Kapellepôle

Ut Wikipedy
Jump to navigation Jump to search
Kapellepôle

De Kapellepôle is in natoergebiet op 'e grins fan 'e gemeenten Opsterlân en It Hearrenfean, súd fan Wynjewâld oan de Jan Hofswyk.

It natoergebiet mei heide is 4 ha grut en leit middenyn de greidlannen. It gebiet, dat frij tagonklik is, wurdt beheard troch It Fryske Gea dy't it nei de oarloch oankocht hat. De namme ferwiist nei de Midsiuwske Bonifatiuskapel dy't hjir op in hege sânkop yn it heechfean stie.

Fynplakken[bewurkje seksje | boarne bewurkje]

It stee komt op âlde kaarten foar, en ek komt yn it Dekema-argyf in oantekening út 1565 foar, dêr't ûnder Hoarnstersweach in tal landerijen yn fermelde wurde mei de notysje : nog opt noord van desen plecht bonifacity cabelle in t feen te staen". Yn itselde argyf sit in keapbrief fan eigendommen yn Hoarnstersweach út 1552, dy't lizze "van den alleroudsten leidijk naast de akkerseinden, welke men in voortijden placht te gaan naar St.Bonifaciuskapel". Dit paad sil sawat lein hawwe dêr't de "Kapellewei" rint. Op de kaart fan Schotanus/Halma fan 1718 stiet de "Bonifacius Capelle" noch oanjûn en wol noard fan de "Feenscheidende Greppel tusschen Opsterland en Schoterland 1716 gemaakt.