De Houtigehage
| De Houtigehage | ||
| ||
| De Houtigehage út noardeastlike rjochting wei sjoen | ||
| Emblemen | ||
 
| ||
| Sifers | ||
| Ynwennertal | 900 (2021)[1] | |
| Polityk | ||
| Lân |  Nederlân
| |
| provinsje |  Fryslân
| |
| gemeente |  Smellingerlân
| |
| Oar | ||
| Postkoade | 9223 | |
| Tiidsône | UTC +1 | |
| Simmertiid | UTC +2 | |
| Koördinaten | 53° 09' NB, 6° 9' EL | |
| Kaart | ||
  Lizzing fan De Houtigehage yn Fryslân
| ||
| Kaart | ||
| ||
| Himrik fan De Houtigehage yn de gemeente Smellingerlân | ||
De Houtigehage is in doarp yn de gemeente Smellingerlân, noardeast fan Drachten. It doarp hat likernôch 910 ynwenners, mei in basisskoalle IBS De Wiksel, in kroech en in itersstee. Der lizze twa buorskippen tichtby: Luchtenveld en Fianen.
Oan de earste helte fan de 18e iuw ta leinen yn dizze streek hege feanen. Op de gritenijkaart yn de atlas fan Schotanus út 1718 lizze dêr de Folger Feanen mei yn it ferlingde fan de Burmaniasleat: de Hillema Gruppel. De feanen binne al gau nei dy tiid yn inkele tsientallen jierren ôfgroeven foar de turfwinning.
Nei de Twadde Wrâldoarloch stie it doarp bekend as in kommunistysk bolwurk. De tsjerkedoarpen der omhinne wiene faak wat riker. Der wie in soad earmoede en der waarden wurkferskaffingsprojekten opsetten. Begjin jierren fyftich wie de wurkleazens hast 30% en sa'n sechtich wurkleazen gie út protest oan it wurk. Se begûnen fannijs in ûnbegeanber paad oan te lizzen. De VPRO hat der yn 2007 in programma oan wijd.
Yn it earstoan tsjerken de ynwenners yn it westlik lizzende doarp Rottefalle. Johannes Antonie Visscher, dûmny yn it begjin fan de 20e iuw, wie begien mei it lot fan De Houtigehage, publisearre oer de arme Friesche heide en hat in soad dien foar de fierdere lânoanmakkerij. De haadstrjitte is dan ek nei him ferneamd. Wenningbouferiening Smellingerlân sette doe ek útein mei in wenningbouprogram, dêr‘t de wenningen mei krimpe en skuorre oan de Skoallewyk yn 1909 de earsten wienen. Ien fan dy huzen, Skoallewijk 10, is no ta in museum fan emansipaasje en galery ynrjochte.
Mienskip[bewurkje seksje | boarne bewurkje]
Oan De Buorren stiet it doarpshûs 'De Huchte', dêr't de feriening foar Doarpsbelang gearkomt. Op de Fryske Dei wienen tema's as Fryske Beikedei, Bûter, brea en griene tsiis. "It Wâldhúske" út 1908 is ek faak ûnderdiel fan it program. Elk jier wurdt der in grut feest hâlden: in piratefeest mei Nederlânsktalige muzyk en der wurdt om de trije jier in grutte optocht mei fersierde weinen hâlden.
Tsjerke[bewurkje seksje | boarne bewurkje]
Ferienings[bewurkje seksje | boarne bewurkje]
- Fuotbalferiening De Houtigehage
- 't Wynderke - trekharmoanikamuzyk
- Biljertklup D.K.K. - biljerten
- Froulju fan No
Befolking[bewurkje seksje | boarne bewurkje]
Strjitten[bewurkje seksje | boarne bewurkje]
Boelenswei, Buorren, De Linebeammen, De Pikstiennen, De Skieding, Ds. De Visscherwei, Dúnoardswei, Dwerstakke, Fabryksloane, Fianen, Folgersterloane, It Grien, Klompmakkerspaad, Luchtenveld, Michielsreed, Nije Streek, Parkenwyk, Skoallewyk, Spitsbergen, Wâldstrjitte, Wytse Peetswei.
De Blauwe Dobbe, anneks iisbaan, by De Houtigehage
Tsjerkegebou Noard Jeruël yn De Houtigehage
Tinkstien foar ds Johannes Antonie Visscher
Sjoch ek[bewurkje seksje | boarne bewurkje]
Keppeling om utens[bewurkje seksje | boarne bewurkje]
| Boarnen, noaten en/as referinsjes: |
|
Ofbylden dy't by dit ûnderwerp hearre, binne te finen yn de kategory Houtigehage fan Wikimedia Commons. |
|
| |
|---|---|
| Haadplak: Drachten | |
| Doarpen en útbuorrens: Aldegea • Boarnburgum • Drachtster Kompenije • De Feanhoop • Goaiïngahuzen • De Houtigehage • Koartehimmen • Nyegea • De Pein • De Rottefalle • Smelle Ie • De Tike • De Wylgen | |
| Buorskippen: Bûtenstfallaat • Eibertsgeasten • De Folgeren • Galhoeke • De Geasten • De Kletten • De Koai • Luchtenfjild • Middelbuorren • Noarderein • Nijtap • Opperbuorren • Puntpeal • Sânbuorren • Sytebuorren • It Súd • Suderheide • Utein • Wierren | |