Tsjerke fan Finkegea

Ut Wikipedy
Jump to navigation Jump to search
Tsjerke fan Finkegea
Finkegea, tsjerke.jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Weststellingwerf wapen.svg Weststellingwerf
plak Finkegea
adres Noardwâlderwei 23
bysûnderheden
type bouwurk Tsjerke
boujier 1899
arsjitekt B. Rouwkema

De Tsjerke fan Finkegea is in earder tsjerkegebou yn Finkegea, gemeente Weststellingwerf. It gebou wurdt restaurearre en wurdt nei in skoft leech stien te hawwe no geskikt makke ta doarpshûs.

Skiednis[bewurkje seksje | boarne bewurkje]

De tsjerke mei de orizjinele toer (1965)

De tsjerke waard yn 1899 neffens it plan fan B. Rouwkema boud foar de herfoarme gemeente fan Finkegea en ferfong doe in âlder gebou, wêrfan't de toer al yn 1754 ôfbrutsen wie. Oant 1969 hie de tsjerke in spits tuorke, mar de spits wie brekfallich en jild foar in nije spits hie de herfoarme gemeente net. De gemeente liet de spits ferfange troch in sealtek. Yn 1980 waard de tsjerke ôfstjitten en yn gebrûk nommen as atelier. De tsjerke rekke yn ferfal en soe earst as wenhûs ferkocht wurde, mar dat wie de Finkegeaster befolking min nei't sin en dus waard yn 2010 it gebou oankocht troch de doarpsmienskip. Yn desimber 2017 is der útein set mei de restauraasje, dy't yn 2018 foltôge wurde sil.

De doarpsmienskip stribbet der ek nei om nei de restauraasje de provisoaryske sealtek-ôfsluting fan de toer te ferfangen troch in replika fan de oarspronklike spits.[1][2]

Oargel[bewurkje seksje | boarne bewurkje]

Yn de tsjerke stie oant de jierren 1970 in oargel út 1921 fan de P. van Dam, Ljouwert. It waard troch Flentrop Orgelbou opslein yn Saandam en dielen der fan binne ferarbeide yn in ynstrumint foar de Grifformearde Gemeente fan Saandam. Doe't harren tsjerke yn 2013 sletten waard ferhûze dat oargel nei de tsjerke fan de Grifformearde Gemeente yn Amsterdam-Noard.[3][4]

Boarnen, noaten en referinsjes[boarne bewurkje]

Boarnen, noaten en/as referinsjes: