Hebrieusk
Ut Wikipedy
|
||||||||||||||||||||||||||||
Hebrieusk, tsjintwurdich ek wol Ivryt neamd, is de wichtichste taal fan it lân Israel. De taal is in Semityske taal, dêr't ek talen as Arabysk, Arameesk en Akkadysk by hearre. It Hebrieusk wurdt fan rjochts nei links skreaun mei it Hebrieuske alfabet.
Ynhâld |
[bewurkje seksje] Taalfazes
Yn de taal wurde twa wichtige fazes ûnderskiede, nammentlik it Klassike Hebrieusk of Bibelsk Hebrieusk en it Modern Hebrieusk.
[bewurkje seksje] Klassike
It Klassike Hebrieusk is de taal dêr't de Tenach yn skreaun is. It Alde Testamint dat basearre is op de Joodske Tenach, is it part fan de Bibel dat foar it begjin fan ús jiertelling datearret en is sawat alhiel opsteld yn it Hebrieusk.
[bewurkje seksje] Taal fan de godstsjinst
As sprutsen taal hat it Hebrieusk ieuwen lang in 'deade taal' west, dat troch minsken net langer brûkt waard foar de kommunikaasje fan aldendei. Yn de joadske godstsjinst bleau de taal lykwols wol altyd yn gebrûk en ûnderwiisd.
[bewurkje seksje] Modern Hebrieusk as sprutsen taal
De Hebrieuske taal waard op 'e nij in libbende taal by it ûntstean fan de steat Israel, doe't de troch Joden sprutsen talen lykas it Jiddysk en it Sefardysk ferfongen waarden. Dejinge dy't sjoen wurdt as de grutste pionier fan it moderne Hebrieusk is Eliezer Ben Yehuda.
By it ta stân kommen fan Israel besocht de Joadske beweging it Hebrieusk op 'e nij libben yn te blazen. Dat hâlde net allinnich yn dat de minsken leare moasten de taal aktyf sprekken en brûken te gean, mar ek dat der nije wurden makke wurde moasten foar alderlei saken dy't der noch net wienen yn de tiid doe't de Tenach yn it Hebrieusk skreaun waard en yn de tiid fan de rabbinen. Op dizze wize ûntstie de moderne foarm fan it Hebrieusk, it Ivryt.
