De Súdlannen

Ut Wikipedy
Jump to navigation Jump to search
Wijk 54 De Súdlannen - Buert 02 De Súdlannen

De Súdlannen is de namme fan in Ljouwerter nijbouwyk yn oanbou. De wyk leit ten suden fan Goutum, tusken it spoar Swol-Ljouwert en de N358 (Drachtsterwei), begrinze yn it noarden troch it Van Harinxmakanaal en yn it suden troch de A31.

Konsept[bewurkje seksje | boarne bewurkje]

De wyk sil bestean út trije stêdslânskippen: De Plantaazje, Lommerryk en Wetterryk, mei dêrbinnen njoggen buorskippen, te begjinnen mei Techum, Jabikswâlde en Wiarda. De bou yn Techum is al begûn yn 2006, it totale bouplan foar de wyk rint oant it jier 2020 en sil bestean út ûngefear 6500 wenningen.

Techum[bewurkje seksje | boarne bewurkje]

Techum is neamd nei de monumintale kop-hals-romppleats "Techum", oan de râne fan de lykneamde terp (yn de Midsiuwen neamd Dacheim). De pleats út 1904 en de terp hâlde harren agraryske karakter en wurde beskôge as weardefollemhistoaryske eleminten yn de nije wyk, krektas de besteande wetterrin It Alddjip. It bouplan beslacht 450 wenningen. Bysûnder is de yn 2009 iepene Eco Zathe, in duorsume waarmte- en elektrisiteitssintrale fan Essent. De sintrale wurket op biogas, wat troch in piiplieding oanfierd wurdt fan de op sa'n 5,5 km ôfstân lizzende proefpleats Nij Bosma Zathe. Ek sil as proef de earste Eco Iglo (amfibyske wenfoarm) fan Nederlân yn Techum setten wurde.

Jabikswâlde[bewurkje seksje | boarne bewurkje]

Nei Techum is Jabikswâlde it earstkommende te ûntwikkeljen buorskip. Tsjin it bestimmingsplan rinne lykwols beropsprosedueres, û.o. yn ferbân mei it besteande krematoarium Goutum. Anno 2010 wurdt de grûn bouryp makke. Jabikswâlde leit tusken Techum en Goutum. It plan omfet ± 240 wenningen en in soarchynstelling (Soarchgroep Noorderbreedte).

Wiarda[bewurkje seksje | boarne bewurkje]

Wiarda is nemad nei de eardere Wiardastate en leit tusken de Hounsdyk (in eardere dyk tusken Goutum en Wergea) en de N358. It bouplan (start 2011) omfet ±. 300 wenningen yn in wetterryk gebiet, mei in oansluting op de Wurdumerfeart foar rekreaasjeboaten.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: