiens	Yde Bokma, Pieter Miedema, Bauke Jetze Kalsbeek

Keppelings om utens

• (in) Offisjele webside fan 'e Freulepartij

Boarnen, noaten en/as referinsjes:

Bokma, Hinne, Stichting set troch mei ferjonging en fernijing fan Freule, yn: Op 'e Skille, 6 augustus 2018, s. 3.