Marsum

	Marsum
	Poptaslot
	Sifers
Ynwennertal	1.050 (2022) ]
Oerflak	7,38 km², wêrfan: ; lân: 7,24 km² ; wetter: 0,14 km² ;
Befolkingsticht.	145 ynw./km²
	Polityk
Lân	Nederlân
Provinsje	Fryslân Fryslân
Gemeente	De Waadhoeke
	Oar
Tiidsône	UTC +1
Simmertiid	UTC +2
Koördinaten	53° 12' N 5° 39' E
	Offisjele webside
	Side Marsum
	Kaart
	;

Dizze side giet oer it doarp Marsum yn Fryslân. Foar it doarp Marsum yn Grinslân, sjoch: Marsum (Grinslân).

Marsum is in doarp yn de gemeente Waadhoeke, beëasten Menaam. Mei't Ljouwert hieltiten mear útwreidet leit Marsum noch mar in pear kilometer fan Ljouwert ôf.

By Marsum heart ek de buorskip Ritsumasyl.

Skiednis[bewurkje seksje | boarne bewurkje]

States om Marsum

Marsum ûnstie op in terp dy't al foar de jiertelling bewenne waard. Mooglik hat dy terp mar foar in skoftke bewenne west. Om it jier 1000 hinne waard it plak in krúspunt fan de seedyk nei Boalsert en in seedyk, dy't de Middelsee foar in part ôfslette. De Pontianustsjerke datearret fan 'e 12e iuw.

It doarp waard yn 1275 al as 'Mersum' skreaun en yn 1471 as 'Marssum'. De stavering 'Marsum' wurdt yn de 18e iuw foar it earst skreaun. De plaknamme soe ferwize kinne nei in wenplak (hiem/um) by in breed wetter. Mar it soe ek ferwize kinne nei de persoan 'Mer', al is dat net sa oannimlik.

Troch de iuwen hinne groeide Marsum stadichoan. Yn de 15e iuw waard súdlik fan it doarp troch de Heringa's it Poptaslot of Heringaslot boud. Sûnt de 20e iuw leit it Poptaslot yn it doarp sels. De eartiidske haven fan Marsum bestiet net mear, allinne de strjitnamme ferwiist dêr noch nei.

Yn 1984 waard it noardeastlike bûtengebiet fan Marsum by Ljouwert foege, sadat de fleanbasis hielendal yn ien gemeente falt. It gebiet tusken Marsum, Deinum, Boksum en Ritsumasyl is yn 2018-2019 rekréatyf ferbettere. Tusken de doarpen is it Boksumer Soal befarber makke, der binne haventsjes kommen en by Marsum is sels in stikje strân oanlein.^[2]

Monumintale kastanjebeam by it Poptaslot

Gebouwen[bewurkje seksje | boarne bewurkje]

Pontianustsjerke

Yn it doarp stiet it Poptaslot of Heringastate, oarspronklik in stins dy't om 1500 hinne troch de famylje Heringa boud is. It gebou hat unike bedsteeën út 1540 en in 17e - en 18e iuwsk ynterieur dy't besjoen wurde kinne by de rûnliedings yn de simmermoannen.
Oan 'e Hegedyk en de Buorren stiet it Poptagasthûs, dat de status fan ryksmonumint hat.
Justjes bewesten Marsum stiet de Marsumermûne, in muonts út 1903.
Súdwestlik fan it doarp stiet de yn 1888 boude poldermole Terpsicht, de lytste spinnekopmole fan Nederlân.
De Sint-Pontianustsjerke is in oarspronklik út de 12e iuw datearjend tsjerkegebou.

Marsumermûne

Mienskip[bewurkje seksje | boarne bewurkje]

Der is in doarpshûs Nij Franjum en in feriening foar Doarpsbelang. Ienris yn it jier is de ferkiezing fan 'Marsumer fan it Jier', dy't dan de Fergulde Biezem útrikt krijt. Yn de Nieuwskruier stiet it pleatslik nijs. Unia is it sportkompleks oan de Veemanstrjitte.

Poptagasthûs

Ferienings[bewurkje seksje | boarne bewurkje]

OKK - toaniel
Aldjiersploech Marsum
De Poptadûnsers - folksdûnsjen
Fûgelwacht Marsum e.o.
Ons Genoegen - fanfare
Nocht en Wille - sjongen
DSVS - follybal
Ritsuma - iisclub
Fuotbalferiening SSS '68
Keatsferiening Foarút
Tennisferiening Marsum

Skoalle[bewurkje seksje | boarne bewurkje]

Iepenbiere basisskoalle 'De Pôle'
Pjutteboartersplak 'De Pikepôle'

Tsjerke[bewurkje seksje | boarne bewurkje]

Tsjerklik heart it protestantske diel fan it doarp de PKN-gemeente Bitgum-Bitgumermole-Ingelum-Marsum. De Pontianustsjerke is tsjintwurdich ûnderbrocht yn de Stifting Behâld Pontianustsjerke Marsum. It is yn Marsum wenst om by de berte fan bern tusken 08:30-08:40 oere de klok te lieden (by in jonkje twa klokken, by in famke de earst fiif minuten de lytsere klok en dêrnei beide klokken). By ferstjerren wurdt de klok tusken 19:05-19:15 oere let (by in man twa klokken, by in frou earst de lytsere klok en dêrnei ek beide klokken).^[3]