Autodyk

Autodyk SP 160 yn Brazylje

In autodyk of in autogongwei is in dyk foar lange ôfstannen, dy't meast foar fluchferkear ornearre is. Der binne twa rydrjochtingen yn tsjinoerstelde rjochtingen en der binne gjin krusings. In autodyk hat om syn minst twa banen yn beide rjochtings, dy't fan inoar skaat wurde troch linen. Men kin oer de ôf- of oprydstripe fan of op de autodyk komme. Om gau op in oare autodyk te kommen binne der ferkearsknooppunten. In autodyk kin oer brêgen en troch tunnels boud wurde. Op de autodyk mei net stilstien of parkearre wurde, dêrfoar binne de tankstasjons en parkearplakken njonken de autodyk.

Gronology fan it wichtichste barren

• 1921 - De earste autodyk waard yn Berlyn boud, dy't mar njoggen kilometer lang wie. De autodyk waard AVUS (Automobil-Verkehrs- und Übungs-Straße) neamd en wie benammen in race- en testdyk. No is it in part fan de E51 fan Berlyn nei Potsdam.
• 1923 - Waard der yn Itaalje in twadde (ek langere) autodyk fan Milaan nei Como boud.
• 1932 - Yn Dútslân waard der in tredde autodyk boud fan Keulen nei Bonn; wat no de A555 is.
• 1935 - De earste wiere autodyk tusken Frankfurt en Darmstadt is ree.

Skaaimerk

Net alle lannen brûke in autodyksymboal. Der binne hjoed de dei ek ferskillen tusken autodyk, dyk en strjitten dy't bytiden wol wat fan in autodyk hawwe. Omdat de diken yn gâns lannen oars kategorisearre wurde is der net ien boerd dat op de hiele wrâld brûkt wurde kin.

Kleur

Yn de measte lannen hawwe de autodykbuorden in blauwe of griene eftergrûn.

Buorden mei in blauwe eftergrûn

Albaanje Belgje* Dútslân Eastenryk Feriene Arabyske Emiraten Frankryk Grut-Brittanje en Noard-Ierlân Hongarije Ierlân Israel

Lúksemboarch Nederlân Noarwegen Pakistan Poalen* Portugal Sily Spanje Súd-Afrika Tailân Wyt-Ruslân

*) Buorden, dy't inkeld nei de autodyk ferwize, binne dochs grien.

Buorden mei in griene eftergrûn

Azerbeidzjan Bosnje Bulgarije Denemark Feriene Steaten fan Amearika Feriene Arabyske Emiraten Finlân Grikelân Itaalje Kanada Kroaasje Litouwen Maleizje Masedoanje

Meksiko Roemeenje Ruslân Sweden Switserlân Servje Sina Slowakije Sloveenje Taiwan Tailân (Expressways) Tsjechje Turkije

Maksimum faasje

Lân	Maksimum faasje (km/h) (2003)
Belgje	120
Denemark	130
Dútslân	gjin maksimum - oanrikammondearre faasje = 130
Eastenryk	130
Finlân	120
FSA	105/112/121/129 leit oan hokker steat it is
Frankryk	130
Grut-Brittanje	112
Hongarije	130
Ierlân	120
Japan	100
Nederlân	130
Portugal	120
Sloveenje	130
Sweden	110 120 op de E6
Switserlân	120
Tsjechje	130

Boarnen, noaten en referinsjes

Boarnen, noaten en/as referinsjes: