Noardfarder

Ut Wikipedy
Noardfarder
lokaasje
neiste plak West-Skylge
oare ynformaasje
oerflak 650 ha
stifting 1924
behear Steatsboskbehear

Noardfarder ek wol ‘’Noord(s)vaarder’’ is it westlike diel fan it waadeilân Skylge. De Noardfarder wie in grutte sânplaat dy’t fan Skylge skieden waard troch it Westerboomgat. De sânplaat skode hieltiten fierder op nei it easten en fersâne midden 19e iuw it Westerboomgat. It kaam dêrtroch fêst te sitten oan Skylge. Foar de westlike kust ûntstie itselde byld. It eilantsje Engelschhoek wurdt fan Noardfarder skieden troch it Boomkensdjip, ek dy slinke ferlanne en yn de rin fan de tiid wurdt Engelschhoek ûnderdiel fan Noardfarder/Skylge.

Nei de Twadde Wrâldoarloch is in stik fan it gebiet ynrjochte as militêr oefenterrein foar de loftmacht. It hie de operasjonele beneaming Jackpot Range. Oant 1993 is op de Noardfarder troch Definsje by oefeningen gebrûkmakke fan ferearme uranium yn munysje. Yn 1996 is it militêre oefenterrein sluten.

Natoerterrein[bewurkje seksje | boarne bewurkje]

It 650 ha grutte gebiet is in weardefol natoerterrein mei weardefolle pionierfegetaasjes, fochtige dellingen, stowende dunen en mânske sânplaten. De Noardfarder is in Steatsnatoermonumint sûnt 1924. Der komt ien fan de wichtichste populaasjes fan de kaaiblommesoarte Liparis loeselii yn Nederlân foar. Oare seldsume plantesoarten binne brede kaaiblom Epipactis palustris, Parnassia palustris, knopspyts Schoenus nigricans en fleiskleurige orchis Dactylorhiza incarnata.

Foarkommende briedfûgels binne klút, kreuteltsje, bûntbekwilster, wylp en hoannebiter.

Boarnen, noaten en referinsjes[boarne bewurkje]

Boarnen, noaten en/as referinsjes:
Natoergebieten fan Steatsboskbehear yn Fryslân

AlddyksgatDe Alde BoskBalksterboskBeekdelling AlddjipBlikfeartBoksleatBoskplaatBrandemarBremer WyldernisBurgumer MarBûten IeDe DeelenDellebuorrenDriezumer MarDrintsk-Fryske WâldDuerswâldmer HeideEastboskEgypteboskElfbergenGeastmer boskGouden BoaiemGrutte BrekkenHagedoarnfjildHamstermiedenHarichsterboskHaulsterboskenHeanmarHimpensermarHollumerboskHoutwielJolderenboskJouswierpolderDe KalkmanKanadamarKlaarkampster MarKoegelwieckKop fan de BloksleatpolderKoudumer HeechKroanpoldersKwekerijboskLange DunenLângoed It OranjewâldLângoed Stania StateLauwersmarDe LeienLindefalleiMarlannenLytse MarrenNannewiidNoardlike Fryske WâldenNesserboskNijemardumer HeideNoardfarderPolder ReahelReidpôllenRoasdunenRoazeboskRotstergaaster WâlenRottige MeenteSânhúster FjildSchwartzenbergerboskSleattemer MarSnitser MarSparjeburdStarnumanboskenDe SteatenSweagermiedenIt SwinTsjongerwâlenTsjûkemarTwizelermiedenDe VleyenWarkumer NijlânDe WarrenWeinterper SkarWikeler HopDe WyldemerkWynzerpolder Wite en Swarte Brekken