World Science Fiction Convention

	World Science Fiction Convention
	Ada Palmer nimt de John W. Campbell Award yn ûntfangst op Worldcon 75 yn Helsinki, yn 2017.
	plak en tiid
lân	Feriene Steaten
plak	wikselet (ek bûten de F.S.)
tiid fan it jier	wikselet
	bysûnderheden
ôfkoarting	Worldcon
soarte evenemint	science fiction-konvinsje
bestean	1939 – no
org. troch	World Science Fiction Society
	offisjele webside
	worldcon.org

De World Science Fiction Convention (Ingelsk foar: "Science Fiction-Wrâldkonvinsje"), faak ôfkoarte ta Worldcon, is de jierlikse feestlike wrâldgearkomste op it mêd fan science fiction dy't organisearre wurdt troch de Amerikaanske World Science Fiction Society (WSFS), it "Science Fiction-Wrâldgenoatskip". De earste Worldcon waard yn 1939 holden, en sûnt hat dit evenemint alle jierren plakfûn útsein ûnder de Twadde Wrâldoarloch, fan 1942 oant 1945. De Worldcon is de wichtichste Amerikaanske en ynternasjonale gearkomste op it mêd fan it science fiction-sjenre, en wikselet elts jier fan plak.

Aktiviteiten en eveneminten[bewurkje seksje | boarne bewurkje]

Op 'e Worldcon wurde folgjende aktiviteiten en eveneminten organisearre:

Goeddiedichheidsaksjes om non-profitorganisaasjes op it mêd fan it science fiction-fandom en oare, eksterne goede doelen te ûnderstypjen, troch kollektes, feilings, bloeddonaasjes, ensfh.
In keunsteksposysje mei skilderijen, tekenings, byldhouwurken en oare keunstwurken op it mêd fan science fiction.
Hantekeningesesjes troch en oare kânsen om yn 'e kunde te kommen mei ferneamde science fiction-auteurs en oare bekendheden op it mêd fan science fiction, lykas akteurs út films of tillefyzjesearjes, omslachkeunstners, ensfh.
De úttrikkingsseremoanje fan 'e Chesley Awards.
De útrikkingsseremoanje fan 'e Hugo Awards.
Cosplay, sawol in formele wedstryd (de Masquerade) as gewoan foar de aardichheid troch fans dy't de hiele dei yn science fiction-kostúms omrinne.
Dûnsopfierings op it mêd fan science fiction.
Muzykopfierings op it mêd fan science fiction.
Toaniel- en teäteropfierings op it mêd fan science fiction.
Tentoanstellings op it mêd fan science fiction.
Workshops op it mêd fan science fiction.
De saneamde huckster's room, dêr't boeken, stripboeken, dvd's, fideospultsjes, kostúms, juwiellen en oar spul op it mêd fan science fiction ferkocht wurdt.
De fan lounge, in plak dêr't men prate en oerlizze kin oer en bydrage kin oan fanzines.
De saneamde fan tables, dêr't organisaasjes en fertsjintwurdigers fan oare science fiction- en fantasykonvinsjes harsels presintearje.
In filmfestival dêr't ûnôfhinklike science fiction-films fertoand wurde.
Spultsjes, wêrûnder rollespullen, boerdspultsjes en kaartspullen.
Paneldiskusjes oer in breed skala oan ûnderwerpen op it mêd fan science fiction.
Iepenbier tagonklike feestjes dy't organisearre wurde troch science fiction-organisaasjes, -klubs, -útjouwerijen, -tydskriften en oaren.
In bar dêr't men in drankje nimme kin of gewoan gesellich mei-inoar prate kin.
Taspraken en oare presintaasjes troch ferskate grutte nammen út 'e science fiction.
Saken oangeande de World Science Fiction Society, wêrûnder de stimming oer it plak fan de Worldcon fan it folgjende jier en teffens oer it plak fan 'e North American Science Fiction Convention (NASFiC) as it plak fan 'e folgjende Worldcon bûten Noard-Amearika leit.

List fan World Science Fiction Conventions[bewurkje seksje | boarne bewurkje]

nû.	jier	namme	plak	lân	besikers
1	1939	Nycon I	New York (New York)	Feriene Steaten	200
2	1940	Chicon I	Chicago (Illinois)	Feriene Steaten	128
3	1941	Denvention I	Denver (Kolorado)	Feriene Steaten	90
4	1946	Pacificon I	Los Angeles (Kalifornje)	Feriene Steaten	130
5	1947	Philcon I	Philadelphia (Pennsylvania)	Feriene Steaten	200
6	1948	Torcon I	Toronto (Ontario)	Kanada	200
7	1949	Cinvention	Cincinnati (Ohio)	Feriene Steaten	190
8	1950	Norwescon]	Portland (Oregon)	Feriene Steaten	400
9	1951	Nolacon I	New Orleans (Louisiana)	Feriene Steaten	190
10	1952	Chicon II	Chicago (Illinois)	Feriene Steaten	870
11	1953	Philcon II	Philadelphia (Pennsylvania)	Feriene Steaten	750
12	1954	SFCon	San Francisco (Kalifornje)	Feriene Steaten	700
13	1955	Clevention	Cleveland (Ohio)	Feriene Steaten	380
14	1956	Nycon II	New York (New York)	Feriene Steaten	850
15	1957	Loncon I	Londen (Ingelân)	Grut-Brittanje	268
16	1958	Solacon	South Gate (Kalifornje)	Feriene Steaten	211
17	1959	Detention	Detroit (Michigan)	Feriene Steaten	371
18	1960	Pittcon	Pittsburgh (Pennsylvania)	Feriene Steaten	568
19	1961	Seacon	Seattle (Washington)	Feriene Steaten	300
20	1962	Chicon III	Chicago (Illinois)	Feriene Steaten	730
21	1963	Discon I	Washington, D.C.	Feriene Steaten	600
22	1964	Pacificon II	Oakland (Kalifornje)	Feriene Steaten	523
23	1965	Loncon II	Londen (Ingelân)	Grut-Brittanje	350
24	1966	Tricon	Cleveland (Ohio)	Feriene Steaten	850
25	1967	Nycon 3	New York (New York)	Feriene Steaten	1.500
26	1968	Baycon	Berkeley (Kalifornje)	Feriene Steaten	1.430
27	1969	St. Louiscon	St. Louis (Missoury)	Feriene Steaten	1.534
28	1970	Heicon '70	Heidelberch (Baden-Wuertemberch)	West-Dútslân	620
29	1971	Noreascon I	Boston (Massachusetts)	Feriene Steaten	1.600
30	1972	L.A.con I	Los Angeles (Kalifornje)	Feriene Steaten	2.007
31	1973	Torcon II	Toronto (Ontario)	Kanada	2.900
32	1974	Discon II	Washington, D.C.	Feriene Steaten	3.587
33	1975	Aussiecon I	Melbourne (Fiktoaria)	Austraalje	606
34	1976	MidAmeriCon	Kansas City (Missoury)	Feriene Steaten	3.014
35	1977	SunCon	Miami Beach (Floarida)	Feriene Steaten	4.200
36	1978	IguanaCon II	Phoenix (Arizona)	Feriene Steaten	4.700
37	1979	Seacon '79	Brighton (Ingelân)	Grut-Brittanje	3.114
38	1980	Noreascon II	Boston (Massachusetts)	Feriene Steaten	5.850
39	1981	Denvention II	Denver (Kolorado)	Feriene Steaten	3.792
40	1982	Chicon IV	Chicago (Illinois)	Feriene Steaten	4.275
41	1983	ConStellation	Baltimore (Marylân)	Feriene Steaten	6.400
42	1984	L.A.con II	Anaheim (Kalifornje)	Feriene Steaten	8.365
43	1985	Aussiecon II	Melbourne (Fiktoaria)	Austraalje	1.599
44	1986	ConFederation	Atlanta (Georgia)	Feriene Steaten	5.811
45	1987	Conspiracy '87	Brighton (Ingelân)	Grut-Brittanje	5.425
46	1988	Nolacon II	New Orleans (Louisiana)	Feriene Steaten	5.300
47	1989	Noreascon III	Boston (Massachusetts)	Feriene Steaten	7.795
48	1990	ConFiction	De Haach (Súd-Hollân)	Nederlân	3.580
49	1991	Chicon V	Chicago (Illinois)	Feriene Steaten	5.661
50	1992	MagiCon	Orlando (Floarida)	Feriene Steaten	6.368
51	1993	ConFrancisco	San Francisco (Kalifornje)	Feriene Steaten	6.602
52	1994	ConAdian	Winnipeg (Manitoba)	Kanada	7.725
53	1995	Intersection	Glasgow (Skotlân)	Grut-Brittanje	6.524
54	1996	L.A.con III	Anaheim (Kalifornje)	Feriene Steaten	6.703
55	1997	LoneStarCon II	San Antonio (Teksas)	Feriene Steaten	5.614
56	1998	BucConeer	Baltimore (Marylân)	Feriene Steaten	6.572
57	1999	Aussiecon III	Melbourne (Fiktoaria)	Austraalje	2.872
58	2000	Chicon 2000	Chicago (Illinois)	Feriene Steaten	6.574
59	2001	Millennium Philcon	Philadelphia (Pennsylvania)	Feriene Steaten	6.269
60	2002	ConJosé	San Jose (Kalifornje)	Feriene Steaten	5.916
61	2003	Torcon III	Toronto (Ontario)	Kanada	4.986
62	2004	Noreascon IV	Boston (Massachusetts)	Feriene Steaten	7.485
63	2005	Interaction	Glasgow (Skotlân)	Grut-Brittanje	5.202
64	2006	L.A.con IV	Anaheim (Kalifornje)	Feriene Steaten	6.291
65	2007	Nippon 2007	Yokohama	Japan	5.149
66	2008	Denvention III	Denver (Kolorado)	Feriene Steaten	3.752
67	2009	Anticipation	Montreal (Kebek)	Kanada	4.499
68	2010	Aussiecon IV	Melbourne (Fiktoaria)	Austraalje	3.462
69	2011	Renovation	Reno (Nevada)	Feriene Steaten	5.526
70	2012	Chicon VII	Chicago (Illinois)	Feriene Steaten	6.197
71	2013	LoneStarCon III	San Antonio (Teksas)	Feriene Steaten	6.060
72	2014	Loncon III	Londen (Ingelân)	Grut-Brittanje	10.833
73	2015	Sasquan	Spokane (Washington)	Feriene Steaten	10.350
74	2016	MidAmeriCon II	Kansas City (Missoury)	Feriene Steaten	...
75	2017	Worldcon 75	Helsinki	Finlân	...