Van Coehoornbosk

Ut Wikipedy
Van Coehoornbosk
Van Coehoornbosk
Van Coehoornbosk
lokaasje
neiste plak Wikel
oare ynformaasje
oerflak 11 ha
stifting 1949
behear It Fryske Gea
webside It Fryske Gea
Tagong ta it eardere Meerenstein, de Van Coehoornbosk yn Wikel
Meerenstein yn 1721

De Van Coehoornbosk, ek wol Wikelerbosk neamd, is in âld oarspronklik yn Frânske styl oanlein leafbosk fan 11 hektare, mei skaaimerken fan de lettere Ingelske lânskipsstyl.

Menno baron fan Coehoorn wie direkteur-generaal fan de fortifikaasjes fan de Republyk en in ferneamd festingboukundige. De Van Coehoornbosk leit flak efter de tsjerke fan Wikel dêr't ek syn prealgrêf yn is, en waard oanlein om it lângoed Meerenstein fan de famylje Van Coehoorn. De hichte dêr't it bûtengebiet stiet sil in moai útsjoch jûn hawwe op it iepen lân, de Sleattemer Mar en mooglik de stêd Sleat, dêr't de festingwurken fan troch de baron ûntwurpen wienen.

De Van Coehoornbosk is yn 1949 troch It Fryske Gea oankocht om de botanyske, histoaryske en rekreative wearden. De bosk is oarspronklik oanlein yn de Frânske geometryske formele styl: rjochte leanen dy't it ferdiele yn rjochthoekige fekken. Letter binne hjir eleminten út de Ingelske lânskipsstyl by koamd. De oanwêzige stinzefloara is grif in oerbliuwsel út dy tiid.

Fan de poddestuollen is de gewoane morylje bysûnder. Neist it iepen stik, dêr't eartiids Meerenstein stien hat en no brûkt wurdt as iisbaan, bestie de boask meast út ikehakhout, dat geandewei útgroeid is ta in opgeand bosk. Mei it each op it ôffieren fan it wetter is de bosk eartiids oanlein op perselen fan 5 oant 6 meter breed. Lâns de rânen rinne fraaie ikesingels.

Natoer[bewurkje seksje | boarne bewurkje]

Om de planterykdom te bewarjen, soarget It Fryske Gea foar in lichte grûnbewurking en wurdt der sa no en dan wat byplante. De beammen yn dat diel fan de bosk bestean fral út gewoane es en gewoane esdoarn. Efter it stee fan it eardere bûtenplak leit noch in heuveltsje mei âlde linebeammen. Dêr groeie in protte maaieklokjes.

Dr komme frijwat fûgelsoarten foar yn de bosk. Flak efter it fraaie tagongsstek sit yn de hege iken in roekekoloanje. Oare briedfûgels binne houtekster, grutte houtspjocht, blaumieske, readboarst, tomke, swartkop, hôfsjonger, toarnhipperke, bûnte lyster, grutte klyster, beamkrûper en hoarnûle. Oare bisten it de wikelerbosk binne flearmûzen, wêrûnder de burdflearmûs, de rosse flearmûs, de letflieger en de rûge dwerchflearmûs. Yn de bosk sit ek in bewenne dasseboarch.

Boarnen, noaten en referinsjes[boarne bewurkje]

Boarnen, noaten en/as referinsjes:
It Fryske Gea

Aeltsje- en WarkumermarDe Alde FeanenBancopolderBekhofskânsDe BjirmenBlauhúster PuollenBocht fan MolkwarBotmarBuismans EinekoaiIt BûtenfjildVan CoehoornboskDellebuorsterheideIt DiakonyfeanDyksfeartenDobben HurdegarypsterwarrenDunegeasterpolderEanjumer KolkenEasterskarEinekoaien Lytse GeastDe FluezenFollegeasterpolderGrikelân en TurkijeGrutte WielenHeanmarHeide HulstreedDe HonHopHuitebuersterbûtenpolderYchtenerfeanpolderJoadetsjerkhôf NoardwâldeJoadsk Begraafplak TeakesylJongemastateKapellepôleKetelermarKetliker SkarKoarnwerterpolderKobbelânLindeboskLindefalleiLiphústerheideMakkumersúdmarpolderMakkumerwaardenMandefjild BakkefeanMartenastateMeulereed en MeuleboskMokkebankMûntsebuorsterpolderNoard-Fryslân Bûtendyks't OerdPark Huzinge OlterterpPark MartenastatePeazemerlannenPetgatten De FeanhoopRingwielRengerspôleDe RypRysterboskSyp SetSkiedingsboskjeSkieppedobbeSlachteSodumermarSteile BankStokersdobbeSudermarpolderTaconisboskTeroelster SipenTsjongerwâlenUnlân fan JelsmaWarkumerwaard't WestWikelerboskWilhelmina-oard