Blitsaard

Ut Wikipedy
Jump to navigation Jump to search

De Blitsaerd is in wenwyk fan Ljouwert dêr't earder de Bullepolder wie. De Blitsaerd is mei de Súdlannen ien fan de nijste wiken fan Ljouwert. Blitsaerd wie oarspronklik in terp, lizzend op it twadde persiel links fan de Lekkumerwei. Letter waard de buorskip Blitsaerd oantsjutten as it gebiet tusken de mear (grinssleat) de Bonke en de hjoeddeiske Miedwei. Hy wurdt yn 1490 Blitzaerda weij en letter ek Blissaerd, Bletsaerd en Blytssaerd neamd. De term ‘blits’ hat te krijen mei ‘blik’ en ‘blinkend’. By't winter lei dit gie it ûnder wetter. Yn de rin fan maaie kaam it gebiet drûch te lizzen en riisde it as glânzjend út it lânskip omheech. De doarpen om Blitsaerd (Lekkum en Snakkerbuorren) hawwe de útwreiding fan Ljouwert lang opkeard. In 2006 waard begûn mei de bou en op 8 july 2006 waard de earste wenning oplevere.

Strjitnammen[bewurkje seksje | boarne bewurkje]

De strjitten krigen as namme:

  • Auck Petersstrjitte - Eigener út de histoarje fan de betreffende grûn yn dizze wyk. Dizze, út de bekende Ljouwerter patrysjerslaach fan de Auckema’s kommende frou stifte it Old Burger Weeshuis yn 1533 te Ljouweret. Se ferkocht har besittings yn 1509 oan Hemma Oddazin.
  • Blitsaerderleane - Trochgeande dyk troch de wyk Blitsaerd. Alle stikken lân makken diel út fan it op dizze terp lizzende buorskip. De ôfgroevene terp stie op it twadde persiel links nei it passearen fan de brêge oer de Bonke, yn de Lekkumerwei rjochting Lekkum. It hiele lân fan Snakkerburen oant de Murk/Alddeel waard as Blitsaerderhimrik oantsjutten. De strjitnamme Blitsaerderwei kaam foar it earst foar yn 1490. It is in âlde namme foar de hjoeddeiske Miedwei.
  • Fikarijhôf - Ferwiist nei de helppreester út it roomske ferline fan Lekkum. It stik tsjinne yn de pre-reformatyske tiid (dat foar 1580) ta it ûnderhâld fan de fikaris fan de tsjerke fan Lekkum. It lei yn it easten fan dit gebiet, net fier fan de Murk.
  • Hemma Oddastrjitte - Eigener út de histoarje fan de betreffende grûnnen yn dizze wyk. Hemma Oddazin of Oddasoan wie stedssekretaris fan Ljouwert om 1500 hinne. It troch him legatearre replike en net-replike goed makken de stiftting fan it Wite Nonnen of Dominikanessen-kleaster ± 1522 mooglik. Hy hie ûnder oare lannen yn de buert fan it lettere Tolhûs.
  • Jacob fan Wieringenstrjitte - Eigener út de histoarje fan de betreffende grûnen yn dizze wyk. Jacob Jansen fan Wieringen, stamfaar fan de foaroansteade famylje Buygers wêrfan de leden ferskillende bestjoersfunksjes beklaaiden, wie yn de jierren 1523-1525 boargemaster fan Ljouwert. Nei de famylje Buygers is de terp fan Tabebuorren ten easten van Lekkum neamd. Syn skaai wie besitter fan twa pleatsen, ien op de terp fan Buygers (floreennûmer 7) en ien oan it begjin fan de Blitsaarderleane, de hjoeddeiske Miedwei (floreennûmer 5). De lêste pleats hie syn lânnen krekt yn dizze stedsútwreiding.
  • De Liespôle - Namme fan in polderke fan sân pûnsmiet dat op de Bonke ôfwettere.
  • It Sinderlân - Dit stik lân lei fuort ten noardeasten fan it Ald Tolhûs. It wurdt yn 1481 en neifolgjende jierren fermelden as Zinderland en kaam yn 1508 yn hannen fan it Hillich Sakremintsgilde (de behearder fan it Sint Jacobsgasthûs). Troch dizze ynstelling, dy't yn 1531-1533 opgie yn it Sint Anthony Gasthûs, yn hannen fan de lêstneamde ynstelling.
  • Susternemear - Mear betsjut skiedingssleat. Krektas Sint Ceciliënmear is dit in âlde namme fan de Bonke. Eartiids waard dit ek wol oantsjutten as Blitsaerdermear. Susternemear is ôflieden fan de Grouwe Beginen (susters fan de tredde regel fan Sint Franciscus) waans kleastertsjerke de lettere Westertsjerke en oant 2016 Teäter Romein wie. De nonnen hienen hjir benoarden it Tolhûs stikken lân.
  • Sint Ceciliënmear - Mear betsjut skiedingssleat. Sint Ceciliënmear is de âlde namme foar de Bonke. De namme komt fan de patronesse fan de tsjerke fan Lekkum, de hillige Cecilia. Yn Fryslân wie fierdrs allinnich de tsjerke fan Easternijtsjerk oan dizze hillige wijd.
  • Sudermieden - Achttjinde-iuwske oantsjutting foar de lannen súdeastlik fan it útein fan de Miedwei. Dizze lannen leinen yn it suden fan de himrik fan Lekkum.
  • Tolhûswei - De tagongsweg fan dizze wyk ferwiist nei it eardere tolhûs oan de Grinzerstrjitwei. Yn 1531 waard troch it stedsbestjoer fan Ljouwert de Swartewei oanlein, de foarrinder fan de Grinzerstrjitwei. De stêd krige it rjocht tol te heffen, fandêr it tolhûs.

Besteande strjitnammen:

  • Kealledykje -
  • Miedwei -

Sydlings[bewurkje seksje | boarne bewurkje]

De ferneamdste bolle út Fryslân is Blitsaerd Keimpe.

Keppeling om utens[bewurkje seksje | boarne bewurkje]