Sânhuzen (Weststellingwerf)

	Sânhuzen (Weststellingwerf)
	Bestjoer
Lân	Nederlân
Provinsje	Fryslân
Gemeente	Weststellingwerf
	Sifers
Ynwennertal	345 (1 jannewaris 2023)
Oerflak	7,92 km², wêrfan:; - lân: 7,89 km² ; - wetter: 0,03 km²
Befolkingsticht.	42 ynw. / km²
	Oar
Postkoade	8489
Tiidsône	UTC +1
Simmertiid	UTC +2
Koördinaten	52° 54' N 6° 9' E
	Lokaasje Sânhuzen (grien) yn de gemeente Weststellingwerf
	Offisjele webside
	Side Sânhuzen
	Kaart
	;

Sânhuzen (Stellingwerfsk: Zaandhuzen) is in lyts iesdoarp yn de gemeente Weststellingwerf. It doarp leit ten noarden fan Noardwâlde oan de N353 nei Aldeberkeap. Under Sânhûzen falt ek de buorskip it Reade Doarp.

Sânhuzen hat 345 (1 jannewaris 2023)^[2] ynwenners.

Skiednis

Mei de buorskippen Rysberkampen en Boekelte is Sânhuzen ien fan de iesdoarpen fan de gemeente Weststellingwerf. Oant 1989 wie Sânhuzen in buorskip fan Noardwâlde en it hjoeddeiske doarp is it plak dêr't Noardwâlde ea ûntstien is.

Yn 1920 fûnen ûndersikers by de tarieding fan de bougrûn foar sosjale wenningbou fan it streekje Reade Doarp it plak, dêr't de earste tsjerke fan Noardwâlde stien hat, in sealtsjerkje fan dowestien mei in healrûn koer mei dêromhinne in troch in grêft omfieme hôf mei in soad grêven. Dêrmei heart it tsjintwurdige Sânhuzen ta de âldste delsettings fan de gemeente. De tsjerke waard letter, mooglik tsjin it ein fan 'e 14e iuw, op in súdliker plak op 'e nij boud. De reden dêrfan is net bekend.^[3]

Yn in dokumint fan 1422 dy't ferbân hâldt mei it Klaarkampster kleaster waard skreaun dat Douwe Onnema hôfmaster yn 'Sandhuse' is. Mooglik dat de Klaarkampsers muontsen dêr in úthôf hiene foar de feanterij fan it kleaster.^[4]

Oan de noardeastlike grins fan 'e himrik leit de Bekhoftille. Dat wie it plak dêr't oer De Linde in ferbining fan Fryslân (oer Boyl, Boekelte en Aldeberkeap) mei Drinte lei. Yn de 17e iuw wie dêr in lytse skâns tsjin de troepen fan de biskop fan Munster, de romrofte Bommen Bearend. De Bekhofskâns is in natoergebiet fan it Fryske Gea en de skâns is yn 2007 wer sichtber makke.

Mienskip

De feriening Pleatslik Belang Sânhuzen-de Meente waard yn 1919 oprjochte.

Skoalle

Sânhuzen krige yn 1918 in eigen iepenbiere basisskoalle, dy't yn 2006 sletten waard.

Ferienings

Fuotbalferiening Sânhuzen

Eveneminten

Doarpsfeest (juny)

Bustsjinst

De busline troch Sânhuzen wurdt fersoarge troch Qbuzz. De folgjende line rydt troch Sânhuzen:

Line 26 Akkrum - Noardwâlde fia De Gordyk: Akkrum - Aldeboarn - De Tynje - De Gordyk - Lippenhuzen - Jobbegea - Aldhoarne - Aldeberkeap - Sânhústerwei - Noardwâlde

Gea

Yn it doarpsgebiet lizze de natoergebieten it Sânhûster Fjild, dêr't de lêste Fryske populaasje fan it Gintsiaanblaujurkje libbe(t), en de Meentebosken, beide fan Steatsboskbehear. Yn de noardeastlike hoeke fan 'e himrik is by in djip sânwinningsgat bosk oanplante dat ek troch Steatsboskbehear beheard wurdt. Nearne oars yn de gemeente Weststellingwerf bloeit yn 'e maitiid op sa'n soad plakken yn 'e bermen fan de himrik de boskanemoan.

Strjitten

Aldeberkeaperwei, Bekhofwei, Frijheidswei, Ikenwei, It Reade Doarp, Liemwei, Meuleveldwei, Sânhuzerwei, Skâns, Skieppedrift.

Sjoch ek

Fryske doarpen.

Keppeling om utens

Skiednis Sânhuzen

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Sânhuzen fan Wikimedia Commons.

52° 55' NB, 6° 9' EL

	Weststellingwerf
Doarpen en útbuorrens: Aldeholtpea • Aldeholtwâlde • Aldetrine • Aldlemmer • Blesdike • De Blesse • Boyl • Easterstreek • Finkegea • De Hoeve • De Langelille • Munnikebuorren • Nijeholtpea • Nijeholtwâlde • Nijetrine • Nijlemmer • Noardwâlde • Pepergea • Sânhuzen • Skerpenseel • Slikenboarch • Sonnegea • Spangea • Steggerda • Teridzert • Wolvegea
Buorskippen: Boekelte • De Grêft • Rysberkampen • Skoattersyl (foar in part)
· ·

[1] ttps://opendata.cbs.nl/statline

[2] ttps://opendata.cbs.nl/statline

[3] Ljouwerter Krante, 11 maaie 2022

[4] Fryslân Wûnderlân, Peter Karstkarel

[1]

[2]

[3]

[4]