Aldeouwer

Ut Wikipedy
(Trochwiisd fan Alde Ouwer)
Jump to navigation Jump to search
Aldeouwer
Himrik fan Aldeouwer
Gemeente De Fryske Marren
Gritenij Doanjewerstâl
Stimmen 26
Ynwenners (2004) 80
Huzen {{{huzen}}}
Koördinaten 52° 55' NB, 5° 47' EL
Netnûmer 0513
Postkoade 8515
Webstee {{{webstee}}}


Komboerd
Klokkestoel

Aldeouwer is in doarp yn de gemeente De Fryske Marren. It doarp hat likernôch 80 ynwenners (2004). Aldeouwer leit yn de Trijegeaster Feanpolder oan de noardkant fan de Tsjûkemar en eastlik fan de Skarster Rien. Aldeouwer foarmet mei Ousterhaule enOusternijegea, de Ouster Trijegea, sis mar in trijeling-doarp. Ousterhaule is het grutste fan it trijetal, mei 300 ynwenners. Ousternijegea hat minder as 100 ynwenners. Oan de Tsjûkemar is in surfstrân.

It doarp hat gjin kearn mei in tsjerke. De pleatsen lizze ferspraat en it doarp hat allinnich in tsjerkhôf mei ien fan de Klokkestuollen yn Fryslân. Op de klok fan 1952 stiet te lêzen:

Nij myn lûd, âld myn bea,
Frede oer it Ouster gea

Skiednis[bewurkje seksje | boarne bewurkje]

Aldeouwer is it âldste doarp fan de Ouster Trijegea. De namme jout oan dat Ousternijegea en de Haule ("de hichte") letter bewenne rekke binne. It wurd “Alde” en “Ouwer” ferwiist nei “âlde igge”. It streekdoarp is fan midsiuwske oarsprong. Op de gritenijkaart yn de atlas fan Schotanus (1718) leit Aldeouwer tusken de greide- en healannen benoardwesten de Atsepoel. It doarp oan de kant fan de Tsjûkemar hat yn de rin fan tiid in protte lân ferlern oan it wetter.

De Trijegaaster polder (1000 pûnsmiet) is yn 1740 troch jonkhear Johan Vegelin fan Claerbergen oanlein. Der wienen doe 16 pleatsen. Der is nei dy tiid ek in soad grûn ferfeante. Yn de santiger jierren wie Trijegea yn ’t nijs troch in marreplan dat úteinlik net troch gie.

Oant de gemeentlike weryndieling fan 1984 lei it doarp yn it súdeasten fan de gemeente Doanjewerstâl.

Untwikkeling ynwennertal[bewurkje seksje | boarne bewurkje]

  • 2004 - 80
  • 1973 - 107
  • 1969 - 224
  • 1964 - 332
  • 1959 - 347
  • 1954 - 377

Strjitten[bewurkje seksje | boarne bewurkje]

  • J Veldstrawei - Jetze Veldstra (1886-1945) wie in boer yn Ousterhaule. Hy wie in yllegale wurker yn de Twadde Wrâldoarloch dy't yn 1945 stoar yn it strafkamp Neuengamme. Yn Ousterhaule stiet in stânbyld foar him. De wei rint lâns de klokkestoel.
  • Lytse Polder - yn de polder bûten Ousterhaule.
  • Marwei - polderdyk nei de Tsjûkemar, nei de ferfeaning oanlein.
  • Skreedyk - fan it Aldfryske wurd skreda =trochsnijing. De dyk trochsnijt in polder.
  • Slûswei - dyk nei de Skarster Rien dêr't eartiids in slûske fan it wetterskip stie.

Sjoch ek[bewurkje seksje | boarne bewurkje]