Ierdappel

Ut Wikipedy
Gean nei: navigaasje, sykje
Ierdappel
Potatoes.jpg
taksonomy
ryk: planten (Plantae)
stamme: blêdplanten (Euphyllophyta)
klasse: blomplanten (Anthophyta)
skift: ierdappeleftigen (Solanales)
famylje: ierdappelplanten (Solanaceae)
skaai: ierdappelplanten (Solanum)
soarte
Solanum tuberosum
L. 1753
Solanum tuberosum flower, 'Doré' bloem (4).jpg
Bloeiend ierdappelras Doré
Aardappel bessen Fresco.jpg
Beien fan ierdappel
Patates.jpg
Ferskate skylkleuren

De ierdappel, earpel, ierpel, jirpel, ierappel of rjappel (Solanum tuberosum) is in plant dy't knollen foarmet ûnder de grûn. Dy knollen befetsje stiselmoal en binne it haadfiedsel yn in grut tal lannen benammen yn Jeropa, mar ek oare westerske lannen. Neist rys, pasta en bôle is de ierdappel in wichtige boarne fan koalhydraten.

Fiedingswearde[bewurkje seksje | boarne bewurkje]

Krekt as rys, pasta en bôle is de ierdappel in wichtige boarne fan koalhydraten. Ierdappels befetsje ek fitamine B6 en fezels.

Trochsneed fiedingswearden fan ierdappels (sa't op de ferpakking stiet), tamakke lykas meast wenst:

Fiedingswearde
Enerzjy
Fetten
- wêrfan fersêde fetsoeren
Koalhydraten
- wêrfan sûkers
Fezels
Aaiwiten
Sâlt
de 100 g
kJ 362, kkal 86
0,4 g
0,1 g
17,9 g
0,4 g
1,5 g
1,7 g
< 0,1 g

Skiednis[bewurkje seksje | boarne bewurkje]

De ierdappel komt fan oarsprong út Súd-Amearika en waard troch ûntdekkingsreizgers meinaam nei Jeropa. Earst waard hy net as iten brûkt omdat tocht waard dat de hiele plant giftich wie. Boeren wiene yn 't earstoan dan ek net happich op it ferbouwen fan ierdappels. Earst yn 1727 waard de ierdappel yn Nederlân erkend as fiedsel. Dat barde yn Fryslân, dêr't dan ek in ferskaat fan ierdappelsoarten weikomme en kweekt binne. Stadichoan krige de ierdappel dochs linkendewei mear de rol fan folksiten en yn de 18e iuw waard de ierdappel yn alle Jeropeeske lannen ferboud. Troch it hege gehalte oan fitamine C waard de knol ek brûkt om skuorbot op lange seereizen foar te kommen.

Geert Veenhuizen (ûnder oare Eigenheimer en Reade Star) en Kornelis Lieuwes de Vries (Bintje) wiene Nederlanners dy't har yn de 19e en 20e iuw dwaande holden mei de tylt en ûntjouwing fan de ierdappel.

Soarten[bewurkje seksje | boarne bewurkje]

In oantal bekende ierdappelsoarten binne:

Wrâldwiid binne der sa'n 4.000 ierdappelrassen,[1] dêr't sa'n 200 fan yn België en/of Nederlân kweekt wurde.

Produksje[bewurkje seksje | boarne bewurkje]

De trochsneed wrâldboarger iet yn de earste dekade fan de 20e iuw sa’n 33 kilo ierdappels jiers. De pleatslike populariteit fan de ierdappel is slim wikseljend en kin samar feroarje. It is in wichtich gewaaks yn Jeropa (benammen East- en Sintraal-Jeropa), dêr’t de produksje steesoan de heechste fan de wrâld is, mar de grutste groei sit him de lêste dekades yn Súd- en East-Azië. Sina is no de grutste produsint en sawat in tredde fan de wrâldproduksje sit yn Sina en Yndia. [2]

Ierdappels ferbouwe is mei net al tefolle wurk goed te dwaan en hy past him ridlik goed oan oan de ferskate klimaten, as it mar koel en wiet genôch is foar de plant om wetter út de grûn te heljen om de stiseleftige knol foarmje te kinnen. Ierdappels binne wol o sa fetber foar sykten.

Op de bou[bewurkje seksje | boarne bewurkje]

Nei’t de grûn troch lânwurk ree makke is, wurde de setters yn de grûn treaun. Foar in gewoane tylt wurde de poaters yn april/maaie set en mei in bytsje grûn bedutsen. Dat kin mei in setmasine. De ierdappels wurde yn rêgen tylt. Yn de rin fan de waakstiid wurde dy in pear kear opstrutsen mei help fan in opstriker. Dêrby wurdt oan wjerskanten in bytsje grûn oer de woartels fan de plant skood. Dêrtroch bliuwe de woartels hieltyd goed ûnder de grûn sadat der gjin griene knollen ûntsteane en sa de rêch dêr’t de ierdappels yn waakse ek ûntstiet.

Foar’t de ierdappels dolt wurde, wurdt it gewaaks lofklapt en/of deaspuite. Troch dat deameitsjen fan it lôf behurdet de skyl, wêrtroch’t de by it dollen minder skeind wurde. De ierdappels wurde mei in ierdappeldoller út de grûn helle. Ofhinklik fan it ras wurdt der betiid, heal-betiid of let rispe.

In probleem by ierdappels is it stjitblau, dat ûntstiet trochdat de ierdappels by of nei it dollen skansearje troch ûnder oare in te grutte falhichte, drukplakken, smiten of stjitten. By in lege temperatuer nimt de gefoeligens foar stjitblau ta. Under de skyl ûntsteane blauwe plakken, dy’t by it skilen in soad ferlies opsmite. De blauwe plakken ûntsteane trochdat yn stikkene sellen it aminosoer tyrosine en fenolen omset wurde yn it brúngrize of blauswarte melanine.

Eartiids waarden de ierdappels winterdeis yn in bult (kûle) opslein op it lân. Dy bult waard mei reid of strie ôfdutsen, omdat de ierdappels ûnder ynfloed fan ljocht oars grien wurde. By it bewarjen wurdt nei in hoart, ôfhinklik fan it ras, de sprútrêst ferbrutsen en begjint de ierdappel út te rinnen. Dêrom wurde ierdappels gauris mei guod behannele dat it spruten opkeard. In natuerlike sprútkearder is karvon. Yn it tsjuster ûntsteane by it útrinnen lange, wite spruten. It útrinnen is tsjin te gean troch de spruten geregeldwei te ferwiderjen.

Tiden yn it jier[bewurkje seksje | boarne bewurkje]

De tylt fan ierdappels duorret meiïnoar altyd sawat fiif moanne en kin op ferskate stuiten yn de winter en de maitiid úteinsette. De folgjende fjouwer haadperioades wurde oantsjut:[3]

  • Betiid: febrewaris - juny
  • Heal-betiid: maart - july
  • Heal-let: april - septimber
  • Let: maaie - oktober

Syktebestriding[bewurkje seksje | boarne bewurkje]

Yn it seizoen wurdt, ôfhinklik fan it waar, troch de measte kwekers alle 7 oant 10 dagen mei in gewaaksbeskermingsmiddel spuite tsjin de ierdappelsykte (phytophthora). De needsaak fan gemyske bestriding is allinnich te beheinen troch safolle mooglik resistinte rassen te nimmen. Mei help fan planteferedeling, bygelyks troch genetyske modifikaasje wurdt besocht om mear resistinte rassen te kweken, mar dat proses ferrint dreech.

By it kweken fan ierdappelrassen lykas Bintsje, Bildtstar en Eigenheimer wurde relatyf in soad gewaaksbeskermingsmiddels brûkt. Ierdappels út de gongbere tylt dêr’t minder miljeubestridingsmiddels by brûkt wurde, binne ûnder oare Doré, Escort, Alpha, Van Gogh en Santé.[4]

Sykten en pleagen[bewurkje seksje | boarne bewurkje]

Ierdappels binne fetber foar ferskate plantesykten en pleagen. Dat binne bygelyks:

skimmels ierdappelsykte (phytophthora) Phytophtora
alternaria Lôfskea troch Alternaria solani
fusarium (drûchrot) Troch fusarium oantaaste ierdappels (ras Fresco)
lakskurft Hyfen Rhizoctonia solani
netskurft (Streptomyces spp.) Netskurftstruktuer
sulverskurft Skurft op Doré
wylsykte
wartsykte Wartsykte
baktearjes stâlewietrot
swartskonkigens Stâleferkleuring en swart wurden
brúnrot
ynsekten blêdlús Blêdluzen
ierdappelkrobbe ierdappelkrobbe
nematoaden
ierdappelwurgens (ierdappelsyste-ieltsje)
Globodera rostochiensis
Globodera pallida
Globodera rostochiensis
woartelknobbelieltsjes
Meloidogyne hapla
Meloidogyne chitwoodi
Meloidogyne fallax
Meloidogyne incognita ieltsje dat in tomatewoartel ynkringt, fergrutting 500X
ferskate firussen en firoïden blêdrolfirus
ierdappel X-firus
ierdappel Y-firus
ierdappel S-firus
ierdappelspindelknolfiroïde (PSTVd)

Biologyske tylt[bewurkje seksje | boarne bewurkje]

Yn de biologyske ierdappeltylt wurdt net spuite. It gefolch is wol, dat it groeiseizoen daliks oer is sadree’t in persiel op gruttere skaal rekke wurdt troch phytophthora. Lytse besmettings kinne noch útrûge wurde troch de planten pleatslik dea te brânen. Fóár de rispinge wurde de planten op it hiele persiel deabaarnd. Troch iere besmetting wurdt der gâns minder rispe by de biologyske tylt en mei’t dy besmetting frijwat ritich is binne de jieropbringsten slim wikseljend. Om’t biologyske produkten meast streekrjocht oan de klant ferkocht wurde, leannet de tylt dochs.

Keuring[bewurkje seksje | boarne bewurkje]

Yn it foarste plak is de boer sels ferantwurdlik foar de kwaliteit en sûnens fan de ierdappels. Lykwols binne der (strange) kontrôles, sawol op it lân as by it bewurkjen (bewarjen, lêzen, sortearjen) fan ierdappels. Dy kontrôle wurdt dien troch de NAK[5]. De NAK hâldt de sûnens, rassuverens en kwaliteit yn de gaten. Der binne sa’n 85 karmasters aktyf dy’t om ende by 38.000 hektare poaters beöardielje. Partijen ierdappels dy’t oan alle easken foldogge wurde troch de NAK sertifisearre. Sûnder sertifisearring troch de NAK binne ierdappels net te ferhanneljen.

Top ierdappelprodusearjende lannen[bewurkje seksje | boarne bewurkje]

Nettsjinsteande it lytse oerflak stiet Nederlân wol yn de top tsien fan ierdappelprodusearjende lannen.

Lân Miljoen metrike ton (2013)
Flag of the People's Republic of China.svg Sina 88.9
Flag of India.svg Yndia 45.3
Flag of Russia.svg Ruslân 30.2
Flag of Ukraine.svg Oekraïne 22.3
Flag of the United States.svg Feriene Steaten 19.8
Flag of Germany.svg Dútslân 9.7
Flag of Bangladesh.svg Banglades 8.6
Flag of France.svg Frankryk 7.0
Flag of the Netherlands.svg Nederlân 6.8
Flag of Poland.svg Poalen 6.3
Wrâldtotaal 368.1
Boarne: FAOSTAT[6]

Posysje Nederlân en Fryslân[bewurkje seksje | boarne bewurkje]

Yn Nederlân wurde boud:

De grutste arealen oan ierdappels yn Nederlân binne foar konsumpsje-ierdappels Flevolân, Seelân en Noard-Brabân. Yn de feankoloanjes yn Drinte en Grinslân wurde in soad fabryksierdappels boud foar it winnen fan setmoal. Yn it noarden, troch minder luzen, poaters.

De meast ferboude ierdappel hat 2n=48 gromosomen en is in tetraploïde plant, dêr’t alle gromosomen fan fan ien plant ôfkomme (autoploïde). Ierdappels wurde hast altyd kweekt fan ién inkelde kloon mei sa goed mooglike genen. Alle ‘bintsjes’ komme bygelyks fan ién kloon. Sûnt koart is der in nije wize fan ierdappelferedeling ûntwikkele wêrby’t der fan diploïde planten út sied, troch selsbestowing fan inkelde generaasjes homozygoate âlderlinen makke wurde. Dy âlderlinen wurde brûkt om hybride ierdappelsied te meitsjen.[7]

  Nederlân Fryslân
  2000 2005 2014 2015 2016 2000 2005 2014 2015 2016
Ierdappels, totaal are 18.016.160 15.578.061 15.625.247 15.651.111 15.789.953 882.937 785.397 840.379 840.920 840.916
— Konsumpsje-ierdappels 8.741.303 6.582.921 7.406.842 7.173.565 7.332.080 146.880 103.274 139.874 124.626 125.548
— Poatierdappels 4.180.152 3.926.211 3.987.369 4.184.803 4.140.509 699.510 661.087 684.161 698.112 697.581
— Setmoalierdappels 5.094.705 5.069.029 4.231.036 4.292.743 4.317.364 36.547 21.036 16.344 18.182 17.786
Bedriuwen, totaal tal 15.267 10.458 9.324 9.507 9.569 560 421 350 357 343
— Bedriuwen, konsumpsje-ierdappels 10.887 7.035 6.779 6.742 6.813 306 170 168 147 155
— Bedriuwen, poatierdappels 3.273 2.324 2.321 2.419 2.294 429 327 281 288 265
— Bedriuwen, setmoalierdappels 2.916 2.049 1.409 1.508 1.594 25 13 14 21 18
Boarne: CBS[8]

Ierdappelgerjochten[bewurkje seksje | boarne bewurkje]

Bildtse Aardappelweken[bewurkje seksje | boarne bewurkje]

Yn 2018 sille de Biltske Ierdappelwiken heve. It programma omfiemet ûnder oare de poëtyske bân tusken Malta en Fryslân mei de ierdappel as ferbinend elemint, lokaasjefoarstellings mei (ierdappel)keunst sintraal, in grut Frysk-Malteesk ierdappelmiel oan de Aldebiltdyk, besichtiging fan de gewaaksen op It Bilt, in agrarysk sympoasium en in skoalleprojekt. Foar de poézij oer en om de ierdappel hinne wurkje û.o. mei: Geart Tigchelaar, Janneke Spoelstra, Simon Oosting, Tsead Bruinja, Yva Hokwerda, Arjen Dijkstra, Baukje Wytsma, Ben Cami, Hans Andreus, Jantsje Post, Achille Mizzi, Fra Gioele (Joe P. Galea), Jesmond Sharples, Josef Borg, Manwel Cassar en Omar Seguna. [9]

Sechje[bewurkje seksje | boarne bewurkje]

Der binne mar twa dingen yn 'e wrâld dy't in man sels útsykje moat:
In ierdappel en in wiif.[10]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. http://news.nationalgeographic.com/news/2002/06/0610_020610_potato.html
  2. url=http://www.springerlink.com/content/x337773202025363/
  3. Bosatlas van het voedsel, Noordhoff Utjouwers, 1e pr, 2014, p. 30
  4. Milieuloket
  5. http://www.nak.nl/aardappelen
  6. url=http://faostat.fao.org/site/567/DesktopDefault.aspx?PageID=567#ancor
  7. Lindhout, P. et al. Towards F1 Hybrid Seed Potato Breeding. Potato Research (2011) 54:301–312. http://link.springer.com/article/10.1007%2Fs11540-011-9196-z
  8. url=http://statline.cbs.nl/Statweb/publication/?DM=SLNL&PA=80780NED&D1=24-31,90-97&D2=0,6&D3=0,5,14-16&HDR=G1,G2&STB=T&VW=T
  9. http://www.bildtseaardappelweken.nl
  10. Simke Kloosterman/Wieke de Haan, 'De Fryske Petiele en wat der op en yn leit', s. 85. De Tille, Ljouwert 1986
Wikimedia Commons Ofbylden dy't by dit ûnderwerp hearre, binne te finen yn de kategory Potato fan Wikimedia Commons.