De Wylgen

	De Wylgen
	Emblemen
	Sifers
Ynwennertal	660 (1 jannewaris 2022)
Oerflak	4,10 km², wêrfan: ; - lân: 3,70 km² ; - wetter: 0,41 km² ;
Befolkingsticht.	178 ynw./km²
	Polityk
Lân	Nederlân
Provinsje	Fryslân
Gemeente	Smellingerlân
	Oar
Tiidsône	UTC +1
Simmertiid	UTC +2
Koördinaten	53° 05' N 6° 02' E
	Lokaasje De Wylgen (grien) yn 'e gemeente Smellingerlân
	Offisjele webside
	Side De Wylgen-Bûtensfallaat-Smelle Ie
	Kaart
	;

De Wylgen is in doarp west fan Drachten yn de gemeente Smellingerlân.

De Wylgen hat 660 (1 jannewaris 2022)^[2] ynwenners.

Skiednis[bewurkje seksje | boarne bewurkje]

De Wylgen wie oant 1955 in buorskip en in tsjerke hat it doarp nea hân. Foar de reformaasje hearde it tsjerklik by Smelle Ie, dêr't it kleaster stie, en letter by Boarnburgum.

Yn 1672 wie de Republyk yn oarloch mei Frankryk, Ingelân, Münster en Keulen. Yn dat jier teach in leger soldaten fan de biskop fan Münster troch Smellingerlân op nei Ljouwert. Mar dat waard op Sumarreheide troch mannen fan Fan Aylva opwachte. De soldaten fan Münster ferspraten harren nei de nederlaach en swalken plonderjend troch it gebiet. Oan 'e ein fan de Biskopswei, by de Poalsbrêge oer de Drait, doe in furde troch it rivierke, kamen ek soldaten oan, mar hja waarden dêr opwachte. By de striid waarden trije soldaten ombrocht, dy't dêr begroeven waarden. Alhoewol't it soldaten wiene dy't dêr omkamen waarden de grêven bekend as biskopsgrêven. ^[3]

Troch fergrizing en gjin nijbou sakke it ynwennertal nei de Twadde Wrâldkriich bot. Dat feroare mei de oanlis fan de De Sâning, in tige royaal opsette fillawyk oan de noardeastlike kant fan it âlde doarp mei frijsteande hûzen op grutte kavels oan it wetter. De Sâning waard tusken 1996 en 2002 oanlein en wurdt fan in griene sône mei wetter skieden fan it âlde doarp. Oarspronklik foel de grûn fan de nijbouwyk by Smelle Ie, mar yn it ramt fan it plan waard in grinskorreksje útfierd en kaam it by De Wylgen.

Mienskip[bewurkje seksje | boarne bewurkje]

De Wylgen hat in mienskiplik doarpsbelang mei Smelle Ie en it buorskip Bûtenstfallaat, dat formeel by Drachten heart. Ek de flagge en it wapen fan de twa doarpen binne mienskiplik.

Ferienings[bewurkje seksje | boarne bewurkje]

Kanoferiening
Roeiferiening
Toanielferiening De Wylgen

Befolkingsferrin[bewurkje seksje | boarne bewurkje]

Jier	1840	1959	1964	1969	1974	2004	2012	2015	2020
Ynwenners	150	348	313	282	281	850	688	662	657

Strjitten[bewurkje seksje | boarne bewurkje]

Biskopswei - Bernhard fan Galen
Broekfinne
De Heide
De Trisken - buorskip De Trisken
Drachtster Heawei
Hoptunen
Mûntseleane
Nachtlân

Ferskaat[bewurkje seksje | boarne bewurkje]

Skriuwer Rink van der Velde hat in skoft yn De Wylgen wenne.

Sjoch ek[bewurkje seksje | boarne bewurkje]

Fryske doarpen.

Boarnen, noaten en referinsjes[boarne bewurkje]

Boarnen, noaten en/as referinsjes:

Grutte Provinsje Atlas Fryslân, Wolters-Noordhof Altlasproduksjes / Afûk, 2000
Karel F. Gildemacher, "Friese Plaatsnamen", Ljouwert, Friese Pers Boekerij 2007, De Wilgen

↑ https://opendata.cbs.nl/statline
↑ https://opendata.cbs.nl/statline
↑ Geschiedenis van Smallingerland, J.J. Spahr van der Hoek, ISBN 90 70 010 48 8, side 23/24

Wikimedia Commons

Ofbylden dy't by dit ûnderwerp hearre, binne te finen yn de kategory De Wylgen fan Wikimedia Commons.

Plakken yn de gemeente Smellingerlân
Haadplak: Drachten
Doarpen en útbuorrens: Aldegea • Boarnburgum • Drachtster Kompenije • De Feanhoop • Goaiïngahuzen • De Houtigehage • Koartehimmen • Nyegea • De Pein • De Rottefalle • Smelle Ie • De Tike • De Wylgen
Buorskippen: Bûtenstfallaat • Eibertsgeasten • De Folgeren • Galhoeke • De Geasten • De Kletten • De Koai • Luchtenfjild • Middelbuorren • Noarderein • Nijtap • Opperbuorren • Puntpeal • Sânbuorren • Sytebuorren • It Súd • Suderheide • Utein • Wierren

[1] ttps://opendata.cbs.nl/statline

[2] ttps://opendata.cbs.nl/statline

[3] Geschiedenis van Smallingerland, J.J. Spahr van der Hoek, ISBN 90 70 010 48 8, side 23/24

[1]

[2]

[3]