Finkegea

Ut Wikipedy
Finkegea
De eardere tsjerke, tsjintwurdich it doarpshûs
De eardere tsjerke, tsjintwurdich it doarpshûs
Polityk
Lân Nederlân
Provinsje Fryslân
Gemeente Weststellingwerf
Sifers
Ynwennertal 200 (1 jannewaris 2022)[1]
Oerflak 5,16 km², wêrfan:
- lân: 5,14 km²
- wetter: 0,02 km²
Befolkingsticht. 39 ynw. / km²
Oar
Postkoade 8393
Tiidsône UTC +1
Simmertiid UTC +2
Koördinaten 52° 52' N 6° 6' E
Lokaasje Finkegea (grien) yn de gemeente Weststellingwerf
Lokaasje Finkegea (grien) yn de gemeente Weststellingwerf
Offisjele webside
Side Finkegea
Kaart
Finkegea (Fryslân)
Finkegea

Finkegea is in doarp súdwest fan Noardwâlde yn de gemeente Weststellingwerf. In echte kearn hat it doarp net, de measte minsken wenje in ein út inoar.

It doarp hat 200 (1 jannewaris 2022)[2] ynwenners.

Skiednis[bewurkje seksje | boarne bewurkje]

De doarpsnamme hat neat te krijen mei de fink as fûgel. Fingegea lei eartiids tusken hege feanen bylâns de provinsjegrins en de feangrûnen yn 'e delling fan 'e Linde en it leit yn 'e reden dat it doarp de namme ûntliende oan de feanterij.

'Finke' soe 'leech feanlân' betsjutte kinne, mar yn Midden-Nederlân is in fink ek in minne turf. Tal fan plaknammen yn âlde Nederlânske feanstreken binne gearstald mei 'fink’ yn 'e betsjutting fan in lichte feansoarte wêrút lichte turf makke waard.

Yn de âldste oarkunden wurdt de plaknamme skreaun mei de begjinletter 'F', wat mooglik ynfloed fan it Frysk west hat wêryn't de 'f' de 'v' ferfangt. Yn rintmasterrekkens fan Eaststellingwerf wurdt it plak yn 1526 al mei in 'V' as Vinckegae skreaun.

It doarp wie eartiids tsjerklik by it âldere Steggerda yndield en waard dêrom ek wol Nije-Steggerden neamd.

Mienskip[bewurkje seksje | boarne bewurkje]

Yn 2010 waard de tsjerke fan Finkegea nei in tiid fan ferfal oernommen fan de tsjerkemienskip troch de Stifting Behâld Finkegea.[3][4] De tsjerke waard renovearre en ferboud ta it multykulturele sintrum fan it doarp. Sûnt de jierren 1970 hie de toer gjin spits mear, dy't eartiids fanwegen brekfalligens ferfongen wurde moast troch in ûnsjoch ôfdak. Yn 2022 krige de eardere tsjerke en it hjoeddeiske doarpshûs wer in spits, dy't oarspronklik op de kapel fan it katolike sikehûs Joannes de Deo yn Haarlim stien hat.[5] De feriening fan Pleatslik Belang is yn oktober 1987 stifte.[6]

Tsjerke[bewurkje seksje | boarne bewurkje]

De Wikipedy hat ek in side Tsjerke fan Finkegea.

PKN-gemeente Lindestreek

Befolkingsferrin[bewurkje seksje | boarne bewurkje]

Jier 1840 1954 1959 1964 1969 1973 2007
Ynwenners 344 386 389 311 217 237 207
Jier 2015 2020
Ynwenners 198 200

(Boarnen: 1840: Plaatsengids.nl; 2015 en 2020: Alle Cijfers)

Eveneminten[bewurkje seksje | boarne bewurkje]

  • Peaskefjoer (earste peaskedei)

Gaswinning[bewurkje seksje | boarne bewurkje]

Yn 'e himrik fan it doarp leit yn in grutter gebiet in gasfjild, dêr't de firma Vermillion oant 2032 gas winne mei. Fanwegen it sakjen fan de boaiem besocht in ynwenner oant de Ried fan Steat dêr om 'e nocht earder in ein oan te meitsjen. Ferskillende organisaasjes lykas de gemeente besochten dêrnei it Ministearje fan Ekonomyske Saken mei wat hja der oer tochten ta in oar beslút te bewegen, mar dy waarden troch de doetiidske minister yn 2021 oan 'e kant skood om't it sakjen fan de boaiem fan goed 5 sintimeter gjin gefaar opleverje soe.[7][8]

Ferskaat[bewurkje seksje | boarne bewurkje]

Strjitten[bewurkje seksje | boarne bewurkje]

Noardwâlderwei, Schoollaan, Westvierdeparten, Suderwei.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
 
Plakken yn de gemeente Weststellingwerf
Flagge fan de gemeente Weststellingwerf
Haadplak: Wolvegea
Doarpen en útbuorrens: AldeholtpeaAldeholtwâldeAldetrineAldlemmerBlesdikeDe BlesseBoylEasterstreekFinkegeaDe HoeveDe LangelilleMunnikebuorrenNijeholtpeaNijeholtwâldeNijetrineNijlemmer • NoardwâldePepergeaSânhuzenSkerpenseelSlikenboarchSonnegeaSpangeaSteggerdaTeridzert
Buorskippen: BoekelteDe GrêftRysberkampenSkoattersyl (foar in part)