Rhode Island

Ut Wikipedy
Gean nei: navigaasje, sykje
The State of Rhode Island
and Providence Plantations
Vlag van Rhode Island Zegel van Rhode Island
Map of USA highlighting Rhode Island.png
Ofkoarting RI
Haadstêd Providence
Tiidsône -5
Algemien
Oerflakte 4005
Befolking 1.080.632
Oare ynformaasje
Tatreden 29 mei 1790
Oantal countys 5

Rhode Island, offisjeel The State of Rhode Island and Providence Plantations, is in steat fan de Feriene Steaten fan Amearika. Rhode Island is it grutte eilân yn Narragansett Bay, dat ek bekend stiet as Aquidneck Island, en de Providence Plantations. Omdat de namme yn meast ôfkoarte wurdt oant "Rhode Island", tinke in soad minsken dat de steat alhiel in eilân is. Rhode Island is wat de oerflakte oangiet, de lytste steat fan alle fyftich Amerikaanske steaten. De haadstêd is Providence. Rhode Island wurdt troch de befolking ek wol "The Biggest Little State" neamd.

Skiednis[bewurkje seksje | edit source]

It gebiet waard eartiids troch Yndianestammen befolke. Roger Williams stifte der yn de earste helte fan de 17e ieu in koloanje.

Wat de namme oangiet besteane der ferskate teorieën oer de oarsprong. De beste teory is dy fan de Nederlânske ûntdekkingsreizger Adriaen Block dy't it grutste eilân "Roodt Eilandt" (Read Eilân) neamde fanwege de readeftige kleur fan de klaai. Neffens in oare teory soe Rhode Island ferneamd wêze nei it Grykske eilân Rodos.

Rhode Island hearde by de trettjin koloanjes dy't meiïnoar tsjin it Britske bewâld striden hawwe (sjoch: Amerikaanske Revolúsje). Op 29 maaie 1790 tekene it as trettjinde Amerikaanske steat de Grûnwet.

Yn 1842 fûn yn Rhode Island ûnder Thomas Dorr in opstân plak. Ynset hjirfan wie de troch him ûntworpen liberale grûnwet. Dizze waard by referindum oannomd, mar troch de gûverneur Samuel Ward King ferwurpen.

Op 18 maaie 1852 wie Rhode Island de earste steat dy't slavernij ûnwettich ferklearre. Tidens de Amerikaanske Boargeroarloch, dy't de slavernij as oanlieding hie, stie Rhode Island fansels ek oan de side fan de Uny.

Geografy[bewurkje seksje | edit source]

Rhode Island

De steat Rhode Island is 4005 km² grut en de lytste fan alle fyftich steaten. It heart ta de Easterske tiidsône.

It grutste part fan de steat Rhode Island leit op it fêstelân; fierders bestiet it ûnder oare út de eilannen Rhode Island, Prudence Island, en Conanicut Island, dy't alle trije yn Narrangansett Bay, in baai oan de Atlantyske Oseaan lizze. Sa'n 20 km út de kust leit Block Island, dat ferneamd is nei Adriaen Block, de Nederlânske ûntdekkingsreizger, dy't it eilân yn 1614 besocht.

Rhode Island grinzet yn it noarden en easten oan de steat Massachusetts en yn it westen oan Konnetikut.

It grutste mar is it Scituate Reservoir. De steat is frij flak, it heechste punt leit amperoan op 247 meter hichte.

Keppeling om utens[bewurkje seksje | edit source]

 
Feriene Steaten
Flagge fan de Feriene Steaten
Steaten

Alabama - Alaska - Arizona - Arkansas - Delaware - Fermont - Firginia - Florida - Georgia - Hawaï - Idaho - Illinois - Indiana - Iowa - Kalifornje - Kansas - Kentucky - Kolorado - Konnetikut - Louisiana - Maine - Marylân - Massachusetts - Michigan - Minnesota - Mississippy - Missoury - Montana - Nebraska - Nevada - Nij-Hampshire - New York - Nij-Jersey - Nij-Meksiko - Noard Dakota - Noard Karolina - Ohio - Oklahoma - Oregon - Pennsylvania - Rhode Island - Súd Dakota - Súd Karolina - Teksas - Tennessee - Utah - Washington - West Firginia - Wyoming - Wiskonsin

Ofhinklike gebieten
Amerikaansk-Samoa - Guam - Amerikaanske Famme-eillannen - Noardlike Marianen - Puerto Riko

Federaal distrikt
District of Columbia