Goutum

Ut Wikipedy
Jump to navigation Jump to search
Goutum
Flagge fan Goutum Wapen fan Goutum
Flagge Wapen
[[Ofbyld:|300px|Lokaasje fan Goutum]]
Gemeente Ljouwert
Ynwennertal (2005) 2623
Webstee Webstee doarpsferiening
Goutum: Agnestsjerke
Mûne Heechlân yn 2009

Goutum is in terpdoarp yn it suden fan de gemeente Ljouwert mei 2.623 ynwenners (1 jannewaris 2005).

It doarp leit flak ûnder de stêd Ljouwert. Troch resinte nijbou (Goutum-Noard) grinzet it doarp al direkt oan Ljouwert sels. Allinnich it Van Harinxmakanaal leit der noch tusken. Ten suden fan Goutum wurdt Ljouwert útwreide, hjirtroch komt Goutum 'yn' de stêd Ljouwert te lizzen. Goutum leit krekt súdlik fan it Van Harinxmakanaal, mei oan de westerein de N31/N32, dêr't hotel/restaurant Campanile en in MC Donalds oan lizze. Súdlik fan it doarp leit it earste krematoarium yn Fryslân, wat Goutum de bynamme 'Stoke-city' oplevere.

It doarp is middels de Wurdumer Feart nei it suden mei Wurdum ferbûn. De feart foarmet nei it noarden lykwols gjin ferbining mei it Van Harinxmakanaal. Nei it easten is de Tearnserdyk in ferbining mei de N358, en fierder nei Tearns; nei it suden is de Wergeasterdyk in ferbining mei de N31 en fierder nei Wergea. Sawat twa kilometer west fan it doarp stean oan de Swette de Mûne Heechlân en de Kramersmole, twa spinnekopmoles.

Goutum wie oarspronklik in folslein terpdoarp, mei oan de westkant fan de terp oant 1882 de Wiarda State. In de rin fan de tiid is it doarp útwreidde nei it westen nei de Wei nei Oerisel ta, no de N31/32. Nei it easten is it útwreide oant ticht by de westlike útbuorren fan Tearns oan ta. Súdwestlik fan it doarp lei ek noch de terp Techum, oant dy yn de 19e iuw ôfgroeven waard. Oant 1944 wie it doarp part fan Ljouwerteradiel; dat jier is it mei gâns it Sudertrimdiel by de gemeente Ljouwert kaam. De famylje Burmania hat in grêfkelder yn Goutum.

Tsjerke[bewurkje seksje | boarne bewurkje]

Yn de 12e iuw ferriisde op de terp in tsjerkje, wijd oan de hillige Agnes. Nei in tal ferbouwingen en ûnder oare útwreiing mei in sealdaktoer is de hjoeddeiske Agnestsjerke, mids linebeammen en in smeiïzeren stek, in sieraad binnen de âlde Buorren. Under de toer is in grêfkelder. De tsjerke hat in Van Damoargel út 1864.

Mienskip[bewurkje seksje | boarne bewurkje]

Goutum hjit in doarp te wêzen mar yn de praktyk is it al in wyk fan Ljouwert, ûndanks it doarpshûs Ien en Mien, in jierliks doarpsfeest en in warbere doarpsferiening. Oare foarsjennings yn it doarp binne de Wiardaskoalle, in boarterstún, in park, in iisbaan, doarpshûs Ien en Mien en in gymmestyklokaal. Foar oare foarsjennings en foar harren wurk, binne de measte ynwenners rjochte op de stêd Ljouwert.

Berne yn Goutum[bewurkje seksje | boarne bewurkje]

Ferienings[bewurkje seksje | boarne bewurkje]

  • De Kûle - jongereinsoas
  • Wêz Warber - kuorbal
  • keatsclub Goutum
  • Iisclub Goutum
  • Tennisclub Goutum
  • gymnastykferiening
  • jeugdfûgelwacht
  • Samar Klear - biljerten
  • Krap by Kas - toaniel
  • Goutumer shantykoar
  • Eigen Wijs - frouljuskoar

Untwikkeling ynwennertal[bewurkje seksje | boarne bewurkje]

Strjitten[bewurkje seksje | boarne bewurkje]

Alle strjitten yn Goutum.

Keppeling om utens[bewurkje seksje | boarne bewurkje]