Wier

Ut Wikipedy
Jump to navigation Jump to search
Wier
Flagge fan Wier Wapen fan Wier
Flagge Wapen
Lokaasje fan Wier
Gemeente De Waadhoeke
Ynwennertal (2018) 206
Webstee Webstee fan Wier

Wier is in doarp yn 'e Fryske gemeente De Waadhoeke. Foar de gemeentlike weryndieling fan 1 jannewaris 2018 makke it al sûnt minskewitten diel út fan 'e gemeente Menameradiel. It leit oan de Hege Dyk yn wat foarhinne de uterste noardwestpunt fan Menameradiel wie, tichter by Minnertsgea (foarhinne yn It Bilt) as by Berltsum (it neiste Menameradielster buordoarp). Wier hie yn 2004 likernôch 210 ynwenners. Yn 2018 waard yn in artikel yn 'e Ljouwerter Krante in oantal fan 206 neamd.

De tsjerke fan Wier yn 1959

Skiednis[bewurkje seksje | boarne bewurkje]

De easte ynwenners fan Wier wiene boeren en fiskers. Fia de Wierster Syl en Balksyl koene de fiskers maklik op de Middelsee komme. Omkring it jier 1000 waarden der diken oanlein tusken Ljouwert en Wier, fia Bitgum en Berltsum. Wier lei dus efter Berltsum. Yn Menaam waard dêrom foarhinne wol sein, as immen frege fan "Ja wier?": "Wier leit achter Berltsum en ast der bist leit it derfoar."

Yn de twadde helte 12e iuw waard de houten tsjerke ferfongen troch in tsjerke fan stien. Schelte Lauta liet yn 1192 in stins bouwe; Lauta Stins. Yn 1634 waard der in nije stins boud, dy't yn 1748 ôfbaarnd is. No ferwiist de namme Lautawei noch nei it plak dêr't de stins stien hat.

Nijsgjirrichheden[bewurkje seksje | boarne bewurkje]

Radarpost Wier
  • Yn Wier sit Radarpost Noard fan de Keninklike Loftmacht, ien fan de twa saneamde "Medium Power Radars" wêrmei't it Nederlânske loftrom bewekke wurdt. De oare Nederlânske radarpost is yn Nieuw Milligen (by Apeldoorn) en is ûnderdiel fan Air Operations and Control Station Nieuw Milligen.
  • Oan de súdmuorre fan de tsjerketoer hinget in astronomysk oerwurk: Yn 1946 waard dit oanbean troch in ûnderdûker yn WO II.

Mienskip[bewurkje seksje | boarne bewurkje]

It doarpshûs fan Wier hjit d' Ald Skoalle. Ut 'e namme is ôf te lieden dat it foarhinne de doarpsskoalle wie, mar de Wierster bern geane no al lang yn Minnertsgea en Berltsum op skoalle. Doarpsrûnte, de feriening foar Pleatslik Belang, hat yn d' Ald Skoalle syn gearkomsten. Yn it earste wykein fan july is der merke. Doarpskrante Op 'e Roaster ferskynt yn Berltsum en Wier.

Ferienings[bewurkje seksje | boarne bewurkje]

  • VVV Wier - keatsen
  • Oefening en Vermaak - toaniel

Berne yn Wier[bewurkje seksje | boarne bewurkje]

Strjitten[bewurkje seksje | boarne bewurkje]

Gernierswei, Hegedyk, Lautawei, Terpeleane, Tsjalling Bakkerstrjitte, Tsjerkepaad.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: