Skinkeskâns

Ut Wikipedy
Jump to navigation Jump to search
De buert Swette-Skinkeskâns yn Ljouwert (stêd).

Skinkeskâns is in buorskip oan de Harnzer Trekwei en Swette. It leit diels ûnder Deinum, diels ûnder Ljouwert. Der siet in stienfabryk, in houtseagerij en oare yndustry. Letter is der in dwinger komd.

Njoggentjinde-iuwske kaarten jouwe de namme foar de bebouwing om it plak dêr't de Swette yn de farwei fan Ljouwert nei Ritsumasyl útkomt. De kaart fan 1700 jout hjir Schenkeschans. De namme dûkt foar it earst op yn 1638 as as Schenke Schans as in gongberder namme nei foaren komt as Swettehorne (wat oars net op itselde plak leit). It soe hjir om in ferneamingsnamme gean nei de festing Schenkenschans by de skieding fan Maas en Waal dy't yn 1636 troch Freark Hindrik op de Spanjerts werovere wie en dêrtroch bekend wurden wie. Van der Aa (1840) skriuwt lykwols dat de namme ûntliend is oan Georg Schenk fan Toutenburch († 1540), steedhâlder fan Fryslân, Grinslân en Drinte, dy't foar dit plak oer it slot Toutenburch bewenne hawwe soe. Dat is lykwols in misferstân, want in hûs mei dy namme waard troch him yn 1532 yn Ryptsjerk boud.

Boarnen, noaten en referinsjes[boarne bewurkje]

Boarnen, noaten en/as referinsjes: