Londen

Ut Wikipedy
Gean nei: navigaasje, sykje
Londen
London collage.jpg
Sifers
Ynwennertal 8.416.535 (2013)[1]
Oerflak 1.572,1 km²
Befolkingstichtens 5.354 km²
Stêdekloft 9.787.426 (stêdekloft, 2013)[2]
13.614.409 (Metropolitan Area, 2013)
Hichte 24 m. boppe seenivo
Polityk
Lân flagge fan it Feriene Keninkryk fan Grut-Brittanje en Noard-Ierlân Feriene Keninkryk
Lân (yn it FK) Ingelân
Regio Greater London
Oar
Tiidsône UTC +0
Koördinaten 51° 31' NB, 0° 7' WL
Webside london.gov.uk

Londen (Ingelsk: London) is de haadstêd fan Grut-Brittanje en fan Ingelân. London leit yn it súdeasten fan Ingelân oan de Teems, sa'n 80 km. fan de Noardsee ôf.

Geografy[bewurkje seksje | boarne bewurkje]

Topografy[bewurkje seksje | boarne bewurkje]

Satelytfoto fan Londen

De miljoenenstêd Londen, of it gruttere Londen, leit yn it súdeastlike part fan Ingelân. It gruttere Londen beslacht in gebiet fan 1,579 km², dêrtroch is it ien fan de grutste stêden op 'e wrâld. De Teems is in befarbere rivier dy't fan it súdwesten nei it easten troch de stêd rint. Eartiids wie dy rivier folle breder en ûndjipper as op it heden en waard begrinzge troch sompich lân; ter hichte fan de London Bridge wie sprake fan tij en by floed koe it wetter oant in kilometer breed wurde, goed fiif kear sa breed as no.[3] Mei de oanlis fan de grutste Thames Embankment sûnt 1862 waard de breedte fan de rivier bot beheind, waard sawat 9 hektare lân oanwûn en koe in rioel, in metro en wegen oanlein wurde. Noch hieltyd foarmet eb en floed fan de rivier in bedriging foar de stêd, al soe de Thames Barrier, in wetterkearing yn de Teems eastlik fan Londen, de kommende desennia genôch beskerming biede.

It heechste punt yn Londen is Westerham Heights mei in hichte fan 245 meter.[4] Westerham Heights leit yn de borough Bromley yn Outer London, de bûtenring fan it grutte Londen.

De City of London is de histoaryske stêdskern, dy't meastentiids allinnich de City neamd wurdt. De City is fral bekend troch it grutte tal finansjele ynstellings, dat er fêstige is. De omkrite is mar 2,6 km² grut en wurdt ek wol de "square mile" neamd. De City hat ûngefear 7000 ynwnenners.[5]

Bestjoerlike yndieling[bewurkje seksje | boarne bewurkje]

Londen bestiet út trettjin boroughs (dielgemeenten) fan Inner London: de City of London en tolve fuort omlizzende boroughs, omringd troch Outer London y grutter Londen (de folsleine stêd). De boroughs sels binne wer opdield yn ferskillende wiken. De stêd hat yn totaal 32 bestjoerlike ienheden.

De City of London is gjin borough, mar in seremonieel greefskip. De City of London hat dernjonken de status fan stêd, lykas de City of Westminster.

  1. City of London
  2. City of Westminster
  3. Kensington en Chelsea
  4. Hammersmith en Fulham
  5. Wandsworth
  6. Lambeth
  7. Southwark
  8. Tower Hamlets
  9. Hackney
  10. Islington
  11. Camden
  12. Brent
  13. Ealing
  14. Hounslow
  15. Richmond
  16. Kingston
  17. Merton
1 City of London 2 City of Westminster 3 Kensington and Chelsea 4 Hammersmith and Fulham 5 Wandsworth 6 Lambeth 7 Southwark 8 Tower Hamlets 9 Hackney 10 Islington 11 Camden 12 Brent 13 Ealing 14 Hounslow 15 Richmond 16 Kingston upon Thames 17 Merton 18 Sutton 19 Croydon 20 Bromley 21 Lewisham 22 Greenwich 23 Bexley 24 Havering 25 Barking and Dagenham 26 Redbridge 27 Newham 28 Waltham Forest 29 Haringey 30 Enfield 31 Barnet 32 Harrow 33 HillingdonLondon-boroughs.svg
About this image
  1. Sutton
  2. Croydon
  3. Bromley
  4. Lewisham
  5. Greenwich
  6. Bexley
  7. Havering
  8. Barking en Dagenham
  9. Redbridge
  10. Newham
  11. Waltham Forest
  12. Haringey
  13. Enfield
  14. Barnet
  15. Harrow
  16. Hillingdon


Klimaat[bewurkje seksje | boarne bewurkje]

De stêd leit yn in gebiet mei in seeklimaat; gjin ekstreem waarme simmers en gjin ekstreem kâlde winters. De trochsneed temperatoer yn it jier is 14,4 °C.

Moanne Jan Feb Maa Apr Maa Jun Jul Aug Sep Okt Nov Des
Trochsneed temperatoer heech °C (°F) 7.2 (45.0) 7.6 (45.7) 10.3 (50.5) 13.0 (55.4) 17.0 (62.6) 20.3 (68.5) 22.3 (72.1) 21.9 (71.4) 19.1 (66.4) 15.2 (59.4) 10.4 (50.7) 8.2 (46.8)
Trochsneed temperatoer leech °C (°F) 2.4 (36.3) 2.5 (36.5) 3.8 (38.8) 5.6 (42.1) 8.7 (47.7) 11.6 (52.9) 13.7 (56.7) 13.4 (56.1) 11.4 (52.5) 8.9 (48.0) 5.1 (41.2) 3.4 (38.1)
Totale reinfal yn mm 53 36 48 47 51 50 48 54 53 57 57 57
Tal dagen rein 14.8 10.8 13.4 12.7 12.5 10.5 10.1 10.9 10.5 11.6 14.0 13.2
Boarne: Worldweather.org

Skiednis[bewurkje seksje | boarne bewurkje]

Westminster Abbey yn 1749.

Londinium waard yn it jier 43 nei Kristus stifte troch de Romeinen, op in plak oan de noardkant fan de Teems. Yn dy tiid wienen de Britske eilannen bewenne fan Kelten. Yn 61 n.Kr. fernielden de Britten (Kelten) Londinium. De stêd waard wer nij opboud. Yn de 2e iuw waard de earste brêge oer de Teems makke. Londinium wie ien fan de grutste plakken yn it Romeinske ryk, mar doe't it Romeinske Ryk yn it neigean rekke hie dat ek kwealike gefolgen foar de stêd.

De Grutte Brân fan 1666 ferneatige in grut part fan de stêd.

Mei de bou fan in katedraal troch Eatelbert fan Kent groeide de stêd wer. Yn de 12e iuw waard Londen de haadstêd fan Ingelân. Yn 1348 stoar in treddepart fan de befolking troch de Swarte Dea, yn 1665 stoaren 70.000 minsken oan de pest. Troch de grutte brân fan Londen yn 1666 baarnde mear as de helte fan de stêd ôf, dêrtroch is hjoed de dei mar in lyts stik fan de âlde stêd bewarre bleaun. Tusken 1825 en 1925 wie Londen de grutste stêd op de wrâld. Troch de tichtbefolke en net botte hygiënyske stêd rekken yn dy tiid ek in protte minsken besmet mei goalera,[6] dêrtroch stoaren der 14.000 minsken yn 1848 en sa'n 6.000 minsken yn 1866.[7]

Skea troch Dútske bombardeminten.

Yn de Twadde Wrâldkriich waarden grutte stikken fan Londen ferneatige troch Dútske bombardeminten. Yn 1944-45 foelen ferskate Dútske V1 en V2 raketten op de stêd. Sa'n 30.000 minsken rekken dêrby dea.

Yn 1948 wie Londen noch drok mei it werstellen fan de oarlochskea, dochs waard yn dat jier de Olympyske Simmerspullen holden. De befolking fan Greater London kromp yn en nei de Twadde Wrâldkriich fan 8,6 miljoen yn 1939 nei 6,8 miljoen yn de 80er jierren fan de 20e iuw. Greater Londen as bestjoerlike ienheid waard formeel yn 1965 oprjochte. Tusken 1974 en 1984 waard de Thames Barrier boud, in wetterkearing dy't de stêd tsjin de Noardsee beskermje moast. Om it begjin fan de 21e iuw te fieren waarden de Millennium Dome, London Eye en Millennium Bridge boud. Op 6 july 2005 krige Londen de tawizing de Olympyske Simmerspullen 2012 organisearje te meien. Dêrmei wie Londen de earste stêd dy't trije kear organisator wêze mocht fan de Olympyske Spullen.

Ferkear[bewurkje seksje | boarne bewurkje]

Foto fan terminal 5 fan de Lofthaven Heathrow.

De Teems hat altyd belangryk foar de ûntjouwing fan Londen west. Omdat de Teems fan de see oan de stêd ta goed befarber wie, koenen grutte havengebieten ûntstean. Lytse rivierkes, al of net ferbûn mei de Teems, binne kanilisearre of mei kanalen ferbûn mei de Teems. Der binne ferskate maatregels naam om de ferkearsbelesting yn it sintrum minder te meitsjen. Yn de 19e iuw waard de earste metro oanlein omdat de strjitten fan Londen fol en lyts wienen. Hjoed de dei is de metro noch hieltyd in goed ferkearsmiddel om fan it iene nei it oare plak te kommen.

It grutste fleanfjild fan Londen is Londen Heathrow, en leit 24 km westlik fan Londen. Oare fleanfjilden binne London City (sa likernôch 15 km fan Londen City), London Gatwick (45 km súdlik fan Londen), London Luton (50 km noardwestlik fan Londen) en London Stansted (55 km noardeastlik fan Londen).

Befolking[bewurkje seksje | boarne bewurkje]

Al yn 140 hie Londen 30.000 ynwenners, yn 1300 wiene dat 100.000 en yn 1801 wie Londen nei Rome de twadde stêd yn de skiednis fan it minsdom mei mear as 1 miljoen ynwenners.

It sintrum fan Londen

By de folkstelling fan 2007 hie Londen 7.554.236 ynwenners. De stêdekloft (ek wol; Grutter-Londen) hie 12.629.020 ynwenners.

  • 50: 7.500
  • 140: 30.000
  • 500: 500
  • 1000: 10.000
  • 1300: 100.000
  • 1600: 200.000
  • 1750: 675.000
  • 1801: 1.096.784
  • 1851: 2.651.939
  • 1901: 6.506.889
  • 1939: 8.615.050
  • 1951: 8.196.807
  • 1981: 6.608.598
  • 2001: 7.172.091
  • 2007: 7.554.236
  • 2011: 8.173.900
  • 2013: 8.416.535

Ferdivedaasje[bewurkje seksje | boarne bewurkje]

Bouwurken[bewurkje seksje | boarne bewurkje]

Londen hat in protte nijsgjirrige gebouwen. It meast ferneamd is faaks de klokketoer fan de Big Ben, part fan it Palace of Westminster, ek wol bekend as Houses of Parliament.

It âldste gebou is de Tower of London, dat lykwols gjin toer is mar in grut kastiel dêr't de âldste parten fan út de 11e iuw datearje, dat net lang nei de Normandyske ynvaasje troch Willem de Oermasterder. Troch de tiid hinne hat it gebou ûnder mear tsjinne as keninklik paleis, mar ek as finzenis dêr't tsjinstanners fan de kening fêsthâlden waarden. Tsjintwurdich is it in museum, dêr't ûnder mear de Britske kroanjuwielen te sjen binne. Tower Bridge leit njonken de Tower of London. Alle dagen passearje mear as 40.000 fuotgongers en reau de brêge.[8] Tower Bridge is ien fan Londens grutste toeriste-attraksjes.

It paleis Buckingham Palace is de Londenske residinsje fan keningin Elizabeth II en har man prins Philip. Yn de stêd en de omkriten lizze noch in grut tal oare (eardere) keninklike residinsjes, lykas Frogmore, Hampton Court Palace, Kensington Palace en Windsor Castle.

It reuzerêd London Eye en The O2 (earder Millennium Dome) hearre ta de nijste attraksjes fan de stêd. De London Eye jout op maksimaal 135 meter hichte in wiid oersjoch fan de stêd, de twadde is in grut evenemintekompleks, dêr't ûnder mear popkonserten jûn wurde.

Sport[bewurkje seksje | boarne bewurkje]

Olympyske ringen oan de Tower Bridge.

Londen hat 13 betelle fuotbalklups. Yn de beide heechste klassen fan it Ingelske fuotbal spylje Arsenal, Chelsea, Fulham, Tottenham Hotspur, Queens Park Rangers, Crystal Palace, Millwall en West Ham United.

Yn it stedsdiel Wembley stiet it romrofte Wembley stadion. De finales fan it WK fuotbal 1966 en it EK fuotbal fan 1996 waarden dêr spile. Yn it jier 2007 waard de nijbou fan Wembley oplevere. Yn it stadion wurdt alle jierren de finale fan de FA Cup holden, it bekertournoai fan it Ingelske fuotbal. Sûnt 1929 hâldt de Rugby League syn Challenge Cup finale yn it stadion. Wembley is ek it plak foar sporteveneminten dy't net struktureel holden wurde lykas moterwedstriden en wrakselwedstriden.

Yn Wimbledon wurdt alle jierren it Grand Slam toernoai holden. Yn it Twickenham Stadium wurde nasjonale en ynternasjonale Rugby wedstriden holden. De maraton fan Londen wurdt alle jierren yn april holden. Cricket is in populêre sport yn Londen. It tiim fan de Middlesex County Cricket Club spilet yn Lord’s, it ferneamdste cricketstadion op ierde.

Yn 1908, 1948 en 2012 waarden de Olympyske Simmerspullen yn Londen holden. Londen is de iennichste stêd dêr't de Olympyske Spullen trije kear holden binne.

Keppeling om utens[bewurkje seksje | boarne bewurkje]

>
Commons Commons: Londen – foto, fideo en harktriemmen

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Table 8 Mid-2007 Population Estimates: Selected age groups for local authorities in the United Kingdom; estimated resident population.
  2. Usual resident population: Census 2001, Key Statistics for urban areas
  3. Berjocht:Citeer boek
  4. (in) The Mountains of England and Wales
  5. (in) Census 2001 - City of London, Office for National Statistics
  6. Hidden extras: cholera comes to Victorian London
  7. London in the Nineteenth Century
  8. Bezienswaardigheden Londen