Buckingham Palace

Ut Wikipedy
Gean nei: navigaasje, sykje
Buckingham palace
Oflossing fan de wacht
Oflossing fan de wacht

Buckingham Palace is de offisjele residinsje fan de Britske monarch yn Londen.

Skiednis[bewurkje seksje | edit source]

Fanâlds hjitte it gebou 'Buckingham House' omdat it yn 1703 boud waard foar John Sheffield, greve fan Buckingham. Kening George III kocht it pân yn 1762 fan syn neisiet Sir Charles Sheffield. Sûnt 1837 wurdt it brûkt as residinsje. Keninginne Victoria wie de earste monarch dy't it paleis permanint bewenne. It hjoeddeiske oansicht is fan 1912, doe't kening Edward VII de foargevel modernisearje liet. As de keninginne thús is, wapperet de Keninklike standert op it middelste paviljoen; is hje der net, dan wurdt de Union Jack hyst. Der wurkje alle dagen mear as 800 minsken oan de Keninklike Hofhâlding.

Arsjitektuer[bewurkje seksje | edit source]

De wite symmetryske gevel fan it Paleis lient him tige as it dekor foar seremoanjes. Jierliks groetsje de Windsors de befolking fanôf it balkon (al sûnt 1851). It paleis hat 775 keamers, wêrfan 78 badkeamers. De paleisgevel is 108 meter breed en it gebouw is 120 meter djip, mei in hichte fan 24 meter. De oerflakte is 77.000 m², it hat 1514 doarren en mear as 760 finsters dy't om de seis wike skjinmakke wurde. Elektrisiteit is der sûnt 1883. Der is in kapel, in dokterskabinet, in swimbad en in kafetaria foar it personiel. De grutste seal is de balseal (36,6m x 18m x 13,5m); hjir wurde de steatsdiners hâlden. Steatshaden sliepe yn de Belgyske suite; dy waard boud troch keninginne Victoria foar har omke, Leopold I fan Belgje.

Buckingham Palace is, sûnt George III it kocht, meardere kearen ferboud en fergrutte. Sûnt 1993 binne dielen fan it paleis tagonklikfoar it publyk.[1]Ien fan de moaiste sealen is de troanseal, dêr't de troan fan de keninginne stiet. Ek de troanen fan har âlden en pakes en beppes steane hjir. Yn Buckingham Palace is in diel fan de Keninklike Kolleksje ûnderbrocht, mei skilderijen fan ûnder oaren Rembrandt, Rubens, Van Dyck, Vermeer, Poussin, Canaletto en Claude Lorrain. Der steane ek skulptueren fan Canova en Chantrey, in kolleksje Sèvres-porslein en fraai Britsk en Frânsk meubilêr.

Oflossing fan de Wacht[bewurkje seksje | edit source]

Eigen de Britske Paleizen is dat de Keninklike Wacht alle dagen ôflost wurdt; dy earewacht symbolisearret de funskje fan Haad fan Definsje fan de foarstinne. De wachten meie har net bewege, útsein by de seremoanjele ôflossing. Ien kear deis (yn de winter om de oare dei) wurdt op it foarplein fan Buckingham Palace seremoanjeel de wikseling fan de wacht útfierd. It ieuwenâlde searemoanjeel is in foarbyld fan de tradysjes dy't noch altiten libje oan it Britske hof.

Ferskaat[bewurkje seksje | edit source]

  • Buckingham Palace hat syn eigen postkoade: SW1A 1AA.
  • Der is ien fan de grutste klokkesamlingen: 356 stuks.
  • Der waarden meardere prinsen berne, wêrûnder kroanprins Charles.
  • Yn it lietsje Freestyler fan Bomfunk MC's komt der in referinsje nei it kastiel, it is ien fan de redenen wêrom't dit lietsje sa populêr waard.

Boarnen, noaten en referinsjes[bewurkje seksje | edit source]

Boarnen, noaten en/as referinsjes:
  1. http://news.bbc.co.uk/onthisday/hi/dates/stories/april/29/newsid_4297000/4297161.stm 1993: Queen to open Palace doors, BBCnews-website