Kornhorn

Ut Wikipedy
Jump to navigation Jump to search

Kornhorn is in doarp mei 550 ynwenners (2008) yn de gemeente Westerkertier yn Grinslân.

It doarp Kornhorn waard eartiids altyd ta Doezum rekkene. Yn 1596 waard it Curringehorne neamd. Earst yn 1930, 1 jannewaris, waard it doarp as selsstannich beskôge en hoechde it net langer as gat ûnder de jurisprudinsje fan Doezum te bestean.

Foarsjennings[bewurkje seksje | boarne bewurkje]

Kornhorn stiet benammen bekend om syn moaie gea. De saneamde 'Heakiep' lûkt yn de fakânsje in soad folk. Fan it natoergebiet der omhinne wurdt in soad gebrûk makke. De skoalle, 'Maranatha', brûkt it gebiet sels as leslokaal. Dêr wurde lessen biology ôfnomd. Hjirtroch wurdt de skoalle ta ien fan de 'grienste skoallen' fan Nederlân rekkene.

Yndustry en niverheid[bewurkje seksje | boarne bewurkje]

Kornhorn hat gjin yndustryterrein, mar der is wol in soad hannel. De bekendste ûndernimming is plomfeeslachterij Storteboom; it âlde famyljebedriuw slachtet hinnen. By smidterij De Wit wurdt sûnt 1898 ark makke, it tún- en wegenbou-ark wurdt tradisjoneel smeid. It ark wurdt wrâldwiid ferkocht.

Plattegrûn Kornhorn
Storteboom

Kultuer[bewurkje seksje | boarne bewurkje]

Yn Kornhorn wurdt mear as ien taal sprutsen: Westerkertiersk, Frysk, Nederlânsk (de lêste letters fan tiidwurden faak ynslokt) of gewoan it Standertnederlânsk. Yn de wykeinen is doarpshûs it 'Hornhuus' iepen.

Yn de jierlikse feestwike is der yn Kornhorn in Solexrace op sneon. Fierders is der yn dy wike it 'plysje wielergala', dêr't plysjekorpsen út ferskate lannen it op de reesfyts tsjin elkoar opnimme om de 'Kor Dijkstra-bokaal'. Ek de galajûn fan de oare deis lûkt altyd in soad folk. Der steane trije tsjerken yn it doarp.

Bekende (âld-)ynwenners Kornhorn[bewurkje seksje | boarne bewurkje]