De Deelen

Ut Wikipedy
Jump to navigation Jump to search
Petgat yn De Deelen
De Deelen filme út in drone wei, 2016

De Deelen is in 500 ha. grut leechfeangebiet yn it Lege Midden fan Fryslân. It leit east fan de A32 en besuden Aldeboarn. It gebiet is yn behear by Steatsboskbehear. Yn it Tripgemaal fan Gersleat is in wikseljende eksposysje mei materialen en foto's fan it gebiet. Yn it gebiet binne ek twa kuierrûtes útsetten.

Lizzing en omjouwing[bewurkje seksje | boarne bewurkje]

De Dielen lizze yn de eardere delrin fan de Boarn of Keningsdjip. It lege midden fan Fryslân bestie oant healwei de 20e iuw foar in grut part út leechfeansompen, dy't harren nei it suden útstrekke oant de moerassen fan Noardwest-Oerisel. Dizze lêste hearre no gruttendiels by it Nasjonaal Park Weerribben-Wieden). In soad is fan de Dielen is yn de 20e iuw lykwols ferdwûn en noch hieltyd leit it frij isolearre.

Skiednis[bewurkje seksje | boarne bewurkje]

It gebiet is net ûntstien út in feandistrikt mar út de needsaak om de lege stikken lân te bedykjen.Om 1920 begûnen hjir de earste feanarbeiders mei de turfwinning. Troch it ôfgraven is in doalhôf fan petgatten en stripen. Foar de oarloch is derOmdat de behoefte oan turf minder waard is net alle fean ôfgroeven.

Natoer[bewurkje seksje | boarne bewurkje]

It natoergebiet om De Deelen hinne beslacht mear as 1200 ha. It wetter lûkt in soad wetterfûgels oan. Mei trochdat seldsume soarten as de blaustirns, de reade reager en de hoarnskrobber hjir foarkomme hat it natuergebiet de ynternasjonale status fan Wetland krigen. Winterdeis komme hjir ek in soad einen en guozzen.