Mearum

Ut Wikipedy
(Trochwiisd fan Marum)
Jump to navigation Jump to search
It gemeentehûs fan Mearum
Opreed fan bedriuweterrein Marumerlage
De herfoarme tsjerke

Mearum[1][2] (Nederlânsk en offisjeel: Marum; Grinslânsk: Moarum) is in doarp yn de gemeente Westerkertier. Foar 2019 wie Mearum it haadplak fan de gemeente Mearum. It plak Mearum hat likernôch 5.500 ynwenners (2006) en leit sawat 10 kilometer fan Drachten yn it Westerkertier fan Grinslân.

Skiednis[bewurkje seksje | boarne bewurkje]

De namme Mearum komt fan Mar (wetter) en Hiem (stee), dus plak oan it wetter.

Mearum hat in stik of wat buorskippen: Linde, De Haar, en Malijk, de streek tusken Krúswei en Nuis. By de pleatsen yn it buorskip Malijk lâns rûn in âlde dyk oan de Krúswei ta. Dy sleat oan op de dyk troch it âlde sintrum (Mearum-West) en rûn oer De Haar nei Fryslân ta. Krekt as yn de measte oare plakken fan de gemeente Mearum is der in soad lintbebouwing.

Fan 1913 oant 1985 rûn de tramwei fan Grins nei Drachten troch Mearum. Oan 1948 foar ferfier fan minsken en fracht, nei 1948 allinnich foar fracht.

Fan 1939 oant 1963 hie Mearum in legere lânbouskoalle.

Sjoch ek Trimunt

Nijsgjirrich[bewurkje seksje | boarne bewurkje]

De NH-tsjerke yn Mearum-West is ien fan de âldste bakstiennen bouwurken yn Grinslân en is boud yn 'e 12e iuw. Yn de 13e iuw waard de toer fernijd en yn de 18e iuw ferlege.

Taal[bewurkje seksje | boarne bewurkje]

De measte Mearumers prate Standertnederlânsk. In lytse groep, fral de âlderen, prate Westerkertiersk.

Teffens wurdt der noch wol Frysk praat yn dit part fan Grinslân. Dat komt omdat der in protte minsken fan Frysk komôf wenje. Yn de tiid fan de ferfeanting, oant de iere 20e iuw ta, hawwe in protte Fryske arbeiders harren yn it Westerkertier nei wenjen setten. Yn it oare part fan Grinslân is it Frysk al iuwen lyn ferkrongen troch it Nedersaksysk.

Berne yn Mearum[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Kaart van Friesland / Kaart fan Fryslân, 1986, in útjefte fan it Provinsjaal Bestjoer fan Fryslân, de Fryske Akademy, de Ljouwerter Krante, VVV Fryslân-Ljouwert, Falkplan-Suurland B.V. Eindhoven
  2. Jelle Hendriks Brouwer, artikel yn It Heitelân, 1937, oanhelle yn H.T.J. Miedema, Naamkunde, 1981