Westerske wrâld

Ut Wikipedy
Gean nei: navigaasje, sykje
In ynterpretaasje fan wat healwei de 20e ieu de westerske wrâld wie.

De Westerske wrâld of it Westen is in benamming dy't brûkt wurdt foar in groep lannen dy't heare ta de rykste en machtigste fan de wrâld. Dizze lannen hawwe in grutte kulturele ynfloed en oerwicht op de rest fan de wrâld.

Der is gjin persyze definysje fan hokfoar lannen by de Westerske wrâld hearre. Oarspronklik besloech de term allinnich West-Jeropa en de lannen dy't dêr kultureel mei ferbûn wienen, lykas de lannen yn Noard-Amearika, Súd-Amearika en Oseaanje. Sûnt de tiid dat yn Aazje ferskate lannen inselde ekonomysk nivo berikt hawwe as it westen, wurde faak ek de rike lannen yn it easten der ta rekkene.