Himpensermar

Ut Wikipedy
Jump to navigation Jump to search
Himpensermar
Himpensermar besuden Himpens.jpg
oerflak 90 ha
drûchlein 1785

De Himpensermar is in polder yn de buert fan it doarp Himpens. It is in grutte polder fan om-ende-by 90 ha. De N31, de autodyk Ljouwert - Drachten trochsnijt de noardein fan de polder. Yn 1784 liet Pieter Soveele mei in tal keaplju in dyk en in ringfeart oanlizze om de mar en der kaam in mânske mole. De mar is yn 1785 drûchmeald en waard fan 1863 oant 1955 bemeald troch de Himpenserpoldermûne. De houten achtkante mole, mei stiennen fjildmuorren en dekt mei reid, stiet ûngefear oardel kilometer benoarden Wergea. Sûnt 1955 bart de bemealing masinaal, letter elektrysk. De polder leit oardel meter djipper as de ringsleat. De nije polder waard yn de begjinjierren brûkt foar it kweken fan koalsied, letter waard it greidlân. Troch it hichteferskil komt der sâlt en mineraalryk grûnwetter omheech. Yn it gebiet groeie dêrtroch bysûndere, sâltminnende planten. De polder waard yn 1980 oankocht troch Steatsboskbehear en krige de funksje fan fûgelreservaat. De trije eardere pleatsen waarden troch Steatsboskbegear ôfbrutsen. Bûten it briedseizoen is de polder berikber oer de Himpenserreed en fan de noardkant ôf oer in paad dat fan Suderbuorren ôf oer it akwadukt rint.

Boarnen, noaten en referinsjes[boarne bewurkje]

Boarnen, noaten en/as referinsjes: