Luchtenfjild

Ut Wikipedy
(Trochwiisd fan Luchtenveld)
Jump to navigation Jump to search
Tsjerkje "Jezus leeft", 2010

Luchtenfjild is in buorskip yn de gemeente Smellingerlân. Luchtenfjild leit tusken De Houtigehage en Drachtster Kompenije oan de Folgeraleane. De namme komt op âlde kaarten ek foar as Lucht en Veld en letter Luchtenveld.

De buorskip bestiet út in krúspunt mei wat huzen en in earder tsjerkje mei in hôf. Dat tsjerkje, "Jezus leeft", út 1928 waard troch Berend Overdijk (1894-1977) en syn soan Jan (1924-1997) boud om te preekjen foar minsken dy't de omlizzende tsjerken te frijsinnich fûnen. De tsjerke neamde him in Vrije Evangelische Broedergemeente.
Yn 1998 preke G.J. van Loon, in kolonel fan it Súd-Afrikaanse "Ekklesia" Evangeeljekorps, dêr in skoftke, lykwols foar lege stuollen. It tsjerkje waard letter as bedriuwsromte brûkt.

Yn Luchtenveld stoppe ek de tram fan Grins nei Drachten tusken 1918 en 1946; dêr wie in wiksel nei in parallelspoar dêr't frachtwagons parkearre wurde koenen.