De Rottefalle

De Rottefalle
Doarpstsjerke fan De Rottefalle
Emblemen
Bestjoer
Lân	Nederlân
Provinsje	Fryslân
Gemeente	Smellingerlân
Sifers
Ynwennertal	1.410 (1 jannewaris 2023)
Oerflak	6,43 km², wêrfan: - lân: 5,74 km² - wetter: 0,69 km²
Befolkingsticht.	245 ynw./km²
Oar
Tiidsône	UTC +1
Simmertiid	UTC +2
Koördinaten	53° 08' N 6° 06' E
Lokaasje De Rottefalle (grien) yn 'e gemeente Smellingerlân
Offisjele webside
Side fan De Rottefalle
Kaart

De Rottefalle is in doarp yn de gemeente Smellingerlân, noardeastlik fan Drachten.

De Rottefalle hat 1.410 (1 jannewaris 2023) ynwenners.

Skiednis

De Rottefalle is yn de 17e iuw ûntstien as feankoloanje. De Rottefalle hat syn namme te danken oan in Jan Rateller, ek wol Jan Rot neamd. Hy liet ferskiedene fearten grave, wêrûnde ’t Vallata. Skippers neamden it “de Rot syn fal”.

Standermûne De Rot

De plaknamme waard foar it earst yn in keapkontrakt fan 1618 neamd. Doe stiene der^neffens in kaart út 1617 al wat hûzen. De bewenners libben der fral fan it stekken fan turf en oan de Lits en de Brouwersgrêft waarden mear wentes boud. Yn 1730 waard ek in standermûne boud. Utsûnderik wie dat de mûne in reiten kape hie. Plannen om de mûne op in oar plak te restaurearjen waarden net útfierd en yn 1921 waaide de mûne om. Sa kaam der in ein oan de lêste noch besteande Fryske standermûne.

Mei't De Rottefalle yn 1724 in eigen tsjerke krige waard de buorskip in echt doarp.

Oant 1943 lei de Rottefalle yn trije gemeenten: Smellingerlân, Tytsjerksteradiel en Achtkarspelen. Yn 1953 waard it útroppen ta 'foarbylddoarp' (mei Kerkhoven yn Noard-Brabân), neidat de Rykslânboufoarljochtingstsjinst mei demonstraasje proeffjildsjes, foarbyldperselen en foarbyldbedriuwen de agraryske bedriuwsfiering besocht hie te ferbetterjen. Yn 1956 waarden ek ferbetteringsplannen foar de omkriten fan it doarp opset. As foarbylddoarp foar de ruilferkaveling wurdt Rottevalle neamd yn de Kanon fan Fryslân.

Op it begraafplak stiet ien fan de goed sechstich klokkestuollen yn Fryslân.

Mienskip

Yn 2017 waard it nije MFA It Werflân iepene. Doarpskrantsje It Slûske ferskynt sânris yn 't jier. De feestkommisje organisearret om de trije jier in skoalle- en doarpsfeest. It Hagehiem is it sportkompleks fan 'e Rottefalle.

Tsjerken

De Wikipedy hat ek in side Doarpstsjerke (De Rottefalle). (of eardere herfoarme tsjerke)

De Wikipedy hat ek in side Protestanske tsjerke fan De Rottefalle. (of eardere grifformearde tsjerke)

De Wikipedy hat ek in side Minnistetsjerke (De Rottefalle).

• PKN-gemeente De Rottefalle
• Mennistegemeente -De Rottevalle-It Wytfean

Fermanje

Ferienings

It doarp hat in soad buertferienings.

Biljertklub 't Slappe Keutje Begraffenisferiening De Laatste Eer Fuotbalferiening De Rottefalle Iisclub De Rottefalle Koar Voortvarende Vrouwen Kristlike Brassband De Bazuin

Muzykferiening Polyphonia Shantykoar De Piipegaeltsjesjongers Sportferiening Wêz Handich Toanielselskip De Rottefalle Wettersportferiening De Leien

(De list is yn 2023 bywurke. Sjoch foar de meast aktuele ynformaasje oer ferienings op de hiemside fan it doarp)

Skoalle

It Werflân

Sûnt augustus 2016 binne de kristlike en iepenbiere basisskoalle 'De Finne' en 'Yn 'e Mande' as gearwurkingsskoalle tegearre gien. De skoalle is ûnderbrocht yn it yn 2017 iepene multyfunksjonele gebou 'It Werflân', dêr't ek it doarpshûs, it pjutteboartersplak en de jongereinsoas yn sitte.

It Wapen fan Smellingerlân, De Rottefalle

Befolkingsferrin

Jier	1954	1959	1964	1969	1974	2004	2012	2012	2021
Ynwenners	952	939	986	997	1.031	1.320	1.380	1.362	1.405

Berne

• Marten Jans van Houten (1801-1879), evangelist en mystikus
• Hindrik Kloosterman (1900-1968), wiskundige
• Joop Boomsma (1945–2018), skriuwer
• Betty Jansma (1990), sportfrou

Ynfrastruktuer

Strjitten

• Sjoch: Strjitten op De Rottefalle

Iepenbier ferfier

Buslinen fan ferfierder Qbuzz:

• Line 11: Akkrum - Aldeboarn - Nij Beets - Boarnburgum - De Wylgen - Drachten - Nijtap - De Rottefalle - De Houtigehage - Boelensloane -Surhústerfean - Surhuzum - Stynsgea - Bûtenpost
• Line 13: Stienwyk - Eesfean - Nijensleek - Frederiksoard - Willemsoard - Noardwâlde - Sânhuzen - Aldeberkeap - Aldhoarne - Jobbegea Skuorregea - Lippenhuzen - De Gerdyk - Terwispel - Drachten - Nijtap - De Rottefalle - Surhústerfean - De Harkema - Droegeham - Koatstertille - Jistrum - Noardburgum - Quatrebras - Hurdegaryp - Tytsjerk - Ljouwert

Ofbylden

• 
  Klokkestoel
• 
  Grifformearde tsjerke
• 
  Herfoarme pastorij
• 
  Feanskipfear troch Gerrit Terpstra

Sjoch ek

• Fryske doarpen

Boarnen, noaten en referinsjes

Boarnen, noaten en/as referinsjes:

Webstee fan De Rottefalle Startside De Rottefalle Toanielselskip De Rottafalle Commons Wikimedia Commons  Ofbylden dy't by dit ûnderwerp hearre, binne te finen yn de kategory De Rottefalle fan Wikimedia Commons.