Slachte

Ut Wikipedy
(Trochwiisd fan Slachtedyk)
Jump to navigation Jump to search
Slachtedyk
It monumint by Getswerdersyl by de Slachte

De Slachtedyk of Slachte is in hast 42 kilometer lange slieperdyk troch Westergoa, en rint fan Easterbierrum oant Raerd.

Skiednis[bewurkje seksje | boarne bewurkje]

De dyk is net as gehiel oanlein, mar ûntstien út keppeling en útwreiding fan polderdiken. It ûntstean wurdt ûngefear yn de tsiende oant 13e iuw pleatst (mar hjiroer is strideraasje). De earste offisjele melding fan de dyk is makke yn 1506. By de wettersneed fan 1825 hat de dyk foar it lêst as seewarring tsjinne. Sûnt 1995 hat de dyk gjin funksje mear as twadde wetterkearing. It Fryske Gea hat de Slachtedyk as kultuerhistoarysk monumint en natoergebiet yn behear. Yn de dyk sieten in tsiental saneamde kearslûzen (silen). De noardliks lizzende slûs wie Getswerdersyl, de ienige slûs dy't mei doarren ôfsluten wurde koe.[1]

Slachtemaraton[bewurkje seksje | boarne bewurkje]

Yn it ramt fan it projekt Simmer 2000 is foar it earst de Slachtemaraton holden, in maraton oer de hiele lingte fan de dyk, foar hurddravers en kuierders. Dêrfoar waard súdwest fan Wommels de Nije Kromme boud, in brêge (of eins in fiadukt) foar fytsers en fuotgongers oer de provinsjale wei N359, dy't op dat punt yn 'e 1970-er jierren dwers troch de Slachte hinne oanlein wie. Sûnt 2000 wurdt de slachtemarataon om de fjouwer jier holden.

Fierder lêze[bewurkje seksje | boarne bewurkje]

  • U. Hosper, P. Karstkarel, S. van der Woude- De Slachte: de oude dijk, de geschiedenis, de landschappen, de dorpen, de marathon. Friese Pers Boekerij, Ljouwert (2008)

Boarnen, noaten en referinsjes[boarne bewurkje]

Boarnen, noaten en/as referinsjes:
  • Siem van der Wouden (2000) - "Monument van de Maand: Slachtedijk", Drachten: Noard-Nederlânsk buro foar Toerisme (oarspronklik útjûn yn 1990) ISBN 9073845548.

  1. Hosper, Ultsje (et al.) De Slachte, side 50, útjouwerij Friese Pers Boekerij, Ljouwert, 2001