London Eye

Ut Wikipedy
Gean nei: navigaasje, sykje
London Eye by twiljocht
London Eye, oktober 2004
Kapsule fan de London Eye

It London Eye is in reuzerêd yn Londen, Ingelân op de súdlike ouwer fan de Teems. It is 135 meter heech, waacht 1.700 ton en hat 32 tichte kapsules.

It London Eye waard boud yn 1999 en wie by de iepening it grutste reuzerêd fan de wrâld. Wylst hawwe in tal oare reuzerêden it London Eye al oertroffen yn hichte. Op dit momint is de Singapore Flyer mei in hichte fan 165 meter de rekordhâlder.

It rêd stiet op de súdlike ouwer fan de Teems, foar it Palace of Westminster oer. It London Eye is boud by gelegenheid fan de millenniumwikseling yn 2000 en wurdt dêrom ek wol it Millennium Wheel neamd. It rêd wie, troch technyske problemen, pas letter yn dat jier tagonklik. In ritsje yn it reuzerêd duorret rom 27 minuten (trochsneed gong: 0.26 m/s) en biedt in rom útsjoch op Londen en it lânskip dêr omhinne. It rêd draait sa stadich dat it foar yn- en -útstappen fan de passazjiers net stilsetten hoecht te wurden. Boppe-yn binne by helder waar 7 greefskippen, 3 lofthavens, 13 fuotbalstadions en 36 brêgen oer de Teems te sjen.

It London Eye is it op trije nei heechste bouwurk fan Londen wêrfan de top berikber is en draait it jier sawat 6000 kear yn de rûnte.

Bou[bewurkje seksje | edit source]

De attraksje mei dan wol yn Londen stean, de fabrikaazje is yn in soad dielen fan Europa dien. De kabines waarden yn Frankryk makke troch in spesjalist yn skiliften. It glêswurk foar de kabines komt lykwols út Itaalje. Tsjechje naam de fabrikaazje fan de 23 meter lange (335 ton swiere) middenas en naaf foar syn rekken. Yn Nederlân waarden de stielen felch en de poaten (310 ton swier) makke, ek de oandriuwing en bestjoering is yn Nederlân ûntwikkele en boud (troch de firma Bosch Rexroth). Dútslân krige de opdracht foar it meitsjen fan de lagers.

Skiednis[bewurkje seksje | edit source]

De arsjitekten binne David Marks, Julia Barfield, Malcolm Cook, Mark Sparrowhawk, Steven Chilton, en Nic Bailey. It London Eye is iepene troch de Ingelske minister-presidint Tony Blair op 31 desimber 1999, mar foar it publyk gie it, troch technyske problemen, pas yn maart 2000 iepen. Sûnt de iepening wurdt it reuzerêd yn it wurk hâlden troch de Tussauds Group en sponsore troch British Airways. Yn 2000 is it Londen Eye bekroand mei de Nasjonale Stielpriis, Kategory D Ynfrastruktuer en oare stielkonstruksjes.

Keppeling om utens[bewurkje seksje | edit source]