Himpenserpoldermûne

Ut Wikipedy
Jump to navigation Jump to search
De Himpenserpoldermûne yn 2009

De Himpenserpoldermûne is in poldermole sawat oardel kilometer benoarden it doarp Wergea yn de gemeente Boarnsterhim. It is in houten achtkante mûne, mei stiennen fjildmuorren, dekt mei reid.

De Himpenserpoldermûne is in mealreeë grûnsiler, dy't eartiids in selsswichting hie. Hy waard yn 1863 boud foar de bemealling fan de yn 1784 drûchleine Himpensermar. Yn 1955 ferlear hy dy funksje, wêrnei't it polderbestjoer de mûne "op ôfbraak" te keap oanbea. Omdat dat yn striid wie mei de mûneferoardering, krige it dêrfoar lykwols gjin tastimming fan de provinsje. Deputearre Steaten advisearren de gemeente de mûne oer te nimmen. Dat barde yn 1959, doe't de mûne foar twa gûne oan de gemeente ferkoft waard, op betingst dat de yn 1953 foar de oandriuwing fan de fizel yn de mûne setten dieselmotor net derwei helle wurde soe. Yn 1985 baarnde de njonken de mûne steande moolnerswente ôf. In jier letter waard de dieselmotor ferfongen troch in elektromotor, dêr't sûnttiid kombinearre mei meald wurde kin.

Keppeling om utens[bewurkje seksje | boarne bewurkje]